¹ Dario pejjunato Asuero nü,pekotokaebinü Medo jabata.Asueronü pikani itsitsi ira evetsi pe evetsinü kuenia Babilonia nakua jababeria. ² Akonojjae ,pekopiaya pawei ira pe evetsijaba Dario nü jaba beria,jjanü,Daniel nü,yakinanjü kuyalato bajjuto pejjainaejaba TUJJANENü pelivaisi jaba,pelivaisi ,tsina jaba berena Jeremia jabami profetanü.Jjanü taninji pe patsi kuenia pa setenta (70) pawei beje pakuenia ponü pitsapaeka to bereberekaejaba Jerusalen tomarata. ³ Jjanü naekotanjü taja itabara Dioso jababeria,pe kajjinaeneja pe livaisi yajaba bajukatsijaba,ata ata najani itonota,ta najjatanjü jume ese jjore jai,yajaba ekanjü ipumana jabata. ⁴ Jjanü bajutanjü TUJJANENü taja Dioso,tanabajunupaebijabata baja pebisiakueniajaba.Jjanü jumeitsinü:´´pejjania kuenia TUJJANENü,Jjamü rabaja piniji Diosomü yabaja asaüya naukota nukame,Jjamü rabaja jjaniavaetame kae livaisi kuenia yabaja pejjania kuenia nejitsipae nejja pamonae kajitsipa yajaba jjanibaeta nija neitorobikuenia. ⁵ Ppajjanü pebisiakuene pa ejjananjü yabaja pa itsinü pebisiakuenia.Pa itsinü pebisia kuenia pa jjanü apo pakajumekobünutatsi,pa kopabawanapajunua nija naitorobijaba lkivaisi yajaba. ⁶ Pajjanü apo jumetanetsi nija siervo nü profetabi beitsi jane pe kueikueitsabiebi nebunüta taja ira pe evetsibijababeria,baja peitorobibi,baja pekotokaibibi yajaba dajjita tomarata pa irata. ⁷ Jjamuta,TUJJANENUMü,pejjania kuene nejjanaponaponeunü.Bajjaitsi ajjena pa matakabi,itsiata baitsi,pajjanü bitso pa auranü baja taitabaratajaba,Juda nakuata yajaba pamonae pejinabanapae bijabata Jerusalen nakuata,yajaba dajjita Israellitabi.Baja pa kuenia yajaba pamonae imojjoyo jinabonapa yajaba pomonae taju jinabonapa dajjita ira jabata jamü kayajatame.Barajua je baitsi jane pa kajematanetsi bajjaitsi jjamüta jababeria. ⁸ Bajjaitsi,TUJJANENü,bajjaitsi pa auranü baja paitabarata jaba,baja ira pe evetsibibi,yajba nua peitorobimi ,yajaba nua ta salinaibimi,beitsi jane bajjaitsi pebisia kuenia pa ejjananjü pa jjamü jabata. ⁹ TUJJANENü baja Dioso niajaba nija nitajuto tsonia taema yajaba itsa kueneta,beitsi jane bajjaitsi pajjanü pa anaepanajü jjamuta jababeria. ¹⁰ Bajjaitsi apo ka jumekobunütatsiTUJJANENü pija jume baja Dioso pa nubenaponatsi pija peitobijaba PONü nakarajuta pija pianibi profetami. ¹¹ Dajjita Israel apo kajumekobunuta nija peitorobijaba yajaba juaba itsa jababeria,apo jitsipae pekobununta nija jume.Pebisia kuene yajaba pejjaniajamü pe yakinae livaitsi Moises jabata,Dioso pija jivitonü,beitsi jane pebisia kuijiru jaba pa ejjananjü jamü jaba beria. ¹² TUJJANENü paneyaputaeya pe livaisi ponü kuaikuia jai pata ejjanamüjababerena pa ta tomara evetsibijaberia ata,ta nekaponae pematatsunüa pa jjanü jabata bitso pebisia kuenia .Beitsi jane irayo dajjita itabojo jabata apo itsi itsakuene jaba penajupae pe itsi Jerusalen jabata. ¹³ Bajara pa kujiruta yakinae Moises pija liveisi jabata,dajjita piabejekuene paneto kopia pata baja pajjanü jaba berena,itsiata,pajjanü apo kabajutatsia asaüyata itatsonita TUJJANENü jaba beria,baja Dioso,natijjibatsi baja pebisia kuene yajaba apo kajumetanetsi nija jeniajay jume. ¹⁴ Bajara juata,TUJJANENü panetojjaniabaetame baja pebisia kuene patanetokopia patsia ejjaname bajjaitsi jabata,TUJJANENü baja Dioso mü pejjania kuene dajjita jua ponü ejjana,bajara pakuen,bajjaitsi apo pa kajumekobünitsitsi pija jume. ¹⁵ Akonojjae ,taja TUJJANENü,pa taja Dioso mü,jjamü jutame nija jivi ira Egipto nakua berena nija pekobe piniji saü nejjainaekuene,ka itsitseka nebunü kapitsapame jjamü,be ajena.Beitsi jane pakuenia,pajjamü pebisia kuene pa ejjanabanjü pebisia kene pa itsinü. ¹⁶ TUJJANENü mü,dajjita nija pejjania kuene ne itsijaba,itopae nija ne anaepanaejaba yajaba bitso ne baraanae na bekua pona Jerusalen tomarata,nija santo ibo tsutota.pa taja pebisiakuene,pa taja yajaba dajjita emakenatsiataneme pa taja salinaibimi ata,Jerusalen,nija tomara yajaba raja apo to jitsipaetsi nejja dajjita pamonae pemujjunenia bajjaitsi jabata. ¹⁷ Akonojjae,baja Dioso,jumetane jjua bajükame nija pianitanibi yajaba pe kuaikuai jai;nejjanepanakuenia,TUJJANENü,ayei ikotia ejjanare nija neitabarata jaba nija templo bo jaba nakua tusato eka. ¹⁸ Taja Dioso mü,nenamujjunaevere;nija itajuto naenkore taema yajaba.Pakuenia bajjaitsi nabejiobitsiaya;taema nua nija tomara nebunüta eka.Bajjaitsi apo kabajukaetsi ne nayabenonaenejja beitsi jane baja livaisi jjaneba. ¹⁹ TUJJANENü,i jumetaneme !TUJJANENü,i ne bejiotaneme !TUJJANENü,i hume taneme itsimure yajaba ! nija pejjania kuene,apo nejatame ,taja Dioso,beitsi nija nakua nija tomara yajaba nebunüta juntatsi.´´ ²⁰ Beitsi jjanü bajaranü kuekueanü,bajutanjü yajaba jumeitsinü taja pebisia kuijiru itsinü yajaba pebisia kuijira taja tomara Israel jabata,yajaba kajubanjü taja bajükaejaba peitabarata TUJJANENü taja Dioso pejjania kuene santota ibo juma tsutota Dioso jaba, ²¹ Beitsi jane jjanü bajukanjü,pa peebi,Gabriel,jjanvü taninji taja mijitsinae jabata pekopiata,puna jjanü jaba tsina kuijinayaba,kanibiyo na itsabiaba. ²² Pponü ne reajuta tane yaputae nejja yajaba nejumeitsi:´´Daniel,jjanü pitsapanjü akonojjae ka rajutsinejjatsi penatae nejjamü penayaputae nejja yajaba. ²³ Depakujinae jjanü tajju jjuabame nebujutsi nejja pejjania kuene,peitorobija rajuta baja yajaba jjanü tsinanjü karajitsinejja taja jume liveisi,beisi jane jjamü ka jitsipa bitso.beitsi jane,namatabujjainare ma pa jume ne jumetae nejja kato itajjuta pejumape. ²⁴ Setenta pa semana beje kuenia pa way beje nejjata nija tomara nija jerusalen tomara yajaba pe bekua ajibia pijapibisiakuene pejjanawanapaejamatabukuene,pa to tae nejja pebisia kujira,pa ka to katsinanttsane pejjania kuene dajjita mata kabijabelianejja,ka to kopontsi nejja pe tae nejja petsipaebija yajaba,bara pa kuenia jane baja consagrabiena pe ponaponae nakua. ²⁵ Yaputane jumeyaputane yajaba pe itorobijaba pe patsipae nejja pe yajjanebinejja jerusalen tomara jaba,pe patsi matakabi jaba beria ponü petsimata epanaenütsi (ponü raja peitorobinü tsane),itsiata mapa siete semana ma pa sesenta mapa najuasemana paway beje(70 mapa semanas).Jerusalen jjanebinejjatsi namuta jaba pemutjua mujjunenia jaba,itsiata pe abeje matakabi jinonopaena. ²⁶ Depakujinae pa setenta y do pasemanas paway beje,peita petsinü beyajuabiantsi apoitsa kuene jjainaena.Jabitsaübi peitorobinü tsinanantsane to bijianaenatsi tomara pija templo yajaba.Bepijiakuenia tsinatsane pe bubutsijabata yajabawajabitsaübi penabebibi yajaba ata bereberekaejaba.petorobibi jumeitsi jaba. ²⁷ Ponü tane jume livaitsi ma pa siete paway beje.namatajupa ma pa siete pway beje,ponü itabetsiena dajubi petajuitsi altar pe rajutsijaba yajaba.nejjat najertakaena ponü itsabieba pebisia kuenia.Pe vereverekaejaba dajita jabayo pelivaitsi itoroba pamonae pebisia kujira ejjana.