¹ Lyonse ilyo mfwaya ukundapa Israeli, amampulu yakwa Efulemu yalasokoloka, ne miciutile iyabipa iya bena Samaria, bala cenjeshanya; abapupu balesamo kabili ifipondo nafyo filasansa mumisebo. ² Mu mano yabo tabatontokanya nangu panono ukuti ine ndebikisha imicitile yabo yonse iyabufi. pantu ububifi bwabo nabubashinguluka; buli pa cinso candi. ³ Mufya bubifi fyabo balenga imfumu ukusansamuka balasamusha na bacilolo bene ku bufi bwabo. ⁴ Bonse ni mpulumushi sha bantu, ubukali bwabo bupya ngo mulilo wa cakufumbikilamo umukate, uyo kapanga wa mukate tasonkeleshako ukufuma apo akashile umufuma mpaka watutumuka. ⁵ Pa bushiku bwa mfumu ifilolo filaipangila ifine, ukulwala ne cikabilila ca mwangashi . Abantu balilongene ukuti ikolwe pamo na bacilolo baiko no kubafye nge fipuba pa mulandu wa kunwesha umwangashi. ⁶ Ilyo abantu balebapangial imitiam yabo yalebilima ngo lubingu lwa mulilo, mu cifuba cabo mwakabile bushiku bonse kulwa cipyu cabo, elyo ulucelo icipyu cabo calabilima ngo lubingu. ⁷ Epakulaipaya bakateeka babo, pa nshita imitima yabo yalebilima ngo lubingu lwa mulilo, mu cifuba cabo mwakabile bushiku bonse kulwa cipyu cabo, elyo ulucelo icipyu cabo calabilima ngo lubingu. ⁸ Efulemu batobenkana ne mishobo yabena fyalo. Efulemu kapapatuka mukate akapile ulubali lumo. ⁹ Abena fyalo nabamupoka amaka ukwabula ukwishiba, teshibe no kuti mumutwe wakwe muli mfwi nakulya. ¹⁰ Kanshi icilumba ecileletelela Israeli; nangu caba ifi, awe bea tebakubwelela uko ndi, nangu ukumfwa ine ne Yawe Lesa wabo. ¹¹ Abena Efulemu baba nge nkunda iyi shakwata mano kabili iyatumpa babutukia ku calo ca egupto pakuti eco cibapokololeko, no kuya ku calo ca Asiria. ¹² Lelo ilyo baleya, ine nakulabateya isumbu, nakulaponya panshi ngo tuni twa mu lwelelele, nakulabalimuna pafyo balecita. ¹³ Ala balishama pamulandu wakufuma uko ndi. Bakaloba pantu nabansangukila. Ine nalefwaya ukubalubula, nomba balesosa ifya bubifi pali ine. ¹⁴ Tabalempapata ne mitima yabo yonse iyoo, nangu balendilila. Ilyo basendele pa misengele yabo. Ilyo balomba inganu no mwangashi upya balaitetaula imibili nga bena fyalo. Aba bantu, awe tepakuntalamina. ¹⁵ Nangu ine mbakansha no kuba kosha, awe bena kunsangukilafye. ¹⁶ Tabafwaya ukubwelela ku wapulamo, baumalala ngo buta ubwaonaika. Intungulushi shabo bakashipaya ku lupanga, pantu nshilanda mataki mataki. Pali ici bakabaseka nganshi mu calo ca Egupto.