¹ Belsasar ira evetsinü ejjana pinigiji fiesta pija jivi mil ponü beje robialia pepaebijabanü ata,apa pia atane vinoranü peitabarata mil pamonae jababeria. ² Paepota Belsasar barümata bujua apanua pia atane,vino ranü,ponu rajuta peitorobijabanu petokaporenajjatsi pe ünuta pejjanainejaba pe ejjanaejaba oronanito platananito ata Nabucodonosor pija pajja,pe jutsijabanu templo bo Jerusalen jabata,bajara pakuenia ponü,robialia pepoe bijabanü,pija petirivaji pianibi ata pe kajupae nejja pe apaibinejja. ³ Pija pianibi kanukaponarena peünü pejjainaejaba oronanito jaba pe jutsijabanü templo bo jabata,Dioso pija bo,Jerusalen jabata.Dioso pija bo,Jerusalenjabata.Ira evetsinü,robialia pepaebijabanu,pija pobaji ata kotokaibi penotsibaji apa bajara jua jabata. ⁴ Pamonae apa vinoranu yayotaponaeya yajaba pija diosobi pe ejjanaejjaba oronanitojabanu platananijabanu,broncenanijabanu,kopainanitojabanu,naejabanuta,ibotonuta ata. ⁵ Bajara paepoto jivi kobe naitajuta peitabarata vovai pija betsonato jaba peyakinarukaejaba bo yenepanajabata pepioponae atsa jabata piniji bo jjaneto nakua evetsinü jabata.Nakua evetsinü kajupaya tane itsajabayo pekobee jaba paepota peyakinae jaba. ⁶ Nejjata ira nakua evetsinü peitabara jjanetsiaya pija pejamatabukuene liveisi junabiakatsi,pija epasito apo kajupatsi pe matakotsijaba,pija pematabakanabiabeje. ⁷ ira evetsinü babai jai peitorobijume pe jone nejja pamonae pe jumeitsibi pe kueikueijai petüpaibimi ata,pa pebijivi bitso peyapütaebimi,tulupu pekanaüjubibi.Ira evetsinü jumeitsi pamonae penataenü beje bitso peyaputaebi Babilonia jabata.¨Jipatsa netsipaebiena mapa itanetojabanü dejua jumaitsijitsia jjatatsiana pesaü jaba yajaba jjanaina oronanitojaba pemujjunenia pebütakara jabata.Ponü jjainaena bitso peyaiyataenünejjatsi yajaba akueyabinü kuenia petorobinü tsane evetsinünejja.´´ ⁸ Nejjata dajjita pa pebijivi ira pa evetsibi jabata penataenübeje bitso peyaputaibi jonena,beitsi jane apokuenekaüjupaetsi peyorobijaba bajara peyakinarutsijaba petsipaenejja ira evetsinü jaba beria. ⁹ Nejjata ira evetsinü Belsasar bitso najunabiaka pija nekontsijaba peitajitsipaejaba peitabarata jabeka.Pija robialia pepaebijabanü aponakujirutsi mata juruata. ¹⁰ Ajena konojjae tsane ira evetsinü jonena bo kaejabata jjaeyena jabata dejuaitsia ira evetsin yajaba robiaria pepaiebijabanü pikeni jumeitsi.Ira evetsiba jumeitsi:´´i Putsa pija pejamatabukuene bü jamü.Putsa pakopatabarepe naukotsijaba peitabarata penabajutsipaejaba. ¹¹ Neyanakua evetsi nakuata kaenü pe jjainaejaba dioso pija espiritu santos.Pajja pija mata kabi,ikotia,peyaputaejabami peyaputaenujjae be diosobi peyaputaebibi kuenia pa kajjina ponü jaba beria.Ira nakua evetsinü Nabucodonosor nü,pija pajja ira nakua evetsinü,ejjanatsi peitorobinüjaba beria peyaputaebi tulupu jaba beria,nejjata pakuenia be peitorobinü bitso peyaputaebi,yajaba tulupu pekanaüjübijabata. ¹² Kae espiritu pejjania kuenia pejamata bukuene jjaina,peyaputae jjaina,pemajitsinae pe paebijaba,neyatsipaebijaba yaputae pejanamatakueneta yajaba jumejjaneba pebisia livaisi;bajarajua dajjita jaba kuene kajupatsi dajjita kajjinajaba bajara pa paebi Daniel,ira nakua evetsinü jaba junata Beltsasar.Akonojae junatanjü Daniel nü ponü jaba kaya jumeijitsijitsia peyaputaejaba peyakinaejaba. ¹³ Nejjata Daniel kaparenatsi peitabarata ira evetsinü jaba berena:Jumeitsi ira evetsinü:´´Jamü raja pa Daniel mü,kae tomarata pe taikaibitsi tua tuajuta pekayajabakapatsinürena Juda nakua jaba berena. ¹⁴ Jjanü jumetaninji jamüta vekua,espiritu pija dioso jjamüta eka,yajaba ikotia,yajaba jumetaneme pejjania bitso peyaputaenü jamüta eka. ¹⁵ A konojjae pebijivi penataenü beje bitso peyaputaenü yajaba pamonae vava jay pe kueykuey jay putupaebimi kaparenanjü taitabarata jjamü jabata tanetoyorobinejja pa itaneto jaba neto rajutsiana taneyaputaeya ejjana nejja,beitsi pamonae apakuenekajupatsi tanerajutsinejja tayaputaeya. ¹⁶ Jjanü jumetaninji jjamü ka kuene kajupa kuene neyaputaeyaejjanabiabijaba pe livaisi jjaneba aya pubejelivaisianutsi.Akonojjae,ne kuene kajupa neto yorobinejja mapa itaneto jaba neto jumeitsi nejja tanetsipaebinejjamü,jamü raja najjatabiename pesaüjainaba yajaba jjainainame kopae mauto 0ronanijaba pejumunenia nija pebutakarajabata,jjainainame yajaba pe evetsinü tomara akueyabinü kuenia tane kobenayanakua evetsinü nejjamü. ¹⁷ Nejjata Daniel jumepita ira evetsinü peitabarata:¨Nija perajutsijaba amoneya jjamü nejjamü,rajure pe amoneyabijaba rajutsiename itsa jivitonü.itsiata,jjanü yorobienanjü pa itaneto jaba,ira evetsinü,kayaputaeya ejjanaenatsi jua jumaitsijitsia. ¹⁸ Depakuenia,jjamüta,ira evetsinü,Dioso atjubüvetsina rajuta Nabucodonosor nü,pija pajja ira evetsinünejja pinijabanu peyeiyajabataejaba yajaba majetad. ¹⁹ Nejjata ayai jamatabukuene Dioso rajutatsi,dajjita tomara,ira yajaba pekueikuie jaba nekoneko jai kujunabiabayajaba.Ponü itoroba pe beyajuabinejja pamonae ponü jitsipaebieba pamonae petupaebi nejja,kopataba pejinabanapaenejja ponü pejitsipaenejja pejinabanapae nejja.Ponübitso ayai jamatabükuenebikuenia ponü jitsipaebieba,yajaba beveria jamatabükuenebikueniaponü pejitsipaekuene ejjana. ²⁰ Betsi jane pija pejamatabü ütjüto ikani itatsaka yajaba pija espiritu jabata ataja ejjana pabijia jamatabü kuenia,ponü bekua pitatsi pija itorobinejja pija peyeiyataejabanua. ²¹ Vekua jutatsi jivikuenia jabata,jjaina be dajubi penajamatabükuene,jinovanapa be burro ayei kuenia.Jjane pona be vaca kuenia.Pija peparabüto sukuena dono iitabojabata mapa kuenia yaputane Dioso atjubü vetsina pe po evetsinü pemata tsunüa tomara jaba ponü itapeta pamonae jababeria ita jutejema ponü jitsipa. ²² Jjanü ,pejjunatomü,Belsasar,apo anaekopatame nija pejamatabü utjuto,beitsi jane jamü yaputame bajara juaje. ²³ Jjamü vekua anaepaname TUJJANENü jaba itabojo nü jaba beria.Pija bo ta to karenatsi jjamüjabata pejjaejaba pejebijaba jjamüjabata,nija neyajabanakaetuatsibi,nija vaji,koto kaebi nenotsivajinua apa vino ra,yajaba ne kobe rakatame dioso jabanü pe ejjanaejabanü platananito,kopaijabata,naejabanüta yajaba ibotonuta ata,ma pa idoloji apa petaebi,apo jumetaebinua,apo peyaputaeibi ata itsakuene jaba.Jjamü apo yeiyataneme Dioso pejjainaenü pejumali pija pekobetajabata peyaputaenüdajjita pija namuto. ²⁴ Nejjata Dioso itoroba kae pemajju peitabe yajabapekatoyakinarubinejja mapa jume. ²⁵ Mapa yakinarütsijaba ma juaje raja:´Mene,Mene,TekelPaesin yajaba´. ²⁶ Bajarajuaje pejajai jume:Doiso ka to kaüjuta neya nakua evetsikuene pekatokopiarukae matakabinejja. ²⁷ Tekel,´Jjamü raja kamatabükuene kanaüjuta piarebejata pejeebijabata kato kajjina penajumetsunutsijabanumü.´ ²⁸ Parsin,´ ´Nija nakua ne evetsikuene ka vekua na tsata yajaba rajutsietsi medo nakua pijivi persa yajaba.´´´ ²⁹ Nejjata Belsasar kae kuenia itoroba,yajaba juma jjatatsi pesaujainaba Daniel nü.Kae oronanito kopaemauto pemujunenia pija pebütakarajabata,ira evetsinü tomara itsi kae jume tsipaeba ponü jababeria pe jjainainejja pe evetsi tomara akueyabinüyo peitorobinü pe evetsi nakua tsane. ³⁰ Bajara pa merevi Belsasar,ira evetsinü Babilonia nakua beyajjuabatsi. ³¹ ´Dario jane baja,Medo nü,pita pe evetsi nakua nu nejja depakujinae jjaina sesenta y dos ´´62`` pabei beje.