¹ Wilekwebaula umwaume umukulu. Lelo, umukoseleshe kubati ni wiso. Koselesha abalumendo nge ndume, ² abanakashi bakulu kubati ni banoko, na bakashana kubati ni ba nkashi mukusanguluka konse. ³ cindika ba mukamfwilwa, ba mukafwilwa bene nene. ⁴ Lelo umfwa mukamfwilwa ali na bana nangu abeshikulu, lekeni icakubalilapo bena basambilile ukulanga umucinshi muba mung'anda yabo. Lekeni bapele cibwesha ku bafyashi babo, pantu ici cakusekesha kuli Lesa. ⁵ Lelo uyo uuli mukamfwilwa mwine nene, uwashala eka, abika isubilo muli Lesa no kutwalilila mufya kupapata na mu mapepo ubushiku na kasuba, ⁶ lelo umwanakashi uukoikalila mu mangalo wa kufwa nangu abe no mweo. ⁷ Ukonkomeshe ifi fintu nafyo, pakweba ati babe ababulo kutungwa akabi. ⁸ Lelo umfwa umo tasunga bantu bakwe, ukucilapo aba mung'anda yakwe, alikene icitetekelo kabili abipishapo na pa utatetekela. ⁹ Lekeni umwanakashi alembwe nga mukamfwilwa uucilile pa myaka amakumi mutanda, umukashi wa mulume umo. ¹⁰ Uushimikwa mukubomba milimo yabune, cibe alisungile abana bwino, nangu nga alikupokelela abeni, nangu alikusamba amakasa yaba mushilo bakwa Lesa, nangu alikwafwa abalikutitikishiwa, nangu nga aliipeleshe ku mulimo onse uwa bune. ¹¹ Lelo kuli ba mukamfwilwa abaice, ukane ukubalemba. Pantu ulo baipelesha mufya lunkumbwa lwa mubili bafutuka Kristu, bakofwayo kupwa. ¹² Muli iyi nshila baba no kusekwa pantu balisulile ukuipelesha kwabo ukwantanshi. ¹³ Panshita imo ine, basambilila no kuba abanang'ani no kuseuluka ing'anda ne ng'anda. Tabalifye abanag'ani, lelo balanda ifya bula mano kabili balwendende, balanda ifintu ifyo bashilingile ukulanda. ¹⁴ Eco nebo nkofwaya ba mukamfwilwa abaice bopwe, bakwate abana, no kuteka amayanda yabo, no kukana pela umulwani apakutupontelela. ¹⁵ Pantu na nomba bamo balipatukile no kukonka Satana. ¹⁶ Umfwa umwanakashi uwatetekela alikwete ba mukamfwilwa lekeni alekubafwilisha, pakweba ati ulukuta lwititikishiwa, pakweba ati ulukuta lulekwafwa fye bamukamfwilwa bene nene. ¹⁷ Lekeni abakalamba abatungulula bune bune balingwe abawamino mucinshi ubili, ukucishapo abo aba cucutikile cebo na mu kusambilisha. ¹⁸ Pantu ilembo likolanda ati, "Wilekukaka ing'ombe kukanwa iikonyante ng'ano." kabili "Umubomfi awamina icilambu cakwe." ¹⁹ Wipokelela ukusekwa kwa mukamba kano paba bakambone babili nangu batatu. ²⁰ Ebawila aba bembu pa menso ya bonse pakweba ati abashala babe no mwenso. ²¹ Nkomikonkomesha mwebo, pa menso yakwa Lesa na Kristu Yesu naba malaika abasalwa, ku kusunge ifi fipope ukwabula ukusobolola, kabili wicita nangu cimo ku kupatulula. ²² Wilekubika bwangu iminwe pa muntu nangu umo ku kumushisha. Wishingwa mu membu sha muntu umbi. Ufwile ukuisunga uwa kusanguluka. ²³ Taufwile kunwa amenshi kabili. Lelo ulekunwako umwangashi uunono pamulandu wa munda yobe no kulwalilila kobe. ²⁴ Imembu sha bantu bamo shaba pabwelu, kabili shikobatangilila ku bupingushi. Lelo imembu shimo shikonka panuma. ²⁵ Mu nshila imo ine, imbi milimo yabune ilakomoneka palwalala, lelo ne ya musango umbi tekuti ifiswe.