² Sa oti tale e ono a siga sa qai kauti Pita, Jemesa, kei Joni vakatikitiki kina ulunivanua. A sa vakamataliatakini koya e matadra tou. ³ A sa lumilumisa mai a onai sulu, sa vulavula sara me vaka a lagi vulavula: sa sega bau a dau sava i sula i vuravura i ei me vakavulavula takina me vaka kina. ⁴ A sa rairai vei ratou ko Ilaijia kei Mosese. A ratou sa veivosaki kei Jisu. ⁵ A sa vosa ko pita ka kaya vei Jisu," Vakavuvuli, sa vinaka a wetatou jiko i ei: ia me keitou tara mada a vale vakacevaceva e tolu, e dua me omunu, ka me dua wei Mosese, ka dua me wei Ilaijia. ⁶ Ni sa sega ni kila na ka me kaya ni sa rere vakalevu. ⁷ A sa dua a o sa vakaruguti i ratou. A sa dua a vosa sa lako mai na o , ka kaya," Ka ei a qou gone ni toko, dou rogoci koya." ⁸ A ratou sa veiraiyaki, ka vakasauri sa sega bau a tamata tani e ratou sa raica, ko Jisu duadua ga. ⁹ Ni ratou sa lako sobu mai na ulunivanua, sa vakaroji i ratou ko koya me ratou kakua ni kaya tale kina dua na veika e ratou a raica me yacova ni sa vakatucaketakitale mai na mate na Luve ni Tamata. ¹⁰ A ratou sa vunia a vosa; ka me tu ga vei ratou, a ratou sa veitarogi se cava beka na tucake tale mai na mate. ¹¹ A ra sa tarogi koya, "Na cava era kaya kina ko ira a Vuni Vola ni sa dodonu me mada mai ko Ilaijia?" ¹² A sa kaya vei koya," Sa tadu dina mai ko Ilaijia a ra sa valata vua a meca kecega, ¹³ e ra sa vinakata me vaka a vei ka sa volai ena vukuna. ¹⁴ Ia ni sa yaco ko koya vei ratou a tisaipeli , sa boka ko koya ni ra sa lewe levu sa ra voliti i ratou, kei ira a Vuni Vola e so era ka veiba jiko kei ratou. ¹⁵ Ia gauna sa boki Jisu kina ko ira a lewe levu, era sa kurabui ; ra kada mai me ra mai kidavakini koya. ¹⁶ A sa tarogi ira na tisaipeli ko koya," A cava dou sa veibatakina?" ¹⁷ Ka dua vei ira a lewe levu sa vosa ka kaya," Vakavuvuli, au kauta mai a luvequ tagane vei kemuni, a curumi koya e dua a yalo ni galu. ¹⁸ E na yasana kecega e tarai koya kina, sa waburaka: a sa qai busebuse, kasivi, ko koya, ka vaka sequruquru bati, ka ciba yani. Au kerei i ratou a omunu Tisaipeli me ratou wakuria, ia e ratou tawa rawata. ¹⁹ Sa qai vosa ko koya ka kaya, ai taba tamata sega ni vakabauta, "A cava a kena dede meu tiko vata kei kemudou?A cava a kena dede meu vosoti kemudou? Kauti koya mai vei au!" ²⁰ A ra sa kauji koya mai a gone vei Jisu, Ia ni sa raici Jisu a yalo galu; sa viritakini koya ki ra, a sa bale kina qele ko koya, ka vaka toqiqi, ka kaburaki vuso a drakana. ²¹ A sa taroga na tamana ko Jisu, "Sa vakaivei a tuwai ni ona vaka jiko i ei?" A sa kaya, "Ni se gone ga. ²² Ni dau tarai koya mai, e dau viritakini koya kina buka waqa, kina loma ni wai, ka saga me vakarusa a ona bula. Kevaka ko ni rawata me kemunu valata e dua a meca, mo ni lomani keirau ka vukei keirau." ²³ A sa kaya ko Jisu,"Kevaka ko rawata mo vakabauta ni sa rawarawa a meca taucoko vei ira e ra sa vakabauta. ²⁴ A sa qolou ena domolevu na tamani gone ka kaya," Au vakabauta mo ni vukea aqou tawa vakabauta." ²⁵ Ni sa boki ira a lewe vuqa ko Jisu ni ra sa kada mai, a sa wakuria a yalo tawa savasava ka kaya," Ko iko a yalo galu, au sa vakaroji iko mo lako laivi ka kua tale ni curumi koya jiko." ²⁶ A sa qoqolou ka bitabitalakina, a sa qai lako tani, a sa vaka e dua sa mate ko koya, a ra sa kaya kina a lewe levu, "Sa mate ko koya." ²⁷ A sa taura a ligana ko Jisu, ka vakaturi koya cake: a sa qai tucake a gone. ²⁸ Ni sa curu mai ki vale ko Jisu, e ratou sa lako mai vua a ona Tisaipeli, ka tarogi koya ena vuku ni cava keitou a sega ni wacara rawa kina a yalo galu?" ²⁹ A sa kaya vei ratou ko koya, a mataqali i ei sa sega ni rawa ni wakuri tani wale, sa rawa ga ena dau masu. ³⁰ A ra sa lako laivi mai ka ka lako voli e Kaleli; a sa tawa vinakata me kila e dua a vanua e ratou jiko kina. ³¹ A sa vakavulici ira a ona Tisaipeli ka kaya," Na Luveni Tamata ena soli yani kina ligadra a tamata, a ra na qai vakamatei koya. Ni oti e tolu a siga, ena tucake tale mai na mate ko koya. ³² A ra sa tawa kila ai balebale ni ona vosa, a ra sa rere ni tarogi koya. ³³ Ni ratou sa yaco i Kapenaumi, ia ni sa curu ki vale, sa tarogi i ratou ," A cava dou sa veibatakina i wakolo?" ³⁴ A ra sa vagagalu. A ra sa veiba vakai ira se ko cei e levu duadua. ³⁵ Ni sa cewa sobu ko koya, sa kacivi ira a lewe tinikarua ka kaya vei ira," Kevaka e dua sa vinakata me mada, ia me muri, ka na qaravi kemudou. ³⁶ A sa taura e dua a gone i na odra maliwa, ia ni sa keveta ena ligana sa kaya vei ira, ³⁷ "O koya sa ciqoma na gone oqo ena yacaqu, sa ciqomi au, O koya vakayadua sa ciqomi au sa sega ni ciqomi au walega sa ciqomi koya sa talei au mai." ³⁸ A sa vosa ko Joni ka kaya vua, "Vakavuvuli, keimami boka e dua ni wakuria jiko a yalo velavela ena yacamunu ka keitou tarovi koya baleta ni sega ni muri keitou. ³⁹ A sa kaya ko Jisu, kaku ni tarova ni sa sega bau e valata a cakacaka mana ena vuququ me qai vosa vakacacatakini au rawa. ⁴⁰ Ni sa wetaito ko koya ka tawa weta meca. ⁴¹ Ia ko koya vakayadua ena solia vei kemudou e dua a bilo wai mo dou unuva. Ni dou sai tokani i Karisito, au sa kaya vakaijina vei kemudou ena tawa yali vei koya a ona i sau. ⁴² Ia ko koya ya dua sa vakacala e dua vei ira a lailai vaka i ei, e vinaka caka vei koya me vesu e domona e dua a vatulevu ka vakalutudromutaki ena wasa jitobu. ⁴³ Kevaka e vakacalai iko a ligamu, musuka laivi. E vinaka vei iko mo curu kina bula ka dua ga a ligamu, ka ca ni rua a ligamu ka kolotaki bulabula ki na lovo bukawaqa. ^{44 45} Kevaka e vakacalai iko a yavamu, musuka yawa. Sa vinaka vei iko mo curu kina bula ka yava i dua, ka ca ni jiko ruarua a yavamu ka ko kolotaki ki Eli. ^{46 47} Kevaka e vakacalai iko a matamu, leuta laivi. E vinaka vei iko me ko rawata a bula ka dua ga a matamu, ka ca ni jiko ruarua a matamu ko qai koltaki ki Eli, ⁴⁸ sa tawa mate kina a odra baca; a sa tawa bokoci kina a bukawaqa ⁴⁹ Ni sa vakamasimataki ko koya yadua ena bukawaqa, ⁵⁰ ka sa vakamasimataki ai madrali taucoko ena masima. A masima e vinaka, ia ke sa vakayalia a masima o ona tuituwina, ena qai vakatuituwina taki tale vaka i vei?"