¹ Dario medo nü kopiaya wai beje,jjanü tsinajü ta yavenonae nejja Miguel nü jaba beria. ² Akonojjae jjanü ka tsipaebientsi pejjania jai jaba.Akueyabi pa ira evetsinü namatakotsiena persia jabata,itsinü penayanatsi palata bitso pejjainaenü matatojjenetsia itsi jiviyota.Kujinae ponü matatojjonetsia pe asaü pe ayei bitso pejjainaenü,ponü junatatsi pebisiakujirünejja pa dajjita jaba Grecia nakua pe evetsijabami. ³ Bitso pe ayainü evetsinü namatakotsiena,jipatsa peitorobinü kae evetsijaba bitso jjaneto,itsi tsane ponü jitsipa. ⁴ Depakujinae namatakotsiena,pija evetsijaba pe abeje baja tsane na tsatsiena raja penayanatsi jovibo itabojo jabatsia,beitsi jane ajibi itsiata pija pemomojji,apo pe pija bitso pe asaü java ponü evetsijabami.Pija evetsijaba to rajutsietsi itsa monae jiviyo apo pemomojji. ⁵ Ira evetsinü petabü jaba bitso pe asaü tsane beitsi jane kopiaya peitorobunü wajabitsaünü tsinatsane bit.so ayei tsane pe ayeinü ponü vekua yajaba itorobiena pija ira evetsijaba pe ayei kuenia. ⁶ Depakujinae pawai vekua,kujinae pija wai jjaniavaetsia kuenia,pamonae kaejavayo kaenünütsan.Ira evetsinü pejjunatowayo petabüjava tsinatsane ira evetsinü pe pemarajabalia pe je jai nejja.Beitsi jane powa apo jeba jjaniavaetsia pija asaüjaba pemajju jabata,ponü pijinia apo tajju nonotsien,o pemajju jaba.Powa itatsonietatsane,powa pamonae yajaba katsinatsi,pija pajja yajaba,ponü yavenonaviaba pa matakabi jabami. ⁷ Beitsi jane pija monaeyawününü naejjaenaena jota je.Bajaraa ponü tsimajjupatsiana wajabitsoüvi yajaba jonena pija yaneita karanata ira evetsinü nakua matatu jabata.Bajaraaponü amoneyabiana pamonae jabata,vekuapitsiena. ⁸ Ponü kaponaena Egipto nakua pija diosovi yajaba kae kuenia pejumpe kopai jaba pe epanajjuabikuenia pesetsinanijawasnü yajaba pe pejjania jaba wajjiyonü platananito jabanü oronanitop yajaba.Pawai apo jamatabü itonotsi tsane ponü nukaena tajjü ira evetsinü nakua matatu jabataria. ⁹ Nejjata ira nakua matatu vekuapitsiena ira nakua petabu nakua jabalia beitsi jane ponü na tijitsiena pija nakua jababetsia. ¹⁰ Pija pejji na jjaniavaetsiena yajaba nakaetuatsiena wajabitsaü pinijibitsaütojjaneto.Namata jjaina katsitekapona rovia be mene bubutabiaba dajjita;ponaena rovialia pija namuto yanaita karanata javalia. ¹¹ Nejjata,ira nakua matatu jabaria bitso ayei kuenia anaepanaena;ponü ponaena yajaba nabena ira nakua matatu javatalia.Matatu ira evetsinü namatakotsiena ayei jjaneto wajabitsoüvi,beitsi jane wajabitsoüvi to rajutsiena pija kabeta jabata. ¹² Wajabitsoübi kaponaena to penanekonitsivi kaponaentsi,nakua tabü ira evetsinü pija pejamatabü ütjüto bitso jjaneto tsane,yajaba ponü itsitsane pe jopaika pa decena pa miles beje pijawajabitsaübivi,beitsi ponü apo pekuene amoneyabijjae tsane. ¹³ Nejjata,nakua matatu ira evetsinü na matakotsiena itsa wajabitsaübivi,bitso jjaneto pe kopiata jaba.Depakujinae pa wai beje,nakua matatu ira evetsinü jjania meta tsinatsane wajabitsaübivi dajjita kuene pajjainae jaba. ¹⁴ Bajara pa mata kabi beje ayei bitsoüto jivi namatakotsiena bajarakueikuei jai nakua ira evetsinü jababeria .Pejji bitso piaanaepanaenüvi tomara jabata,peitorobijaba na ejjanaena pe taenü itamajitsita.Beitsi pamonae tajutsakitabiantsi. ¹⁵ Nakua matatu ira evetsinü tsinatsane,atsa otjokaina,pe itsinejja tsikiriyo tsütota wekua java peyakarantsijava,yajaba nakua tomara vaetabiena peya karanatsi yavaja jjuaba.Nakua tabu pe asaü apo asaü kapanepaena jota,beitsi apo kae wajabitsoü pejjaniananü.Bajara jota apo asaü tsane dajjita tsabiabi. ¹⁶ V