¹ Itsa Belsasar jjaina kae vai, Babilonia javata ira evetsinü, Daniel amajitsinae tanenua majitsinaebota pe majitsi javata. Nejjata bajaraponü yakina pe taejava majitsinaebota. Bajara ponü yakina jjua tane pe namatamotsikuene majitsinaebota: ² Daniel tsipaeba: ´´ta amajitsinae javata meravi jjanü taniji jovibo namata enetsiaya pe bübüjaijava penayanatsi payenepanabeje nakua vetsika piniji manuamene matatsünüa bereka. ³ Penayanatsi dajubi jjaneto, kaenü kanakuijitsia pitotjianü,pitsaparena mene manua javaberena. ⁴ Kopiaya ponü jüpa nevutjujjaneto pe tsaunaenü,baitsijane jjaina be kotsala koropjeto jjaneto.Jjanü paepatota taenukajü,bajara pakoropjetomi beje vejuma ukutatsi jjuakujinae bajara ponü nanatapunae ejjanatsi ira vekua itorobatsi penukaenejja najua tajjutabeje,be pebi kuenia.Be pebi jamatabü kuene rajutatsi. ⁵ Nejjata ikatsia bajarajota nuka pekotokaevi dajubinü,oso peyakuene jüpaenü,nabüjjutsutsia nuka;akueyabi pa yenepanabeje pekuaibojotota yanavonua kanuka.Jumaitsitsi:´Nanatapunare jjaima jivi.´ ⁶ . Bajarajjua kujinae ikatsia taniji.Bajara jota itsa dajubi nuka,kae peyajüpaenü pe yakijai newütju.pejuma jjaina penayanatsi koropjetobeje,be pepunaenü koropjetyo,jane jjaina penayanatsi matabokoto beje.Rajutatsi pe evetsinünejja tomara. ⁷ Bajarajjua kujinae jjanü taniji meravi ta amajitsinaejavata kae dajubi tamajitsi ünüt,piayanü,waja kujunavinü,jane bitso piasaübejenü,makajena ponüje ikani jjaina piniji kopeivonoto;navonua titibajjane,tajjuna nonobiaya titibiaya jjane penakapatsijava.Itsa dajuvi vekua aitjotia,anija kobebeje kuenia pamataetobeje jjaina. ⁸ Ista abajju jjanü taenukajû pe mataeto,tatae javatataniji itsa mataeto pejuvijava bajara patuatuajavata,kae tsikiri mataetoyo.Penamatajjainae akueyabi pa mataeto beje ya tabutopaaya juta.Bajara pa mataetota pitajjutonü taniji,be jivitonü itajjutoonü,pekuaibojotota na ayainü ejjana. ⁹ Abajju itsa taenukajû,pe ekae javata nejja tsinuta,perujunü Dioso matakabita pija tajjunaeta eka.Penajjatatsi java nio pona be itarürübo,pematana be obeja nanü.Pe ekae tajjunae be isoto kotia,petajju toyoroto be isoto kotia. ¹⁰ Mera isoto pitsapaena pitabünejeva;bitsi jjaneto mitsa jayabatsi,(100)cien pa millone pe wajunaeta nubena.Livaisi namata üjutsivi nakaetuatena,nejjata kuyalatoonü bajjuto nabajju patanubena. ¹¹ Jjanü tsitekaya taenukajû pejume navitsinü pekueneta pematae juvinü pejumeta.Jjanü taniji peyajjuabi jabatsi dajubinü matae bijianatsi,jane rajutatsi petajuitsinejjatsi. ¹² Bajara pakuenia jjane,penayanatsi dajubi beje,bajara pakuenia vekuapitatsi pe itorobanükae kuene,baitsi jane to apia ejjanatsi vai pe asaü tsavonopaejava. ¹³ Bajara pa merevita amajitsinaejata,taniji kainü perunaejavatsika pajubota atjubüvetsika be Dioso pujjunato kuenia;bajara ponü rena matakabita purujunü javaberena petsi itajjutsinejjatsi bajara ponü tsi itajutatsi. ¹⁴ Penamata kanukae nejja ayai jamatabükuenenü kuenia bajara ponü rajutatsi dajjita viria,tomaraanü itsajumevi nua to nakuenabianatsi.Itsa jota pija saü pata bajara pa saü dajjita matakabi javaberianejja,dajjita matakabinejja apo ajibitsane,nejjata bajara pa tomara apo bijianaitsane itsajiviyo. ¹⁵ Bajara pakuenia jane,jjanü janebaja,Danielnü,jamatabü yati kueronajû,be amajitsinaebota tataejava ne livaisi bü jai ejjana. ¹⁶ Jjanü imojjoyotajû kaenü pe nubenaivi bajarajota vajutajû bajara ponü javaa beria tane tsitajutsijava jjua yabara jai bajarajjua. ¹⁷ Pa piniji dajubi nünüje,penayanatsi itaneto,ira vetsia namatakotsiana penayanatsi ira evetsivinejja. ¹⁸ Baitsi jane atjubü piji evetijava tomara pitsiana,bajara pamonae nejjata jjainaena dajjita matakabiabi tsane. ¹⁹ Nejjata jjanü yapütajitsianü penayanatsi dajubinü kuene;bajara pamonae raja itsamonae apo jupae bitso aitotjia itsamonae vekua bitso pabisianü kopai wonotonü broncenanito kobekopia tserpa;titibajjane,titibatajjuaba pe nakapatsijava. ²⁰ Jjanü ta yaputaenejja bajara pa najjua pekobe(diez) pa mataeto beje yabara,itsa mataeto pejuvi java yabara,jane kopiaya akueyabi pa mataeto beje jopa.Jjanü tayapuenejja pitajjuto pejjainae mataeto tayaputae nejjanua yaputajitsianü pakuaibojoto bitso kuaikuia jai tsabiabi bitso ayai kuene javanü ayai jamatabü kuene nataebiaba penayanatsi jivi beje vekua. ²¹ Itsa abajju jjhanü taenukajû,maje pa mataeto je barünawajabitsaüta santo tomara javata kuene amoneyabanüka ²² Pakujinae perujunü rena matakabiata,Dioso pija jivi ya livaisi yavenonatsi atjubü piji santotomara javata.Nejjata to patatsi ira evetsinü perajutsi matakabitsi. ²³ Marajjuaje bajara pajiviyo jumeitsi:Penayanatsi dajubinü yabara jumeitsi,majjua meta tsipaeba penayanatsi penamata kaitorobi ira aitotjiaya itsa ira nakua vekua.Navonua titibajjaina dajjita ira,natajjuna tsapabatajjuabiana yajaba titibatajjuabiana. ²⁴ Anija kobe beje pemataeto beje velia,namata kotsiana anija kobe beje pa ira nakua evetsivi,itsamonae ata namata kotsiana bajara pamonae kujinae.Bajara ponü vekua aitotjia tsane,yabara beena akueyabi pa ira nakua evetsinübeje. ²⁵ Bajaraa ponü kuaikuaijaitsane atjubutatsia pe ekaenü yabara bijiobi ejjanaena atjubutatsia peekaenü pija santo tomara.Bajara ponü matakabianü pikani jamatabü jjanebiana bajara pakuenia penamata kaitorobi livaisi ata.Majjuanü tsikaberubiana kae vai,anija vai beje,be kae vai yajaba. ²⁶ Baitsijane bajara pa bitsaüto joneria jume taejitsia penanekonitsi livaitsi,nejjata bajara pamonae vekua pitsiana ira pe evetsi javami abeje ejjanaena yajava ata pe vereverekae javaberia. ²⁷ Ira evetsi jamatabü kuene,piniji jamatabü kuenejava nakua bujjupanata pe ira eveta wanapaevi,nejjata rajutsianatsi pamonae pejinonopaevi atjubüpiji santo tomarata.Ira pe evetsijava kaito ata apo tokopia rukaets,dajjita ira nakua evetsivi jume kawuntsiana to nakuenabiana. ²⁸ Ma jotaje pekopia rukaejavatsane.Pakujinae pijinia jjanü,Daniel,ta najamatabüjjainaejava ne ayei livaisi ejjana ayaikuenia bajara jota itsa itabara kuenenü,baitsijane jjanü jjuaje jjanivaitajû bajarajjua jjanü nejja.´´