¹ Sa tekivu ko Jisu me vakatavulici ira ena vosa vakatautauvata, sa dua a tamata sa tea e dua a were ni vaini, a sa vakabaitakina wavoki, a sa kelia ai keli ni waini, a sa tara a dra vale ai vakatawa, a sa lisi takina vei ira e so ai vakatawa ni were, a sa qai lako yani ko vanua tani. ² Ia ni sa yaco sara a kena gauna, sa tala yani e dua a tamata me lako yani ki vei ira ai vakatawa ni were me kauta mai e so a vua ni vaini. ³ A ra sa tauri koya ka motulaka, ka wacarai koya lesu wale. ⁴ Sa qai tala tale ko koya vei ira e dua tale a tamata, a ra sa vakamavoatakina a uluna ka vakamadualakina koya vakalevu. ⁵ A sa tala tale ko koya e dua tani: a ra sa vakamatei koya, kei ira ere lewe levu tale, e ra sa vakamatei koya, kei ira e lewe levu tale, e so era sa motuka, ka so era sa vakamatea. ⁶ A sa vo ga e dua me talai koya yani; na luvena, a ona gone i toko, a sa talai koya talega e muri ka kaya,' Era na vakarokorokotakina a luvequ.' ⁷ Ia ko ira ai vakatawa ni were, era sa kaya vaka i ira, "O koya i ei ai taukei e muri, tou vakamatea ena qai noda ga ma were ni vaini." ⁸ A ra sa qai taura, ka vakamatea, ka biuta kina e taudaku ni were ni vaini . ⁹ A cava beka ena qai valata a taukei ni were ni vaini? E na qai lako ga mai ka vakamatei ira ai vakatawa ni were ka solia a were ki vei ira a tani. ¹⁰ Dou sa sega beka ni wilika a jiki ni Vola Tabu oqo? A vatu e ra cata a matai ni vale sa yaco me vakadei e na tutu ni vale. ¹¹ Kai ei sa mai vua a Turaga ka sa ka e vakasakiji e matana. ¹² Ni oti ei, a ra sa saga ko ira a odra i liuliu, a Jiu, me ra me ra vesuki Jisu, ia era sa rerevakini ira a lewe levu, ni ra sa kila ni sa vosatakina a vosa vakatautauvata baleji ira. A ra sa biuji koya ka laiva yani. ¹³ A ra sa vakatalai ira yani e so a farisi kei ira e so ai tokani i Eroti me ra saga me ra coriji koya ena vosa. ¹⁴ Ni ra sa lako mai, a ra sa kaya vua," Vakavuvuli, keimami sa kila ni kemuru sa sega ni kawaitakina a ona nanuma e dua tale, ka kemunu tawa ni tovakina e dua. Kemunu vakatavulica ga a sala ni Kalou. E dodonu me saumi ai vakacavacava vei Sisa se me kua? E dodonu me keimami saumi vakacavacava se sega?" ¹⁵ Ia ko Jisu sa kila a odra lawaki, a sa kaya vei ira," A cava dou sa vakatovolei au kina? Dou kauta mai vei au e dua a pene meu raica." ¹⁶ A ra sa kauta mai vei Jisu e dua. A sa kaya vei ira ko koya," A ulu i cei kei na yaca i cei sa tu i ei?" A ra sa kaya kina," A wei Sisa. ¹⁷ A sa kaya ko Jisu," Me soli ga vei Sisa, a meca e wei Sisa, vua a Kalou a meca e ona a Kalou." A ra sa kurabui kina. ¹⁸ Ko ira ai lawalawa i Setokie e ra sa kaya ni sega bau a tucake tale mai na mate. A ra s alako mai vei koya ka tarogi koya, ¹⁹ "Vakavuvuli, ko Mosese e vola vei keimami , kevaka e dua a tagane sa mate a tacina ka sega ni vaka luveni, a tacina se tuakana e bula jiko me qai kauta kina me wajina, a waji tacina sa qai mate, me rawa ni vakawa takini koya a tacina. ²⁰ Sa jiko e lewe vitu a veiotacini, a kena i matai sa taura e dua a wajina, ka mate, ka sega bau a luvena. ²¹ Na kena i karua sa tauri koya ka mate talega. Sa vaka talega kina a kena i katolu. ²² Na kena i kavitu sa sega talega na luvena e biuta tu mai. Sa oti oqo sa qai mate talega na yalewa. ²³ Ia ni sa tucake tale na mate, e na waji cei vei iratou ko koya? Ni ratou sa veiwajini kei koya na lewe vitu a veitacini. ²⁴ A sa kaya ko Jisu,"E sega beka ni vuni omudou sese baleta ni dou sa sega ni kila ai Vola Tabu, se na kaukauwa ni Kalou? ²⁵ Ni ra sa tucake tale mai na mate, e ra na sega ni vakawaji tale se veimusumusuki me ra vakawaji, ia e ra sa vakai ira a agilosi mai lomalagi. ²⁶ Ia e na vuku ni odra tucake tale a mate dou sa sega beka ni wilika ena i vola i Mosese, e na i tukutuku ni ona vosa kina a Kalou ma a kau, ka kaya," Koi au a Kalou i Eparama, a Kalou i Aisake, kei a Kalou i Jekope? ²⁷ Sa sega ni odra Kalou a mate, ia ko ira talega sa bula jiko: dou sa sese vakalevu" ²⁸ dua ai Vuni Vola lako mai ka rogoca a odra veiba, a sa rogoca ni sa vosa vaka vuku vei ira ko koya, a sa tarogi koya," Ai vakaro cava sa kena i matai e nai vakaro kece ya?" ²⁹ Sa sauma ko Jisu ka kaya," Sa matai ni vakaro kecega, mo rogoca Isireli: O Jiova a weta Kalou ko Jiova sa dua bau ga. ³⁰ Ia mo lomana a Turaga a omu Kalou e na lomamu taucoko , kei n ayalomu taucoko, kei na omu nanuma kece kei na omu kaukauwa kece. ³¹ Ai karua ni vunau levu sai koya i ei, "Mo lomana a kai nomu me vaka ko sa lomani iko. Sa sega bau tale ai vakaro me uasivitia ai vakaro e rua i ei. ³² A ra sa kaya kina ko ira a Vunivola,"E vinaka, Vakavuvuli! ko sa kaya jina ni sa dua bau ga a Kalou, a sa sega tale e dua me rau le rua koya. ³³ Ia meda lomani koya e na lomada taucoko, kei na weta nanuma kece, kei na yaloda kece, kei na weta kaukauwa kece, ka lomani a kai nomu me vaka ko sa loamani iko: a vei ka i ei sa levu ka lailai ai soro kama kei na i soro kecega. ³⁴ Ni sa raica ko Jisu ni sa vosa vaka vuku ko koya, sa kaya kina,"Ko sa sega ni yawa ki na matanitu ni Kalou, a sega bau e doudou e muri me vakatarogi koya. ³⁵ Sa vakavuvuli voli ko Jisu e na vale ni soro ka kaya," Sa vaka e vei ni ra sa kaya a Vunivola ni sa luve i Tevita a Karisito? ³⁶ Ko Tevita vakai koya sa kaya e na Yalo Tabu," A Turaga sa kaya kina qou turaga, Cewa e na ligaqu i matau me yacova niu sa vakamalumalumutakini ira mada a omu meca me ra ai tutu ni yavamunu." ³⁷ Ko Tevita sa vakatokai koya me Turaga, sa rawa vaka e vei ko Karisito me luve i Tevita? A ra sa lewe levu a tamata e ra marautakina a vakarorogo vua. ³⁸ sa vakavulici ira ko Jisu ka kaya," Dou qarauni kemudou vinaka mai vei ira a vunivola, e ra sa vinakata me ra lako voli e na i sulu balabalavu kei na veikidavaki e na rara ni vei voli, ³⁹ kei na i tikotiko ni qase ena veivalenilotu, kei na tikotiko vaka turaga ena kana magiji. ⁴⁰ E ra sa kovea a odra i au a yada, a ra sa masu vakabalavu me ra boki mai vei ira a tamata, ko ira vaka i ei: e ra na burisitakini vakalevu ⁴¹ A sa cewa jiko ko Jisu donua a kato ni lavo e na vale ni soro: a sa vakaraici ira jiko a tamata ni ra kauta mai a odra sovu ka mai biuta e na kato ni lavo, ka lewe levu e a tamata vutuniyau era sa biuta vakalevu. ⁴² A sa lako mai e dua a yada dravudravua, a sa biuta kina e rua ai lavo lalai sara, sa rauta e dua a facigi. ⁴³ A sa kacivi ira a ona tisaipeli ka kaya vei ira," Au sa kaya vakaidina vei kemudou, a yada dravudravua kai ei sa biuta vakalevu kina kato ni lavo, ko ira kecega era sa biuta vaka lailai. ⁴⁴ Ni ra sa biuta kina e so ko ira kecega mai na odra ka e vuqa, ia ko koya i ei sa dravudravua, ka sa biuta a ona ka kecega, io a ona ka kecega me bula kina.