¹ "Lisha intandala pa milomo yobe! Kapumpe aleisa pa nganda yakwa Yawe pamulandu abantu naba nongolola icipangano candi no kulwisha amalano yandi. ² Balilila kuli ine, 'mwe Lesa wandi, ifwe mu Israeli twali mishiba.' ³ Lelo Israeli alilekelesha icalo icisuma kabili umulwani akalamusupila. ⁴ Abantu lbandi abenefye beka ebasonta ishamfumu shakuteeka ukwabula no kulanjipusha. Abene baisalila intungulushi ukwabula nokuti ine ndebasuminisha. Balibula silufa na golide wabo, ee bapangamo utulubi, nato kabili utwakubonaulafye. ⁵ Ine nalipata cilya ciponti ca golide, ico mupepa mwe bena Samaria. Ine nalibafulilwa nganshi. Bushe ni lilali bakaba abasanguluka imitima? ⁶ Pantu akalubi aka kaishile mu Israeli ewapanga cilya cilubi ca ciponti, naco te ci lesa nakalya. Cilya ciponti ca golide ico abantu bapepa mu Samaria ala cikasansaika. ⁷ Pantu abena Israeli baletanda umwela, lelo kwena bakasepa kankungwe. Inganu mwibala tashapakule, eico tekuti mufume bunga ubwakupangamo umukate. Nangufye shpakule, shipye abena Fyalo kuti ebala shilya. ⁸ Abena Israeli ala balibamina, nomba balifye nga bantu ba mishobo imbi yonse iya benafyalo, kwati fyanangwa fya bantu, ifyabula incito. ⁹ Pantu bataleme nga bapunda wa mpanga, abalelolafye kumbi kumbi. Balebutukila ku calo ca Asiria pakutu baye bapokololako. ¹⁰ Nangu balelipila abena fyalo, ine nomba nkabalonganika pamo, tapapite ne nshita, balayamba ukunaika, pa nshita imfumu ya ku Asiria yakula bateeka buluku buluku. ¹¹ Nangu abena Efulemu balefusha ifibumbili fya malambo, pakuti epo baletulila imitulo yakupapata pa fibi fyabo, awe elintu fyakubifishamo. ¹² Nangu aba bantu ine nabalembela amafunde ayashaifulila bena baya monafye yambi yambi. ¹³ Pafya bupe fyandi ifya malamb balepayapo inama no kuilpya, lelo ine ne Yawe nkebukisha ububi bwabo, no kubakanda pa kfya bubifi fyabo, kabili bakabwelelamo ku calo ca Egupti. ¹⁴ Abena Israeli nabalaba kabumba wabo na bakuula na mayanda ye sano, na bena Yuda nabakuula imisumba ya malinga, cisuma, ine nkaposa umulilo uwakwisa oca imisumba yabo, no koca amalinga ya misumba iyakosa.