¹ Tsita jjanepana Dario nü pe bunuruba pija tomarata,pa 120 ¨ciento veinte¨ ponü bejetsipaji pe itorobinejja provincia yajaba dajita pija ira nakua nü. ² pemata tsunua bara pamonae jaba beria pekopiataaueyabi ponü beje,Daniel nü itapetatsi pamonae vekua.Bajara pa matakaitorobinujji pe kopiatajji vekua vunurubatsi peto tae nejja pa tomara pe evetsinujji provincia jaba,ira evetsiü nejja apo najuaba ponae pija jaba. ³ Daniel wekua pekuenekaüpaenütsikuene dajjita pekopiaya pe evetsivi vekua yajaba tomara pe evetsivi provincia jabata,bajara pejjainae bvitso pejumape.Ira nakua evetsinü sibanajamatabüjjainae ponü jaba beria dajjita peyanakua evetsi nakuata. ⁴ Nejjata itsa monae pe evetsinubi pe kopiata yajaba tomara evetsibi provincia jaba jaitatsi pebisia kuene pe ejjanaijaba penakuenebijaba Daniel nü pe itsitseka ira pe evetsinü jababeria,beitsi jane apo kuene kajjinatsi pebisia jaba apo itsajabayo petojjotsi o saika jaba dejuatsia ponü pejjanianumi.Apo pebisia kuene o akuejeribinü kajjinatsi ponü jaba beria. ⁵ Nejjata bajara pamonae jumeitsi´´Bajjaitsi apo kajupaya kajjinatsi itsakune pe anaepaenaenütsi Daniel nü jaba beria,be beria pa kajjinatsi ponü vekua livaisinü pija Dioso jaba beria.´´ ⁶ Nejjata bajara pejjaniabaitabi tomara evetsibi yajaba to katsinatsi be kabevunüjonatsi peitabarata ira evetsinü jabata.Pamonae jumaitsitsi:´´Dario ira evetsinü dajjita pa matakabianü pa jinonopaname. ⁷ Dajjita pe kopiya jjaniabaitabi yajaba tomara pe evetsibi nakua jabata,tsikiriyo tomara ata ,pe evetsibibi provincia ata,pemujjujiobibi ata,tomara pe evetsibi na yanijoba pamonae jabata jamü itorobame ,ira evetsinü itsimure kae livaisi ejjanare yajaba peitorobijaba pe ejjanaejaba,itsa itajutejema bojuka itsa kuene jaba itsa dioso jaba beria,ajibi pebe jabata pa treinta pa matakabijabata,ajibi jjamü jaba beria,ira evetsinü,ma pa jivitonü na juabiana mutjü jaba beria leone jabata. ⁸ Akonojjae,ira evetsinü,itsimure kae liveisi yajaba nebunü yakinare mapa bajjutonumi beitsi apo kajupatsi pe penabajutsipaejaba rajuta,pina pija livaisibi medo persa yajaba,tsipaji akuenebi peikinaejabanua. ⁹ Nejjata ira evetsinü Dario nü yakinae ejjana peyakinaebajutota naitotji ejjana kae liveisi yajaba. ¹⁰ Depa kujinae Daniel nü ya putane peyakinae bajuto ejjana itotjia ejjana livaisi jaba,ponü jonena pija bo jabata C akonojjae pija boyonepanata pija bo unujabata pe majitabiaba atjubuyo ira jabatatsia ruka naubaupata Jerusalen jababeria),pemetakabuta eka,nejjata pakuenia itsibiabi akueyabi pa matakabijebi,yajaba bajuka yajaba pejjania itsi peitabarata pija Doiso jaba beria,pakuenia itsibieba kopiaya. ¹¹ Nejjata pajiviyo mapa kuenia itsi plan jaba pamonae jabatatane Daniel jaba beria itsibieba bojuka yajaba jaitabieba peyavenonaetsi Dioso jaba beria. ¹² Nejjata najamatabu napita ira evetsinü jaba beria yabaja kuekuey ponü jaba beria pija bajutota peliveisi pe itsi:´´ apo itsimü jjamü peliveisi bajutota dajjita pamonae pe itsi itsakuene jaba beria dioso o jivitonü jaba beria depakujinae bajayota pa treinta pa matakabi jebi,beitsi jane jamü ajibimü,ira evetsinü ,apotokaeüjutsimmü tsaja nejjuabia ejjanaenejjareka nebutjü monae penubenae mutjüjjanetojabavereka´´ira evetsinü jume kanaviata:´´Bajara pakuenia rabaja najume kopatanjü,pakuenia itsitsabiabi medo nakua yabara persa nakua;apo akuenabi pe ikinaejabanua. ü ¹³ Nejjata pamonae jume kanaviata ira evetsinü jaba beria:´´mapa jivitonü,Daniel bajara pa jivitonü bekuapitsapatsi Juda berena,apo kajumekobunutsi jjamü vekua,ira evetsinü,apo nenajumekobunutsi nija liveisi apo kayeiyataeyabojutolivaisi jjamü yakinarutame.Ponü kuekuey tsabieba pija Dioso akueyabi pa matakabiabi.´´ ¹⁴ Nejjata ira evetsinü jumetane bajara jua je,bitso bejamatabejiobireka,kae kuenia sibanajamatabükuenebereta pikani pe kapanepaejitsi Daniel bajara pa livaisi vekua .Ponü nakueneba kanibiyo jaba beria jumeto ikotiajoneika peyavenonaenejja Daniel nü jaba beria. ¹⁵ Nejjata ma pa jiviyo ejjana penajamatabünapitsia na kaetuataira evetsinü jaba beria jumeitsi:Jjamü ne yaputayame,ira evetsinü,ma pa peitorobijaba medo nakua yajaba persas jabanua,itsa kuene ma pa liveisi bojütota peyakinae bojuto ira evetsinü yakina apo kajupatsi penabajutsipaejaba ata. ¹⁶ Nejjata ira evetsinü itoroba,kaporenatsi Daniel nü,jjuabatsi mutjü jababereka nebütjumonae jaba beria.Ira evetsinü jumeitsi Daniel nü jababeria:´´Nija Dioso,jipatsa jamü pemitsiyajabame dajjita matakabi,ka kapanepae ejjanae. ¹⁷ Kae iboto karenatsi pe vajü boüpa akatatsi nejja,ira evetsinü katsana pija pekobe anillota ka kuetsapapona yajaba pekobe anillota pija jivi roviaria pepaebijabanü muetsia kuenia apo ka kajupatsi pe kuenejanebanejja Daniel. ¹⁸ Nejjata ira evetsinü pona pija bo jjaneto jaba beria yajaba pa merabi najani itonita.Apo itsa jiviyo apo to katsina peitabarata ponü jabata,pija pemajitsinaejabo to naviata. ¹⁹ Nejjata juameto ikotia pepitsapaejaba,ira evetsinü naenkota najjatsieyo pona jaba beria nevutjü penubenae mutjü jaba beria. ²⁰ Nejjata pata najetaruka mutjü jaba beria,ponü Daniel junata najamatabüjjainaeya pija jume jabata,Daniel nuta jumeitsi:´´Daniel,Dioso piasaütsaponaponaenü,¨nija Dioso kato ka kapanepaya ejjana,jipanü jjamü to ponaponabiabame jjaniabaetsia,kayavenonaba nebütjü jabami´´. ²¹ Nejjata Daniel jumekanabiata ira evetsinü jaba beria:´´i Ira evetsinü ,pa jinovanapame dajjita pa matakabijebi: ²² Taja Dioso itoroba pija peitorobiliveitsi kapona yaqjabapeikueibojaba to akata nebütjü jaba beria,apo ne itsi itsakune.Beitsi jane jjanü pejjania kuene itsinü peitabarata ponü jabata yajaba jjamü jabata,ira evetsinü ,jjanü apo pebisia kuene ka itsitsi jjamüta jababeria´´. ²³ Nejjata ira evetsinü barüya bitso.Ponü rajuta peitorobijume pe jutsinejjatsi Daniel pe mutjüjaba berena.Nejjata Daniel jutatsi mutjüjabamiberena.Apo kajjinatsi pebisia kuenia ponü jabata,beitsi jane ponü jumekobunuta pija Dioiso jababeria. ²⁴ Ira evetsinü rajuta peitorobijume,yajaba to karenatsi pamonae pa jivi penekonitsi Danielnü jababeria nejjata jjuabatsi pemütjü pejinonopaebi nebütjü,bajara pamonae,pija pejji yajaba pija petieribajji.Kopiaya pe jopairekaira jabatsia,nebütjü baetabatsi dajjita pija pesito titibiatsi ²⁵ Nejjata Dario ira evetsinü to yakinarutsia dajjita tomara nü jababeria,nakuanü yajaba pekuaikuaijai pejinonopaebimi dajjita ira jabatsia.´´bitso pejjania kuenia pa itsimüre pa jjamüjabata. ²⁶ Ajena,itsinü kae decreto tsipaji,dajjita taja kaetorobijaba ira evetsinükuenia,nekonekojamure yajaba pa kujunabare pajiviyo peitabarata Daniel pija Dioso jababeria,beitsi jane Ponü Dioso jaba pejinonopaebi yajaba jinonopa dajjita pa matakabijaba,pija ira evetsi nakua apo vereverekaejaba,pija peitorobijaba apo vererekaeya. ²⁷ Ponü na ka jjaniabaeta,naka yavenona ,yajaba itsi peitoropita pejjania kuenia itabo jabata yajaba ira jabata;Ponü jjaniabaeta Daniel nü jaba beria nebütjü pe asaüberena. ²⁸ Nejjata Daniel tojjaneponatsi pamatakabijebi Dario peyanakua pe evetsimatakabianü yajaba Ciro Persa nü peyanakua evetsimatakabiainü.