¹ Me teva tukata, na gwalala sa vivagwallataki ni keta rewa mai kwa na Karisito me te kuwa leqwa ni vakataotaki i nai i vua ni bobula. ² Tolavia, a o au, o Vaula qi sa kwaya i va vatikem ma ga o ba si vi niti vali, i na qei tam yaga, va vatikem na Karisito. ³ Qi sa tia i vakadudu i vuara na tagwane sa niti ni ra sa olo tu ki na lawa taucoko. ⁴ E sa vatikitiki teni mai va Karisito ni o ba na vakadonui vati kem i na lawa. ⁵ I na vakabautia te sa na warakania ina vakanuinui i na vivuke ni Yalo Tabu me te rewatia ka na kwa du. ⁶ Ni te ravi i va Karisito Jisu sa na tam yaga na niti se na tam niti ina vakabautia cakacakataki ka na loloma. ⁷ O ba sa wavu vina i mata o ei a tarovi vatikem mai na makutu. ⁸ Mo vakadunia kwe ni tam laka mai va koya a covi vatikem ⁹ E vica boto na isi i na vaka tubunia nai buli taucoko. ¹⁰ Qi sa na vakararavi ga vua na Momo levu ni o ba na tam tara leqwa oi lia na vakadani. O koya ei vavunia no na leqwa ei lia na vakadani . O koya sotavira no na leqa i vavatikem i na qei sotavira ga na kea i sau i vakora ga. ¹¹ Wekai au, ma ga qi vunautakinia na vunautakinia na niti, ia na yava qi vacacarakinia, ni sa na qei mudu na vivatarabetaki i na kauviletai. ¹² I vakora na vakaseseania no , qi gadrevia me re vakasavasavataki ni kora. ¹³ O ba sa lei co na viwekani mo ba gwalala, ia mo kua ni vayagatakinia na vatilem gwalala i na vikwa cala ni cola vakayago, ba vilomani qo ba vivukei vataki ni vatikem. ¹⁴ I na vivanua taucoko vaganitia tu na lewa,"Mo lomania na koilem me wetai e lomani iko". ¹⁵ Ma ga oba sa vikati qa vikani vakataki ni vatikem ba qaraunia vina lakalaka mo sa vi vakarusai qai vatikem leqwa no boto. ¹⁶ Q i sa kwaya , ba laka vali i na Yalo Tabu qo ba na tam tara ka na vinatia na vikwa e cedre ka nai vukivuki cala vakayago. ¹⁷ Na vinatia na vikwa ni vuravura i na visaqasaqa qa na vikwa vakayalo qa na vinatia e i vakayago. E ri tam vibukuti rewa o koru kwe, o ba sa na tam tara rewa ka na kwa o ba vinatia. ¹⁸ Ni sa teteimata taki ni iko na Yalo Tabu sa tam vesuki iko na lawa ni vunau. ¹⁹ Sa nia kwe na cakacaka ni vikwa vakayago na vidrivati,na dau yayamo na tara nai vukivuki tam savasava. ²⁰ na dau qwaravi matakau na dau tara iba, na vakavu vicakati na dau qati cakaca, na boriborisi, na viba na vicakati vavuravura, na vicakati vakalotu. ²¹ Na dau vuvu na dau mateni, na dau gadre vakariva qa na vikwa wetai so kwe , qi sa vakasalataki ni iko me wetai qu sa vakasalataki ni iko rewa ka, o kora e re vakatovele na kwa kwe ere na tam rewatia na matanitu ni kalou. ²² Baletia na vua ni Yalo Tabu na loloma na gadre, na vakacegu, na vosotia va balavu, na yalo berebere, na yalo loloma, na vabautia. ²³ Na yalomalumalum na vakatulewa vakasewa, e i na lala lia na lawa me oloniko i na vi kwa kwe. ²⁴ O kora sa lei Karisito Jisu a re sa vakotia i na Kaiviletai na ledra i moimoi vakayago na ledra vakaomi cala qa na ledra vinatia na vikwa cala. ²⁵ Ni te sa cola i na Yalo Tabu , ni te sa yato valimuni i na Yalo Tabu. ²⁶ Me te kuwa ni vinatia me lei dokai boto ka, se viborisi se vivuvutaki.