¹ Akueyabi pa vai beje kujina Belsasar ira evetsinü,jjanü,daniel nü taniji be amajitsinae bo kuenia (tanetsita na itajutsi kujinae kopiaya). ² Janü taniji be majitsinaebo kuenia,pakujinae abajju taenukajû,jjanü tsaena Susa pija fortalezata nukajû Elam provinciata.Be amajitsinaebota taniji ta nukae java Ulai foto mujjuneneta. ³ Jjanü tanaükotabi javata tavajünaya taniji kae carnero nü mataeto beje pejjainaenü,pe itapa javata penukaenü.Itsa mataeto bitso apia itsa mataeto vekua,baitsijane pe apia mataeto be ajjayo kuenia vitsaba najetaruka pe toyaikae mataeto vekua bajara,mata tojjenatsiayo apia. ⁴ Jjanü taniji carneronü petsimajju ponaejavanejja waüyabetsia,norte yenepana jababeria,bajara pakuenia sur yenepana jababeria ata;itsa dajubi ata apo kuene kujupaetsi pekuene yakaranatsi nejjatsi bajara ponü pe itabaraata.Kae nü ata apo ve kabe yavenonae.Nejjata bajara ponü pejitsipae kuenia ejjana pona,pia kuene saünü nejjana pona. ⁵ Itsa abajju janü najamatabü jjainanükajû jjuaje,taniji perena jva tsivoyo juameto verena ba pitsapa,ponü epa nikaba najetaruka ira matatoyorotsia,bitsojinaya kujinajina,pe bitsojinae kabejjae ira apo juma jatatsi,tsivo ayi mataeto pitapata ruka pitajjuto mujjuneneta. ⁶ Bajara ponü ria tsivo najjua mataeto beje pejjainaenü javaberia;jjanü kani kajena tainutajû tsivo penukaejava pe pjakae mujjuneneta,tsivo pebito kujinae ponaria anaiponaya carnero javaberia. ⁷ Jjanü taniji tsivo pebito pe imojjoyotsi java carnero.Tsivo bitso bara anaeta carnero pebejavata matae tsikataajaraba najjua mataeto beje.Carnero asaü jibi pevajunae penukaejava apo kuene kajüpaetsi bajara ponü pitabarata.Tsivo jjuaba irata natajjuna nonoba.Ajibi itsa jiviyo ata pejutsi nejjatsi carnero tsivo saü vekua. ⁸ Nejjata pebito cabrio na ayainü ejjana bitso,baitsijane pakujinae na asaübeje ejjana,piniji mata eta tsikatsikaüka,bajara pa kawüta piniji penayanatsi matae juvina, itsa beria ita ropita nakua piji jovibo. ⁹ Bajara pamonae yajawünü,matae juva,tsikiri mataetoyo kopiaya juva,baitsijane na ayai ejjana petabü yaberia,itsa verena pitsapa juameto pejjania ira javatanua. ¹⁰ Na ayainü ejjana petsimajjü ponaenejjatsia Dioso pija jivi wajabitsaü javabetsia.Bajara pa wajabitsaü yajavünü yajava tulupu yajavünü penetsikatsi ira betsika,bajara ponü natajjuna nonoba. ¹¹ Ikatsia na itsi,ayainü kuene natane be wajabitsaü Tujjanenü,bajara ponü ajibi ejjana pe tajjuita biebi ofrendakuene,bajara pa santuario tajjunae to na kontaminabatsi. ¹² Orijibia pebisia jamatabü anaeponaekuene,nejjata wajabitsaü narajutsaiana pesiva baraa anetsijjae,bajaraa pa wajabitsaü narajutsiena peebito cabrío javaberia nejjata ofrenda apo natsakiapaponaetsane.Pemataeto ira juabiena pejjania jai livaisi,nejjata to jjaneponaenatsi dajjita jua ejjana. ¹³ Nejjata jumetaniji pe nakuene jjaniavaetsinü"pe kuikuijai tsanukaejava,itsa pe nakuene jjania.vaetsivi pe jume kanaviabi nubenaebi:"¿Itsa pa vaibeje najematsiana ma jjuaje,pe kamajitsinae ofrendatsakiepaejava,tsipatatsi pabisiakuene,perajutsi matakabi santuario boo,nakua pija wajabitsaü natajjunaya.?" ¹⁴ Bajara ponü nejumaitsi:"Mara jjuaje ayapüsaütsane 2,300 pakaniviyobeje bajayanua tsane bajara pakuenia.Bajarajjua kuijinae,santuario na purificabiena." ¹⁵ Jjanü pakujinae,Danielnü,taniji majitsinaebota,jjanü ikani jamatabü yapütaniji taamaijtsinaejava.Nejjata bajara jota,nuka ta itabarata be pebi peyajupaenü. ¹⁶ Jjanü jumetaniji pebi pe junatanakaponaejava mene Ulai itapajava.Bajara ponü jumaitsi:"Gabriel,yavenonare pa pebije penamajitsi yapütaenejja." ¹⁷ Nejjata bajara ponü ne imojjoyota tanukaejavata.Pakujinae bajara ponü tsina,jjanü junavajû tamatabakabüta jopajû irata.Bajara ponü ne jumaitsi:"Jume yapütaema,pebi pejjunato,ne taejava raja majitsinaebotapekopia rukae matakabi nejja." ¹⁸ Itsa bajara ponü ne barü kuaikuaijai,pepomajitsinü irata na itabara yaütsiaya.Nejjata bajara ponü nejayata,nenukae ejjana. ¹⁹ Bajara ponü jumaitsi:"Taema,jjanü katsi itsjütsianatsi itsa jjua be ajjayo kuene jitsia per anaeponaematakabi.Tsipaji kamajitame pe kopia rukae matakabi nejja. ²⁰ Jjua taneme carneronü,najjua mataetobejemi pejjainainü,bajara pamonae raja ira evetsivi Media yajaba Persia javata. ²¹ Cabrío pebito Grecia javata ira evetsinü.Piniji mataeto pitajjuto kanakuijitsia kopiya ira evetsinü. ²² Jjua tsikatsikaüka pemataeto,bajara pakawüyatsinapitsapa penayanatsi mataeto beje,peneyanatsi ira evetsinü naejjanaena pija nakua javata,baitsi jane apo pesaüta. ²³ Pekopia rukae matakabi ira evetsivi,pakujinae pianaeponaevi to patsianatsi pabisia jamatabükuene java,pitabara anaeponae ira evetsinü,bitso peyapütaenü,nukaena. ²⁴ Ayai saü tsane,baitsi jane apo pesaütsane.Bajara ponü nakuene barüyatane jjua bijiana;bajara ponü itsitsane pejjania kuene jjainaina,bajara ponü bijienaena bitso piakuene saüvi,bajara pakuenia verebiabiana Dioso pija jivi. ²⁵ Ne aitatsaka kuene ka ejjanae ejjanaenane yamajju itorobi kuene nekobeta,bajara ponü na ayainü tane pe jamatabükueneta.Bajara ponü apo evetsitsane pe yamajjuitorobi java jivi bitsaüto.Bajaraponü abajju kaejena tsitekaya apo jume kawünütsitsane Dioso,baitsi jane itsiata bijienainatsi,baitsi apo jivi kobe saüta tsane. ²⁶ Dajjita pakuenetaneme bemajitsinaebo kuenia kaniviyo piji kene jawanü bajaya kunua piji kuene javanü yabara ata jjua katsi itajuta bajarajjua raja jjania ja,nejjata namajitsinae jjanivaire,yabara jumaitsi nevajünayaberiamatakabianü." ²⁷ Nejjata jjanü,Danielnü,nejamatabü domaibo bokajû ayi matakabianü.Bajara jjua kujinae namatakotajû,ikatsia to nakuenaba ponaponajû ira evetsinü pija pekanajetsi java,baitsinamejjanü jamatabü kenejunavajû jjua yabara taniji be majitsinaebo kuenia,itsijiviyo ata apo majitsinae yapütae.