¹ 'Iseni natubwelele kuli Yawe. Panbtu ena natutakanya, lelo akatuposha; natucenaula, lelo akatundapa ifilonda. ² Panuma yanshiku shibili akatupuputula; akatwimya pa numa ya nshiku shitatu, kabili tukekala pa cinso cakwe. ³ Natumwishibe Yawe; natupose na mano mukwishiba Yawe. Ukwisa kwakwe kuli ifwe icine fye nga akasuba akaletula; akesa kuli ifwe nge mfula yakuloboka, nge mfula yakulekelesha iitapilila icalo." ⁴ Efulemu, bushe ine nkucite shani? Yuda, bushe ine nkucite shani? Ukutemwa kwenu kwaba nge kumbi lya lucelo, nga mume ululuka lucelocelo. ⁵ Eico nalimuputwile utupimfya kuli ba kasesema; noku mwipaya ku mashiwi ya mukanwa kanddi. Ubupingushi bwandi pali imwwe bwa byashishe nge nkuba. ⁶ Pantu ine nsekela mu cipangano ca cishinka kabili te mu celambo iyo, kabili nokwishiba Lesa ukucila amalambo yakoca. ⁷ kwati ni Adamu, balyonawile icipangano; tabakwete ne cishinka kuli ine. ⁸ Gileadi emusumba wa bancita fibi, abakantaikwa umulopa. ⁹ Nga filya ifipondo filalilila abantu, eficita namabumba yabashimapepo ukwipaya abantu mu musebo wakuya ku Shekemu; imicitile yabo ualibipa nganshi. ¹⁰ Mu nganda yakwa Israeli ine ndamona ifintu ifyabunani; Efulemu acita ubucende mukupepa utulubi, kabili Israeli naikowesha. ¹¹ Pantu naiwe wine, Yuda, inshita yabu lobolola naiteyanishiwa, ilyo nkapilibula bunkole bwa bantu bandi.