¹ Nombo Mupashi ukolanda apakubuta ati ishikakonkapo nshita bambi abantu bakafuma ku citetekelo no kwangwa ku mipashi yakulufya na masambilisho ya ngulu ² mu babepa muli bu bubi munda, bakampingu babo bali abashibatikwa. ³ Bakakanya abantu ukupa no ku bepusho kutaluka ku filyo ifyo Lesa apangile kukufipokelela no kutotela kulyabo bonse abacetekela no kwishibe cine. ⁴ Pantu conse icibumbwa cakwa Lesa cabune, kabili takuli icapokelelwa no kutotela ico icingakanwa. ⁵ Pantu cakusanguluka ukupitila mu cebo cakwa Lesa ne pepo. ⁶ Umfwa wabike fi fyonse pantanshi yaba bwananyina, ukabo musha wabune uwa kwa Yesu Kristu. Pantu webo wailelela mu fyebo fya citetekelo na ku fisambilisho fyabune ifyo wali kukonka. ⁷ Lelo ukane ku malyashi ya mucalo ayatemwa abanakashi abakote. Lole, uikanshe we mwine muli bukapepa. ⁸ Pantu ukukansho mubili kwafwafye panono, lelo bukapepa bulafwa muli fyonse fintu. bwaliba ne cilayo kuli buno bwikalo bwa nomba no bwikalo ubukoisa. ⁹ Ici cebo cacine cine kabili cawamino kupokelelwa konse. ¹⁰ Pantu nici cine eco tubombela no ku culila. Pantu tusubila muli Lesa wa mweo, uyo wabo mulubushi wa bantu bonse, lelo ukucilishapo abatetekela. ¹¹ Ulekukonkomesha abantu no kufunde ifi fintu. ¹² Wileka nangu umo asuule ubulumendo bobe, lelo ku batetekela ube cilangililo mukulanda, mu mibele, mu kutemwa, mu kutetekela, na mukusanguluka. ¹³ Mpaka nkese, ulekubelenga, kukucincisha, na ku kusambilisha. ¹⁴ Wilekelesha ica bupe ico caba muli webo, icapelwe kuli webo ukupitila mu busesemo, na mukutambalikwapo amaboko ya bakalamba. ¹⁵ Usakamane ifi fintu. wikale muli fyo fine, pakwebati ukutunguluka kobe kumoneke kuli bonse abantu. ¹⁶ Ulekuisakamana we mwine na ku masambilisho. Twalilila muli ifi fintu. Pantu pakucite fyo, ukaipusu sha we mwine nabo abakoumfwa kuli webo.