¹ Umfweni ici, bashimapepo! Kutikisheni, mwe nganda yakwa Israeli! Tesheni, mwe nganda ya mfumu! Pantu ubupingushi buleisa pali imwe bonse. Imwe mwali nge citeyo ku Misipa kabili nge sumbu ilya anshikwa pa muli wa tabo. ² Ba cisanguka nabatwalilila ukwiminina ukwipaya lelo ine nkabalimuna bonsefye. ³ Ine nalimwishiba Efulemu, na Israeli tafiswa kuli ine. Efulemu na Israeli tafiswa kuli ine. Efulemu, nimba iwe nauba nga cilende; Israeli naitalama. ⁴ Imicitile yabo tayakanasuminishe ukupilibukila kuli Lesa, pantu amano ya bucilende yaba muli bena, kabili tabaishiba Yawe. ⁵ Icilumba ca bena Isreali ecibashinina pali bena; eco Israeli na Efulemu bakaipununa mu milandu yabo. ⁶ Bena bakalaya ne mikuni shabo, ne ngombe ku kufwaisha Yawe, lelo bena tabakamusange ena pantu ena alifumamo umwine muli bena. ⁷ Bena tabali abacishinka kuli Yawe, pantu bena bafyelwe abana ba mu bulale lale. Nomba imitebeto yakusefya umweshi upya ukabonaula pamo na mabala yabo. ⁸ Lisheni intandala mu Gibea kabili lisheni ipenga mu Rama. Ikatisheni inkuuta ya nkondo ku Beti Afeni: 'ifwe tukamikonka imwe, mwe bena Benjamini!' ⁹ Efulemu akaba icibolya pa bushiku bwa kukandwa. Pakati yamitundu yabena Israeli ine ndesosa ifishinka ifili no kucitika. ¹⁰ Intungulushi sha bena Yuda nga abo abasesha amabwe ya mupaka. Ine nkapongolola icipyu candi pali bena nga menshi. ¹¹ Efulemu natitikishiwa; ena nanyantililwa mu bupingushi, pantu ena aliipeleshe ukukonka utulubi. ¹² Eco ine nkaba nge cishishi icilya insalu kuli Efulemu, Kabili nge cabola ku nganda yakwa Yuda. ¹³ Ilyo Efulemu amwene amalwele yakwe na Yuda alimwene icilonda cakwe, elyo Efulemu alile ku Asiria, na Yuda alitumine bakapaso ku mfumu nkalamba. Lelo ena takwanishe ukundapa imwe mwe bantu nangu ukuposha icilonda cobe. ¹⁴ Eco ine ndeba nge nkalamo kuli Efulemu, kabili nga kana ka nkalamo ku nganda yakwa Yuda. Ine nangufye ine, nkabalepula pakati nokuya nkaye; Ine nkabasenda, kabili takwakabe nelyo umo uwa kubapokololako. ¹⁵ Ine nkaya no kubwelela ku cifulo candi, mpakafye bena bakakwate ubwishibilo pa filubo fyabo no kufwaya icinso candi, mpakafye bakanfwailikishe ine mu kucucutika kwabo."