¹ Ira evetsinü Nabucodonosor itoroba mapa liveisi dajjita pa tomaraji,nakua pekuaikuai jivibi pe jinonopaebi ira javata.´´matatojjenatsiaya janepana´. ² Netojjanepana patakatsipaebijaba mapa peitoro pitsajabanü pejjania kuene ata pe atjübuyo ejjana jjanü jaba berena. ³ iAyei jjaneto pija peitoropitsijawanü:piayanüpija pejjania kuena!pija evetsijaba mapa evetsijaba maje apo pevereverekaejaba,pija peitorobijabanü kuene dao jai tsanubenai pemomojji jaba berena. ⁴ Jjanü,Nabucodonosor nü,va jinovanapa barüya taja boo jabata,bitsobitsobarüya pejjania kuene jaba taja boojjaneto javata. ⁵ Beitsijane ta amajitsinae jjanü ta nejuneva ejjana .Paepota rukekajû jota,pejumapekataejava jjanü taniji ta tae yajaba ne to pebisia kuene ne ejjana tajamatabütota. ⁶ Tsipaji pakueniarajutajû kae livaisi tanetokapatsinejja tae itabarata dajjita Babilonia pija peebijivi pejjanaejaba bitso peyapütaevivi nejja kanepa itajuta ta amajitsinae jjanü jaba. ⁷ Nejjata pata peyapütaebi nakua kuene peyapütaebi ,pamonae pe vava jai pe kuaikuai jai petüpaevivi,papa peebi peyapütaebi ,peyapütaebi ata tulupujabanü pekanaüjubikuene,jjanü tsipaebajü amajitsinae,beitsijane apo kapanepae te netsipae nejja. ⁸ Beitsi jane Daniel kotokaebi jonena,pebünunü Beltasar be taja dioso nü,tsipaji taja espiritu taja dioso santo nü,jjanütsipaebajü taja amajitsinae. ⁹ ´´Beltasar,mago peitiribinü,jjanü yapütaniji pija jumape santo `pija dioso jjamü jota eka apa itsa jiviyo pematayatsijava bitso yapujjanepana jjamü javata.Nejumeitsimüre jjanü taniji tajaamajitsinaevata ta neto itajutsinejjamü. ¹⁰ Bajara jua je netsitajuta jjanü ta tae nejja taja pematabokotota pakujinae bokekajû taja majitsikaejata:Jjanü taniji,naejava iratutuajavata,bitsopiapianae jjaneto vekua. ¹¹ Bajara pa nae biotsaba ayai jjaneto naejjanapona. Bajara pa nae matatupata pakujinae itabojo jaba beria,nejjata kuenekaüjüpatsi pe tae nejja dajjita pa ira jababeria. ¹² Pija pebajju pejjania javayo,pija pekuai bitso jjaina,ponü jababeria kuenekajüpatsi pejjaejeva pa dajjitajaba.Pe ayei dajibi kajjinaviaba pitakaünaeta pe bujüpanata,vartsuitojji itabojo vekua jinonopa pemajjurananüjaba.Dajjita kuene viriabi pejinonopaebi abatabiabatsi ponü jaba beria. ¹³ Jjanü taniji taja matabokotota kujinae rukekajû tajamajitsijabata,pelivaisi santonü runaika itabojo jaba betsina. ¹⁴ Ponü vavai yajaba jumeitsi:Panikatajuabare bajara panaejaba yajabapamajjurananü ukubabema,pebajjusiribabema,pakuai kayajarenua.Pe najetabijiribiena matatsunüpijinü pe bijjupanata jinonopa ponü jabata,pepunaebi ata pemajjuranajabata. ¹⁵ Pakopatamüre pamatabaka petabünepe yajaba ira jabata.Kübare anija cadena maüto kopaenanito broncenanitota yajaba,namatajupaya poona jabata junüjunüna vayapjotusatota. Pakopare donota sukuenabiaba itabojo vekua.Pa kopare pejinonopaenü dajubimonae pa nae jabata ira pematatsunü vekua. ¹⁶ Pakopatanure penavajutsipaejabata pija pematabokotota be jivitonü,jema,pa kopare pija pematabokotota be dajubi kuenia perajutsieya pa kae kobe najua kobesito yajaba(7 )pa vai be ¹⁷ Ma pa liveisi peitorobijume ka jumaitsi peitorobinü livaisi.Mapa livaisi itoroba pa santonujji mapa kuenia,pamonae pe asaüvi kajupatsi peyapütae nejja apia tomara evetsinü matatsunüa nakua evetsinü tomara pijivi yajaba rajuta itajutejema jipatsa Ponü jitsipa buata pamonae vekua,pa jivi pa pebijievi! ¹⁸ Jjanü,Nabucodonosor ira evetsinü,jjainajü ma pa amajitsinaenü.Akonojjae jjamü,Beltsasar,nejumeitsimüre tayapütaeya,dejuatsia apo itsa jiviyo pe papeebijivi pe yapütaevi taja ira evetsi nakua ne to jumeitsitsane ne to yapütaevi.Beitsi jjamü kapanepame itsi mutsanem,dejuatsia espiritu santo pija doiso jjamüta eka. ¹⁹ Nejjata Dniel,jipatsa yanatsianame pikani pebünü Beltsasar,moya eka bajaya epatovajüto,pija pejamata bükuenenabenajakaejjae.Ira evetsinü jumeitsi:Beltsasar,pütsa ka kopata pe amajitsinae opeyaputaebijabata ka junaviaka.´´Beltsasar jume kanaviata:´´Taja pejjainaenü,pemajitsinae pamonae nejja ka apa kajitsipae jjamü jabata;peyapütaeya beitsi jua pija bajabitsaünü. ²⁰ Ma pa nae jjanü taneme,jane bitsabapona bitso piasaünaejjanua yajaba,jane pe matabü piapiajaba pu kajjina itabojo java,beria na pebeta nakua dajjita pe koparukaejava. ²¹ Pejjania bajjutonaemi,ayei kuenay,bajara pa naeta pejjae jeba monae dajjita nejja,bajara panae,büjüpanata dajubi kajjina pitakaünae,pepünae dajubi ata bajara jota pejinonopaevimi. ²² Bajara pa nae jjamü raja,ira evetsinü,jjamü bitsabame bitso asaü yajaba.Pija piniji witsaba yajaba kajjina iitabojo jabata,pija petirobinütsi pata ira kopaerükaejaba ata. ²³ Jjamü,ira evetsinü,taneme santonü livaisi pe kaponaenü kaebü kaerunaekatsi iitabojo betsina jumeitsi´´panikatajjuabare bajara pa naejava pa bijianare,beitsi pa kopare bajara pa matabaka naetabutopae yajaba ira jabata,kakütamure tsikirikuenejavayo kopaenanito broncenanito yajaba,tutuajabata pejana poona wayapjota jabata.Pe sukuenabiaba donotajaba iitobojo jabata.Kopare pejinonopaevimi dajubimonae yajaba wayapjota matapania kae kobe najua kobesito beje pa way pepanepaejababeria.´´ ²⁴ Mapa itajutatsi java,ira evetsinü.Mapa kaitorobinü atjubübetsina tsina jamü jabata,tajajjainainü,ira evetsinü. ²⁵ Jjamü natajayotsiena peebijaba vekua,jjamü jinonopaename dajubi monae jabata ata wayapjota javata.Apa jitsipae itoroba jjamü najjaeponaename poona be vacakuenia ,jjamü java sukuenabiename donota itabojo vekua,kae pe majju najua kobe beje pavai najetarükaena nenatoyapütaejababeria jamüta pe atjubübetsina pe evetsinü pematatsunüvi pe evetsivi ira tomara jabata Ponü rajuta pamonae ponü jitsipa. ²⁶ Bajara pakuenia ma itoroba pakopatamüre pa matabaka naetabuto paa yajaba,nejjata bajara pakuenia nija ira ne evetsi jjamü katorajutsitsia kaübüarena,bajara pamatakabi beje jjamü ne yapütae nejja itabojo petarobijaba. ²⁷ Bajara pa kujinaita,iraevetsinü,netsikapare taja mujjujiobi liveisi je jamütsane jjamü jabata.Nakuenekopare pibisiakuene ejjanaponame juya pejjania kuene ejjaname.Natajayore bajara pebisia kuene vekua,pejjania kuene tsi itajuta pe kuene pjaipjainaybi,beria meta tsipae nija pejjania kuene yereta.´´ ²⁸ Dajjita mapa pekobekobü ira evetsinü Nabucodonosor nabijapaita. ²⁹ Najua pa kabe beje pa juameto kujinae,ponü kuene nukapona pematatu jabata pija palacio real Babilonia jabata. ³⁰ Yajaba pnü jumeitsi´´¿Apa mapapejjania tomara jjanetoBabilonia jaba,mapa ejjanajû taja dajjita jivi pemajitsi bo real,pija Gloria nejja taja majestad nejja. ³¹ Paepota pa liveitsi abajju peubijabata ira pe evetsinü jabata kae jume runaika itabojo betsika jume runaika:´´ira evetsinü Nabucodonosor nü´´,kajumaitsitsi jjamü jabata mapa evetsi irata ka vekuapitsiena jjamüta. ³² Jjamü raja natajayotsiena pamonae jaba vekua,nija boo tsane dajubi monae tsane bayapjota.Apa jitsipae itoroba jjamü najjae ponaename poona be buey kuenia.Pa najjua kobe pa vai beje najetarukaena ne na to yapütaejababeria jjamüta pe atjubübetsina pe evetsinü pematatsünubi pe evetsivi ira tomara Ponü rajuta pamonae ponü jitsipa. ³³ Mapa livaitsi peitorobijume Nabucodonosor vekua kaponatsi najjatsieyo.Ponü jutatsi taju beria jivi beria.Ponü jjane poona be vaca kuenia yajaba pija peparabüto ata sukuena donojabanunua itabojop betsina.Pija pematanaa apia be plumajji kotsala kuenia,pija pekopibokoto juya be baratsuito. ³⁴ Itsa baja kopiaverevereka,jjamü,Nabucodonosor nü yotanjû taja itajjuto itabojo betsia,taja cordura pubünu tanetokanaviata.´´Jjanü pejjania kuene bünujjaniatsiaya atjubuyo betsina,yajaba jjanü yeiyataijabatsi yajaba ka Glorifikabajûpe ponaponaenü dajjita pamatakabianü.Baitsi jane pija pe evetsijaba tsane pe evetsijabanü apo vereverekae,pija pe evetsijaba eka tsiteka dajjita ta momojji tsane dajjita ta momojji vekua tsane. ³⁵ Dajjita pejinavanapae tomara ira nakua natayanuka PONü jaba beria be ajibi kuenia;PONüejjana jabitsaübi itabojo berena,pejinonopaebi ira javata.It6sa jivi ata apokuenekaujüpaetsi.Pija ajibibi tsarubenae apa kapanepa yavaetaba apo nabiabijitsipae,pija ajibi apa jibiyo jumeitsitsi:¿Dejuatsia itsi ma jota je?. ³⁶ Bajara poaepota jane baja tane3tokanaviatsijaba jjanü jabata,taja TUJJANENüayei butu jai ne to kanaviata ikatsi tayanakua evetsikuenemi taja Gloria jabata.taja mujujiobijaba rovialia pepaebijaba jaitajjanü nejja.Neto kanaviata ikatsia taja pe ekae jaba jjaneto,beitsi jane pini ji jaba ne rajuta. ³⁷ Akonojjae jjanü,Nabucodosor nü,nakobe rakatajû,vitsabanua ka yeiyatanetsi pe po evetsinü itabojo betsina,tsipaji jua dajjita bajara pejjanaejaba pejjania kuene,yaja pija namuto pejjaniajaba.PONü kuene kajupa pe bijatae nejja pamonae jaba peponaenü pija pejjainainü piniji jamatabükuene penatainü.