¹ Bonse abali abasha mwi koli batunge bashikululwibo bene ukwebatiti bawamino mucinshi onse. Bafwile ukucite fi pakwebati ishina lya kwa Lesa ne sambilisho fipontelwa. ² Abali na bashikululwibo abatetekela bebacita misula pantu ni bamunyinabo. Lelo babombe ukucishapo. Pantu bantu abatetekela kabili abatemwikwa abakumako ku fya mu mulimo yabo iyabune. Sambilisheni no ku konkomesha ifi fintu. ³ Nga muntu asambilisha isambilisho lya bufi no kukanayangwe fyebo fituntulu fya kwa Shikulwifwe Yesu Kristu ne sambilisho ilya lingana na bukapepa, ⁴ ninshi atumikwa kabili taishiba nangu cimo. Asabaila fye ifya fikansa ne fyebo ifyo umufuma akalumwa, ukukansana, imiponto, ukutunganya ifya bubifi, ⁵ ne fikansa pe ifya bantu abaoneka amatontonkanyo. Abalufye cine batontonkanyo kwebati bukapepa ca kunonkelamo. ⁶ Nomba bukapepa pamo no kuteko umutima bunonshi bukalamba, ⁷ pantu tatwaletele kantu pa kwisa pano calo, kabili tatwingafumyapo kantu. ⁸ Lelo, lekeni tuteke imitima ku fya kulya ne fya kufwala. ⁹ Nomba abafwaya kuba ne fyuma bawila mu kweshiwa, kabili mukakose. Bawila mu lunkumbwa ulwingi ulwa kutumpa kabili ulucena, na mu fibisha abantu mu kupomonwa kabili mu boni. ¹⁰ Pantu ukutemwe ndalama e shinte lya bubi bonse. Bamo abantu pa kukabilisha balufiwa ukufuma ku citetekelo no kuilasamo abene amalangulushi ayengi. ¹¹ Lelo webo, we muntu wa kwa Lesa, fulumuka kuli ifi fintu no kukonkelelo bulungami, icitetekelo, ukutemwa, ukutwalilila, kunakilila. ¹² Lwa ubulwi bwabune ubwa citetekelo ikata ku mweo wa muyayaya uo waitilwemo, kabili uyo walumbwile ukulumbu kwabune ku menso ya nte inshingi ¹³ Ndekukonkomesha ku cinso ca kwa Lesa, uupela imyeo ku fintu fyonse, ne ca kwa Kristu Yesu, uwa shininkishe pali Ponti Pilato no kushininkisha kwabune, ¹⁴ kukubake funde ilya bulamu icibipile nangu icishatungwa kabi ukufika pa kumoneka kwa kwa Shikulwifwe Yesu Kristu. ¹⁵ Lesa akasokolola ukumoneka kwa kwa Kristu pa nshita iya kulinga - Lesa, uwapalwa kabili Imfumu ya shamfumu, kabili Shikulu uuteka, ¹⁶ Eka fye aba no kukanafwa, ,uwaikala mu lubuto ulushingapalanwako. Uo umuntunse nangu umo tamona kabili tekuti amuloleshe. kuli ena kube umucinshi ne maka umuyayaya. Ameni. ¹⁷ Konkomeshe abakankala mu calo ukukanaba na cilumba no kusubila mu fyuma, ifya mulesha. Lelo, bafwile ukusubila muli Lesa.Apela kuli fwebo ifyuma fyonse ifya cine ne nsansa. ¹⁸ Ubebe ukucite ifya bune, ukuba abakankala ku milimo yabune, no kuba aba nkumbu kabili abafwaya ukwakana. ¹⁹ Muli iyo inshila baitutila abene umufula wabune kufikoisa, pakwebati bekate ku mweo wine wine ²⁰ We Timote, bake casekeshiwa kuli webo. Talukako ku fya kubwa bwata ifyabipa ne fya munkanya ifya cintu icitwa ukwishiba, lelo takuli kwishiba iyo. ²¹ Bamo abantu pa kuwila kuli ici citetekelo bali pumbilemo. Ukusenamina kube na mwebo.