¹ Ni sa qai tama yani ko Jisu ki Jerusalemi,ka voleka ki Pecifaki kei Pecani ,kina delana ka ra bula tu kina a olive , sa qai tala sara e rua a ona tisaipeli ko Jisu." ² Drau lako kina dua a koro lailai , ka sa bacai kemudrau.Ena gauna vata ga drau sa tama yani kina, drau na raica sara edua asa ,eso ese bera vakadua ni vodoki ,drau sereka drau kauta mai ki vei au ki ei. ³ Ke vaka sa tarogi kemudrau edua, 'A cava na vuna drau a sa sereka kina a asa?' drau qai kaya ga, 'Na Turaga ese vinkata ena dua a i naki ,ena qai kau lesu tale mai i ei." ⁴ E ra sa lako sara yani ,rau sa laki raica na luve ni asa sa vesu ena dua a mata ni katuba. ⁵ E so a lewe ni vanua era sa kaya mai, " A cava drau sa valata, drau sa kauta ki vei a asa?" ⁶ Era sa kaya a meca ka kaya mai ko Jisu ,era sa solia sara a galala. ⁷ Erau sa kauta sara a asa vei Jisu ka ra sa tekivu sara a odra i sulu, ka sa vodo sara ko Jisu kina asa. ⁸ Era levu sara a lewe ni vanua era sa tevuka a odrai sulu i na wakololevu,ka so era sa taya ga mai a bani kacu. ⁹ Ko ira sa muri era sa kaila ,kei ira era sa muri sara, era sa kaya ,"Osana ,sa na sautu ko koya ena lako mai ena yaca ni turaga. ¹⁰ Me vaka sautu taka tu ga a kalou,a matanitu i Tevita a tui, ni sa yaco mai i ei. Osana ki cake sara." ¹¹ Ia ni sa curu sara ki Jerusalemi ko Jisu, ka sa lako sara ki vale ni soro,ni sa oji a ona vakaraica a meca taucoko,sa boto sara mai a vanua. ¹² Ena ikarua ni siga sa lesu jiko mai Pecani, sa qai via kana. ¹³ Sa tu vakayawa sara mai ko Jisu, sa raica tu mai a drokadroka vinaka ni vuni lolo, ia tawa bula ga edua vuana mai na dua tabana, ia e tawa ona gauna e dodonu me ra dau vua kina. ¹⁴ Ena sega bau tale ena mai via kana vua ni kacu vei iko vakadua tale .Ia ka ra rogoca tu a ona tisaipeli. ¹⁵ Sa qai lako mai ki Jerusalemi, me tama yani ki vale ni lotu ka sa borisi sara vei ira a dau veivoli taki kei ira a dau vei voli e loma ni vale ni lotu. ¹⁶ E tawa vinakata talega me dua a veivoli mena vala tale, se dua i yaya e bera ni voli taki. ¹⁷ Sa vakavulici ira ,ka kaya vei ira a qou vale,a vale ni masu kina vei matenitu. Ia oqo dou sa mai veivukiakina me odra qara dau dreva. ¹⁸ O ira nai liuliu ni vuni lotu , era sa rogoca a meca sa kaya jiko, era sa caji koi koya ka ra saga me ra vakamatei koi koya. Era sa rerevakina koi koya. ¹⁹ Ena kayavi ga ma i, eratou sa biuta a koro vakapapalagi, ka lako yani. ²⁰ Ena mataka lailai, ni ratou sivita mai a vuni lolo, eratou sa raica sara ni sa malai toka a vuna. ²¹ Ko Pita ga e nanuma rawa ,a meca ka kaya kina . "Qase ni vuli, raica a vuni lolo mai ko ka vosa muri takina esa raqosa." ²² Ko Jisu sa qai sauma ki vei koi koya mo vakabauta. ²³ Au sa kaya vakajina sara vei iko, se ko cei ga ena kaya kina delani me na toso ,ena toso ga, kevaka e sega bau kina vuni yalona a loma lomarua, ka qai vakabauta tale, ka meca ga e kaya ena valata Kalou. ²⁴ Ko i koya mai kau, sa dau kaya vei kemudou: a meca taucoko sara ko dou masulaki a ia mo dou vosa ga ena vakabauta. ²⁵ Ia ni ko sa masu tucake ,modau vosoji ira ena meca taucoko sara, ka ko dau ca kina ki vei ira. A omu Ta mai lomalagi ena vosota a omudou malumalumu. ²⁶ Ia ke vakadou sa borisi takini ira a tamata ena odra cala, ena burisi takini kemudou talega me baleta a omudou cala, a Tamamudou. ²⁷ Ia ni sa yaco mai ki Jerusalemi, era sa lako mai kina ko ira na vuni vunau kei ira na vunivola, era sa lako mai kina. ²⁸ Era sa mai kaya kina vei koi koya, "A kaukauwa mana cava ko vala soji tu kina meca vakaitamera i ei. Ia ko cei mada ka solia lako vei iko a kaukauwa mana i vei iko?" ²⁹ Jisu e kaya tale vei iko, "au na taroga talega vei iko e dua a taro. Mo kaya mada mai vei au se kaukauwa mana cava au valata rawa kina a cakacakai ei. ³⁰ A papitaiso i Jioni, e ka lako mai lagi se mani a tamata? sauma mai vei au." ³¹ Era sa veitarogi ga vakai ira ka ra veivosaki, era sa veiba ka kaya, "kevaka eda kaya mai lagi, 'ena kaya i ei, ''vaka i ei me ia keta sa kua ga ni vakabauji koi koya?' kara sa sauma vei Jisu , ³² ka kaya kina mai na tamata, era sa rere vakaini ira a tamata ni ra kila tu ni ko Jioni edua a parofita . ³³ Era sa kaya sara yani vei Jisu ka kaya, '" keimami sa tawa kila rawa." sa kaya vei ira ko Jisu , " Au na tawa kaya rawa vei kemudou ni kua se kaukauwa mana cava kau valata."