¹ "Ne teka ma yen kulli, maa moi ri ti po dang mina dinnyiim, pene in ammani ti manni kokoi, lamoo terei anjiri kan an lawwo-lawwo. ² Niyo ye riyoni ti po dang terei mo an ku dinnyii. ³ Mo an geren po dangi ta awin po dangi ti shii. Dinnyi ta yaaro elenii, shii ta yeyyo dinnyi ka shommo in peron ka shinui. ⁴ ma shii ma peran ka dinnyi ding, shii in koon ti toomjui, nang dinnyi ta yiu biinii longku shinee penaa elenii ⁵ Pene shinui a ta yiu bi binom kulli shinui tajuwoju yoba ti piree kan shii, longku shinui peno ele binom." ⁶ Yeesho sheeraan ti memme shiwon do paaro te, pene shinui a peno we shii ti ku sheerojum. ⁷ Ka te Yeesho in me in tewon birang ya, "Ne teka ma yen kulli, nei po dang ti dinnyi. ⁸ Ding me benano ku jal me anjiri kan me an lauyo, pene dinnyi a ti kaan kumoju ti shikjuim. ⁹ Nei po dang.Maa mo yinna shikno, ta we marku; shii ta riyani in peri kan ta we po sha fok. ¹⁰ Anjiri ti warui bara ya jiri tukani kan daklani ne wannai longku shinui in we kerang ye po ding gbe. ¹¹ Nei mo an tii yen kpang. An tii yen kpang ti min kerangni ka longku dinnyi. ¹² Mo ta ya sheeni tii anngii ye dinnyi wenim.Shii ma weya shik anguratele ta waru ta wessho dinnyi in juwoni yoba, anguratelu ta yippani in legro ta dinnyi. ¹³ Ta tulonii longku shii yikka kaakindo nang aa ta jooro kudinnyiim. ¹⁴ Nei an tii yen kpang, ne pena sheeno, sheeno in penno. ¹⁵ Fowi penano, nen pen Fowi, nang nen min kerangno longku dinnyii. ¹⁶ Ne kan peddi dinnyi yei peen dinnyi tem. Yikka ti gbare-do nen warin ka shinui sheeju, shinuii ta yaaro eleno longku galoju dok kan an tiii dok. ¹⁷ Tenei we Fono lekano: Ne liyaa kerangno longku nen shoguttu birang. ¹⁸ A don mo ta yiwani ti kiranom, pene ne liyaai po kuuno. Ne kan kumen liyani, ne kan kumen shokrani birang.Ne yinna kumen tei ti kirano Fono." ¹⁹ Jiramin illina ti shekki Yahuudawa birang longku paaro te. ²⁰ Gbeju in ti tewi ya, "Shii kan sheebuk kan ta kwi shanglani. Ma ta yaaro shii longku wen?" ²¹ Peddi ya, "Tenei paaro mo kan sheebuk koo ta kwi shanglanim. Sheebuk ta appo ado niyo anfugumi ka yaa?" ²² Nang tenei koddi temre wak we ti Urshalima. ²³ Ta koddi duulau, nang Yeesho in ti merko ta mina Yamma ti ta awo minano Sholomon. ²⁴ Nang Yahuudawan kpom jelenii in tewon ti shii, "Duma ke wesshamu ti ta dil we war dimin? Ke ma Kiritii, ken teumu ti pewe." ²⁵ eshon liginon ti shinui, "Ne teka ma, pene mai kumum. Shuran yene ti ya ta shomono Fono, shinee ti shukillai nei. ²⁶ Nang mai kumum longku mai dinnyinom. ²⁷ Dinnyino ti yaaro eleno; Ne penaa shinui, shinui in ti yiu biino. ²⁸ Ne minaan ti shinui kerang po ding; a ta murani ta shinuiim, a doo mo ta lauwani ti kiranom. ²⁹ Fono, mo minaano shinui, yeka koonong, a doo mo ta lawwani ti kirano Fonom. ³⁰ Ne kan Fonoi we dok." ³¹ Nang Yahuudawa in paplo sheela birang ka we kpailo shii. ³² Yeeshon liginon ti shinui, "Ne shugyama shuranno Fono gbe. Longkuno shire ye ma ta kpailonoi?" ³³ Yahuudawan liginno, "Min ta kpailokoi longku shuranin kpangum, bara longku bek, longku ke, la niyon ding, ke ta shiwon kuko Yamma." ³⁴ Yeeshon liginnon ti shinui, "A ballo ti ta shoro ma, 'Na, "mai yamma'"? ³⁵ Maa yiyaa shinui yamma, ye mo paaro Yamma pennan(a ta dum bel ballan paaro Yammam), ³⁶ Ma ta tewani ti mo Fowi shunna ti kubuk, 'ke ta yaani shaba,' longku yene teka, 'Nei laano Yamma'? ³⁷ Manaa ta yaani shuranno Fonom, ma wejo kumani kan nei. ³⁸ Pene mana ti yai tei, koo mai kum kan nem, ma kum kan shurani longku man peni Fowi ti taano ne ti taano Fono." ³⁹ In leu yiu shii birang, nangin kooni inperenin ti ta kirajui. ⁴⁰ Nang in meeni ta bi Jordan ti piree Yuwaana ka po toom yuwan yulma, in deeni ti po tere. ⁴¹ Memme gbe un waru jelei in tewon ya, "Yuwaana a yu we maamum, pene we ye Yuwaana teka ti kuuno lamoo te yen kulli." ⁴² Memme gbe in kumi kan shi ti po tere.