¹ Sa oti a tinikava na yabaki, qa qu qei laka leqwa i Jerusalemi qa ru na rua o Vanavasa qa Taito. ² Na lequ laka cake me baletia e i vakatakila qa na ke a lai varautaki na tata ni Kalou i vuara na vi matanitu teni. Qa qu vesana ti kora boto na tamata yaga qa mequ vadudutaki nia boto ni qu tam tubarakinia no mai se me tawa yaga tu boto. ³ Qa tam ni Taito na koi Kiriki, a no vali qai au, o koya a vaqwaqwataki me lai niti. ⁴ O koru na vitacini coricori a ru laka mai vailo qa ru mai tidrovia na lemam lai sereki mai i va Jisu Karisito. Me wetai a re vinati kemam tu me ledra tamata cakacaka. ⁵ Qa mam tam soli kemam vakarewarewa i vuaru, do na di ni tata ni Kalou me tau ga no i va kem. ⁶ I vuara e re laidani tu me re yaga (vitalia du i lala e bete i va au,Na kalou kwe i vatake na lea tam vivateniliataki) o kora qi kwaya , O ei i lai ligoci i yaga, i lala na kwa i vaikuritakinia i va au. ⁷ I na vadewataki ni tata, a ru dania i va au na vivakabauti i na tata ni Kalou i vuara na tam niti, me wetai o Pita i na lea vivakabauti i na tata ni Kalou i vuara na niti. ⁸ I vua na Kalou sa cakacaka no i va Pita i na lea avositolo i vuara na niti, i sa cakacaka no muni i va au qara na vimatanitu. ⁹ Me wetai o Jemesa ,Kifaqa Joni, a ru sa lai kilati i na ledru tara na were ni lotu qa ru sa laka kilatia vina na loloma a soli i va au a re solia ledru i nuinui ni so Kalou i va Vanavasa qa o au. A ru tara ka kwe. ¹⁰ Qa ru qei cauria boto a lia na kwa me ba dau numira na dravudravua, qa sa tia kwa du qu vinatia me qu tara. ¹¹ na gauna a laka mai Anitoki o Kifa , qa qei vunaucia va dodonu baletia o koya a sa vakadudutakinia me cala no. ¹² Si bere ni re yaco mai na vimataqali tagwane va Jenesa, o Kifa a sa kani qara no na vimata tamata. Ia na lea laka na tagwane kwe,no vakasewa sara qa yawatira mai na vimata tamata qa matakucira na tau lewa qwaqwa me baletira na niti. ¹³ A wetai muni o kora na roni Jiu a re sa mai tomania muni na vivakaisini. O Vanavasa muni a sa lai wili tu muni na ledra sala ni dau vivakaisini. ¹⁴ Na gauna qu ligocia ka na ledra i valavala a ra sa tam takucia na tata du ni Kalou. Qu sa kwaya i va Kifa qa medru mata coko," Maga o iko e lia na Jiu, i rewa vakayava mo usuraki ni iko mo vivakaisini qo tia Jisu no. ¹⁵ O keta kwe na Jiu a te tam sucu qaya na vivakaisini qa na i valavala cakaca. ¹⁶ Kea i balebale me te kilatia vamatakwa na lea cakacaka qa na lawa i na vivabauti i Jisu Karisito. Te na laka mai i na vabautia qa na cakacakataki ni lea vunau o Jisu Karisito qa na leda mai vimatakwataki i na vabautia vakarisito qa tam nia i na cakacaka ni vunau. Me baletia ga na cakacaka i na lawa i na vauciko me vamatakwataki. Ia na cakacaka ni lawa i lala na cakacaka vakayago i na vadonui. ¹⁷ Ia maga te sa lai tolavi me te tia tamata cakaca, qa na leda dau vakadania na vivakadonui e vuku i Karisito, i na qei vavunia nai valavala cakacao Karisito? I lala du.! ¹⁸ Me wetai qi sa tara leqwa i sewa na kwa o au me qu vasesenia ,Ia qi vadudutakini au ni qu tia dau basulawa. ¹⁹ Me wetai na lawa qu rusuvia qi matetaki na lawa kwe, ia mequ sa no vata ga no qa Jisu. ²⁰ Qu sa tora oti i na kai vileqwai qa karisito i sa lala leqwa mequ vanono, ia o Karisito sa no qai au. ²¹ Na cola qi sa colataki no kwe qu viciko qa na vabautia ni luve ni Kalou,Ko a lomani au.