¹ Umfweni ku cebo cakwa Yawe, mwe bantu bakwa Israeli. Yawe ali nefikansa na baikala mu calo pantu tamuli icishinka nangu icipangano ca cishinka tamuli amano yakwa Lesa mu calo. ² Muli ukulapisha, ukubepa, ukwipaya, ukwiba, no bucende. Abantu ba posa ifunde, ne milopa iilesuma panuma ya milopa inankwe iilesuma. ³ Eico icalo cilelosha, kabili uuli onse uwaikalamo na fulunganishiwa; nefya mweo fya mu mpanga nefyuni fya mulwelele, elyo nesabi muli bemba nalisendwa. ⁴ Nomba mwileka uuli onse ukuleta ukukansana mwileka uuli onse ukupamfya uuli onse. Pantu ni imwe, bashimapepo, ni imwe nde pela umulandu. ⁵ Imwe ba shimapepo mu kaipununa mu nshisa ya kasuba; bakasesema nabo bene bakaipununa pamo pene naimwebene inshita ya bushiku elyo kabili nkonaula banyinenwe. ⁶ Abantu bandi baonaika pamulandu wakukana kwata amano. Pantu imwe bashimapepo na mukana amano. Nanine nkamukana nga bashimapepo kuli ine. Pantu mwalaba amalango, nangula ndi Lesa wenu. Naine wine nkalaba abana benu. ⁷ Ukuba mukufula kwa bashimapepo, emukuba mukufula kwa ku bembukila ine. Ba kabushanya ubucindami bwabo ne nsoni. ⁸ Balya ifya palubembu lwa bantu bandi na kuma mpulu yabo eko babike imitima. ⁹ Cili nokuba cimo cine kubantu elyo na kuli ba shimapepo; ndi nokuba salapula bonse pa mulandu wa ficitwa fyabo; ndi no kubalipila pamulandu wa micitile yabo ¹⁰ Ba kalya no kwikuta iyo; bakacita ubucende no kusanda iyo, pantu balileka ukumfwa kuli Yawe. ¹¹ Batemwa ubucende bwa bupumbu, umwangashi; elyo no mwangashi uupya, iya senda ukumfwikisha kwabo. ¹² Abantu bandi baipusha ku filubi fya baswa, elyo ku nkonto shakwendelako sha ba pela ubusesemo. Pantu amatontokanyo ya bupumbu ta batungulula mumbi, elyo ba bomba nga ca cilende icilingile uku ba abacishinka kuli Lesa wabo. ¹³ Ba pela ifya malambo pa mulu wa mpili elyo no koca ifyo cena cisuma pa tupili, mwi samba lya muoke, no mulibni elyo no mutelebinti, pantu icintelelwe ci suma. Efyo abana banakashi benu bacita bucilende elup nabana banakashi benu ba mulamu shabo ba cito ubucende. ¹⁴ Nshili naku salapula abana banakashi benu nga cakutila abasala ukucita bucilende, nangula abana banakashi-ba mulamu shabo bacito ubucende. Pantu abaume nabo baya ciyeye muku ulungana nabanakashi ba cilende, kabili balapela amalambo mu musango wa mampulu nabacilende ba muma tempele. Eico aba bantu aba shumfwa bali nokuposwa panshi. ¹⁵ Nangula imwe, abena Israeli mwalicita ubucende, Yuda mwiba abakungumana. Mwiiya ku Gilgali, ku bantu benu; mwi ninika ku Betele abene, elyo mwilapa, ukutial, "umweo wakwa Yawe." ¹⁶ Pantu Israeli aba uwa bumankonso, ngo buma nkoso bwa ngombe. Yawe engabaleta shani ngo mwana wa mpanga apapabuka? ¹⁷ Efraimu aikolonganika pamo ne filubi; muleki abe umwine pa lwakuseka. ¹⁸ Nangu umwangashi wa kantauka nauya, bakonkanyapofye ukucita bu cilende; aba batungulula batemwa insoni shabo. ¹⁹ Umwela wa mufimbilisha mumulu muma pindoo; elyo bakaba ne nsoni pa mulandu wa malambo yabo.