¹ Koi Kalatia riva!, o ei ava ya nitu niko? ina vati mèm mata a lei va mate kha o Jisu. ² Ko kwe ta lia boto na kwa qi mata kila tia mai va iko; o ba sa rewatia na yalo tabu ina cakacaka ni vunau se oba sa rogo qo ba vabautia? ³ O ba sa tia riva!, o ba taula ina yalotabu, oti qo ba qei tinia ina kwa vaka yago? ⁴ oba sa vosoti du i bi na kwa qa lala e bete,. ⁵ I'a o koya sa dau solia va iko na yalo tabu qa na cakacaka mana coko i na vatime'm a tara nai vunau, se na rogo na vabautia? ⁶ Me wetai ga o Eparama "a vabautia na Kalou qa lei kwai ivua me tia tamata du,". ⁷ I'na calevu vata ga so kwe, kila tia kah, o kora coko na vabautia i na wili me luvei Eparama. ⁸ Na vola_tabu muni sa kilatia ni Kalou ina va donui kora na vi mata_ tamata ni vi matanitu, ina vabautia, me wetei asa lei vunau taki va Eparama i mata na Kosiveli " baletiko na kalougata kha na vimatanitu". ⁹ O koya so kwe, o kora sa vabautia eri na vakalogata taki qa Eparama, na tagwane vabautia. ¹⁰ O kora coko na vararavi i nai vunau i na lei borisi: me wetai sa volai," eri na lai borisi o kora coko na tam tara nai vunau qa na kea cakacaka ". ¹¹ Ko kwe sa qei matakwa mai ni na lalalia na vakadonui ivua na Kalou mai na lawa, baleti na Yalo dodonu ina cola ina vabautia ". ¹² I'a nai vunau i tam tia vabautia, " o kora coko na dau takuicia nai vunau mère na cola i na vunau." ¹³ Na Karisito sa va_savasava taki ni keta mai na vi borisi ni vunau, ina lea sa mai lei borisi baleti keta- wetei a volai,"a sa lei borisi o koya sa lili ina vuni kai". ¹⁴ Me yaco na vivakalougata taki lei Eparama ivuara na vimatanitu, i na vukui Jisu Karisito, baletia na vabautia me leda kha na yalo tabu ni Kalou. ¹⁵ Vitacini, mequ tata ina tata va tamata ina vi dinadinati va tamata, magà isa lei va donui ina lala lia na rewa ni visau taki nia se vukicia. ¹⁶ A soli talia va Eparama na vei yalayalati qa kora na lea kawa, a tam lei kwai," ivua na lem kawa," me wetei meru bi alei kwai iva iko ga," qa nia lem kawa," o koya na Karisito. ¹⁷ Kokwenna kwa qu numia: Na vunau, a si lakha mai na 430 na yabaki sa oti, i tam kau dei se va tikitiki taki na vunau ni Kalou. ¹⁸ Maga isa yaco mai na viyalayalati mai na vunau, isa tam lakha leqa mai me wetai na viyalayalati, i'a na Kalou a soli boto iva Eparama ina viyalayalati. ¹⁹ Na ava, qa'a, nai naki du ni vunau? A tara kwe me baleti kora na talaidredre, me yaco via re na pea kawa o Eparama me wetai na viyalayalati a mai tara. Nai vunau asa mai lei vaka bibi taki i vua ra na Agilosi vua lia na dau tataro. ²⁰ I'a na dautataro i vua i sivia mai na lia na tamata, i'a na Kalou i llia du boto. ²¹ I'a nai vunau i saqatia na viyalayalati ni Kalou? i lala du sara: magà a sa soli nai vunau me rewa ni cola, ià na vivakadonui muni sa rewa ni soli na vunau. ²² I'a nai volatabu sa sogo laki nia na kwa coko ina ruku ni valavalaca: na Kalou a tara coko me rewa na viyalayalati me va cola ni keta ina vabautia. ²³ Ko kwe si bere mai na vabautia, keta coko a'te si vesulaki tu ina vunau, vasu tu me yaco via na vatakei mai na vabauta. ²⁴ So kwe na vunau a yaco me tia i dusidusi tu va keta me yaco via na lea lakha mai na Karisito, so kwe me rewa ni te rewa ni vakadonui ina vakatabuta. ²⁵ Ko kwe ni sa qei yaco mai na vakabauta sa lala leqa ni te ovisa taki. ²⁶ Te sa luve ni Kalou coko ina vuku ni vakabautia iva Karisito Jisu ²⁷ Asa bi iva kemu o'm sa Papitaiso i va Karisito, o'm sa vakaisulu vata qa Karisito. ²⁸ A sa qei lala na Jiu se na koi Kiriki, sa lala na bobula, se na taukei, lala na tagwane se na yalewa, te sa lia vata i va Karisito Jisu. ²⁹ Magà isa lei Karisito o iko, i sana wili vata qaya na Kawa i Eparama, qa taukei me wetai na viyalayalati.