¹ Qu sa kwaya i vua nai taukei, o koya si driadria sewa i tam duidui mai vua na bobula, vitalia du i taukeni tia na vikwa coko. ² O koya , ya si lewai kora vali o kora nai vavuvuli, qanira na tuqwaqwa, me yaco na siga a sa lesia tu o tamaya. ³ Me wetai muni na gauna a te si driadria ka, a te si lai coriti tu na i vesu vakavuravura. ⁴ Sa vura mai na gauna vaKalou, a sa vatala ti luvea mai, me cedra mai vua na vibulou, qa sucu donua tu nai vunau. ⁵ A tara o koya so kwe me voli keta mai na vunau, me rewa ni te wili me luvea. ⁶ Keta sa luvea a sa vatala mai na Kalou, e yalo ni luveya me cola i va iko, qa sa dau coco," Apa Tamaqu." ⁷ I sa tam wili mo bobula leqwa, e sa luveya , qa sa na solia kece na Kalou na lea i yau me lem. ⁸ I'a na gauna, o tam kilatia tu na Kalou, o ledra bobula tu na vikwa i tam macala, a lala na Kalou. ⁹ Ia ko kwe o sa mai kilatia na Kalou, se na gauna e sa kilatiko ka na Kalou, "ia na yava na vuni lem mata lega leqwa ka na kwa vakavuravura se na kwa tam vaKalou?" ¹⁰ E diloi tia na siga, na vivulavou, na draki ni vanua qa na yabaki. ¹¹ Qi sa mataku ciko, lakalaka qei lala e bete na lequ no tu qai iko . ¹² Qi sa mosa tiko taciau , tovole mo wetai o au, do qu sa wetai muni o iko, Lala lem cala iva au. ¹³ Wetai o sa kilatia no ina vuku ni malumalum ni cola vakayago, qu mai vunau taki ni a iva iko na kosiveli ina i matai ni gauna. ¹⁴ I'a nai tuvaki niqu yago a vatovolei i vatikem, oba tam vasisila se karavi au, o ba ciqomi au me wetai na agilosi ni Kalou, se mequ wetai sara ga na Karisito Jisu. ¹⁵ I vei qa yati na lem vivakalougata taki, ko kwe qi sa tia i vadudu iva vatikem, maga o ba na rewatia , oba na leutia mai vatimem qele ni mata qo ba solia i va yau. ¹⁶ Koya so kwe qu sa yaco me kem meca baletia qu kwaya i va iko nai tukutuku du? ¹⁷ E re na gutia vakaikai me re rewa tiko , i na lala lia e bete. E re na tovole me re na vagalu niko me re rewa ni ko takucira. ¹⁸ Sa vina na gugumatua ia na kwa vina, me kuwa ga ni gauna qi nodoki no qai vatikem. ¹⁹ Luvei au sa rui mositi au ni qi si vinatia me cola iva iko na Karisito. ²⁰ Qu divia mequ cola qai iko qa qu visautaki nia na lequ numia baleti iko, baletia qisi tam qulumiko sara no vavina. ²¹ Kwaya re mai iva au, o kem alia om si mata varurugi tu na i vunau, om sa bau diloi tia vina nai vunau. ²² A sa volai tu nio Varayama a rua na luvea tagwane, a lia mai vua na yalewa dauniviqwaravi, qa alia mai vua na vibulou vakamau. ²³ A lia a sucu mai vua na vibulou dauniviqwaravi qa lia sucu mai vua na vibulou ni buto ni were me wetai ga sa yalataki otitu. ²⁴ Na kwa kwe ina rewa ni vakadewataki me tia i vakavuvuli, ni o koru na vibulou kwe iri tia i vakatakarakara ni rua na viyalayalati. ²⁵ Ia o Eka i ita i vatakarakara ni dela ni vanua mai Sainiai ina vanua vaka Aravea, qa tia i vatakarakara muni kei Jerusalemi ina ledru a tia bobula mai qa ni luvea. ²⁶ Ia na Jerusalemi vou mai yata ei gwalala, o koya o mnai keta. ²⁷ Do sa volai tu ," Mo marau o iko tam valuveni, mo tagi qa mo gisa ina marau e tam ucuvia na rarawa ni vakasucu , i baletia o kora na driadria vakamnani boto ere dau bi boto ere dau bi mai vakora na vibulou vatagwane. ²⁸ Io o iko, vitacini , wetai o Aisake, na luve ni viyalayalati. ²⁹ Ia na gauna so kwe na tamata, sa sucu vakayago e re dau vakaduiduitaki ni kora mai vuara sa sucu vakayalo ia o kora sa tautauvata. ³⁰ Ia na yava i kwaya nai Vola tabu ," Vatalatia dei na yalewa dauniviqwaravi qa luveya, ina tam vaivotavota o koya na votai boto na luve ni vakamau. ³¹ So kwe, vitacini, tesa tam tia luveni vibulou dauniviqwaravi, tesa luve ni yalewa gwalala.