¹ Ciro baja jjaina akueyabi paway beje,ira evetsinü Persia nakua jabata,kae liveisi yapütaeya ejjanatsi Daniel nü,ponü bünürubatsi Beltsasar.Mapa liveisi papejjaniajailivaisi.Penabe java raja.Daniel nü yapütaeya mapa livaisi depakujinae jjaina peyapütae nejja pe tane java. ² Bajara pa matakabi jjanü,Daniel,pekuamono tüpaebatsi petsaebia nava jinonopanjû akueyabi pa matakabi jaba beria. ³ Jjanü apo jjaninji pejjania pejjaejaba apo jjaninji pebi, vinora ata apo apaenü,yajaba apo natujjuviatsinunua petujjuvijavanüta,apokajupaebaja pa akueyabi dajjita pa matakabi jabanü. ⁴ Bajara pa matakabi veiticuatro jaba(24)kopiaya piji juameto,jjanü nukanjû piji mene mujunenejabata(maraje,Tigris java), ⁵ Jjanü tanaükotsijavata taniji kae peebi najjatatanuka linoviria panata,na epakutanukanua mujjunene jabata peitsi oronanijabanüta Ufaz java. ⁶ Pija perabüto be topacio raja,pija peitabara be yamujju ikotia.Pija peitajjuto be itatsajava be naekunuyo peitajuitsiikotia.Pija pemajju beje petajju nua yajaba be broncenanito bitso pejjania jaba.Pejume liveisi,be pejume bitso jjaneto jivi monae. ⁷ Jjanü kae nünü Daniel nü,taniji pakuenia taniji,pa peebijivi jjanü javata eka apo tae pe tanetsi.Itsiata jane,pejunabijava tsina pematatsunua pamonae jabata,pamonae rükupeka pe matayabijava nejja. ⁸ Nejjata jjanü kaenünü barajota nakopatanükajü jjanü taniji ta amajitsita.Apo itsakuene pe asaüjibijava na kapata jjanü javata;taja yamujju jjaniabiaya bitso ikotia java naitotjiana naejjana pe abejejava vekua na ejjana,apo itsakuene pe asaübijava na kopata jjanü jabata. ⁹ Nejjatajjanü jumetaniji pija pekuaikuaijava,paepojumetaniji,jopajü irataeya tatupejonekuenia bitso be tamajitsinukuenia taja taitabarata ira javata. ¹⁰ Kae pekobeta ne jayata,yajaba ne itsi nekoneko jjanü taja matabakata yajaba taja pekobeta. ¹¹ Angel nü ne jumeitsi:´´Daniel,jivitonumü bitso ka asivanü,ne jumetaneme pe jume jjanü ka jumeitsitsi.Nukare rivialia,beitsi jane jjanü jjamüta neitoroba.´´Depakujinae ne jumeitsi mapa liveisi jume,nekoneko namatakotajü. ¹² Nejjata ponü ne jumeitsi:´´Pütsa junavame,depakujinae kopiaya pa matakabi jjanü vekuapitame ne jume tae nejja ne yeiyataeyanejja itabarata nija Dioso,ne jume jumetane,jjanü tsainajü ne jumeta raja. ¹³ Principe nü Percia pija evetsijaba apa jitsipae,jjanü jotaje penanekonitsinü,ira pe evetsibi yajaba,pa veintun pa matakabi jabami.Beitsi jane Miguel nü,kae peitorobinü principe nü,tsina neyavenonaenejja. ¹⁴ Ajena konojjae jjanü patajopajü kayavenonae nejja pe ne jume tae nejja jjua kato itsakuene tsane nija nakua pekopiarükaematakabi jaba beria.Tsipaji jjua taneme barajjua pa matakabijabatalia nejja. ¹⁵ Paepota ponü ne kuaikuai jai ejjana ma pa jume,irataeya nukajü yajaba pe kuaikuaikuenekajupajü. ¹⁶ Kae nü be pujunato jivitonü kuenia ne kueibo jayata,jjanü ta kuaikuainejja yajaba kuaikuai janu pamonae jaba beria taitabarata jota nuka:Taja Tujjanenü ,jjanü ta asaüjinü kuenia tasiwa jamata bükuenebujaijaba yabara taniji;itsa kuene apa ne asaübijaba kajupa. ¹⁷ Jjanü raja jjamü nejjamü.¿Depakuenia jjanü takabarü kueikuei jai nejja taja Tujjanenü jabata?Jjanü akonojjae apo asaüjibinü.Jumali peunualia jjanü jabata apo ekae´´ ¹⁸ Ikatsia ,ponü be jivitonü kuenia ne jayata bitso ne asaü rajuta. ¹⁹ Pponü jumeitsi:´´Pütsa junavame,jivitonü bitsi Dioso peka asivanü.i Pejjania kuene jjamüta eka!iakonojjae ajamatabükuene asaümüre,asaümüre!´´Paepota poinü nebarü kuaikuaijai tsanukae,jjanü taja matabü kuenesaütsaponaejaba.Jumaitsinü:´´Tujjanenü kuaikuai jare,jjamü rajane asaübi ejjaneme´´. ²⁰ Ponü jumeitsi:¿Jjanü yapütame,dejjuatsia jjanü renajü pe be nejja Percia pe evetsinü jaba beria .Depakujinae jjanü ponajü,tsinantsane Grecia pe evetsinü. ²¹ Baitsi jane jjanü ka jumeitsitsanetsi pe yakinae jaba kayaluto jabapepopejjania jai livaisi bajjutota.Ajibi itsijibiyo pe itajjutsi pe asaübijaba jjanü jabata pamonae vekua,pe evetsinü pajjamü nejja´´,kaenü saya Miguel.