¹ Ni vo e rua a siga me vala a solevu tabu ni mkanavata ni Lakosivia kei na madrai tawa vakaleveni. E ra sa bosea a bete levu kei na vunivola se wakolo cava me ra vesuki Jisu kina ka vakamatea. ² Me kakua ga ni vala i na siga ni solevu daka na vakavuna a yavavala. ³ e a jiko voli ko Jisu mai Pecani ina vale i Simoni a vukavuka. E a ravitoka e na tepeli, ka curu yani e dua a yalewa kei na ona tavaya waliwali sau levu vala ina narita jina. E a voroka a tavaya ka sovara kina ului Jisu. ⁴ E so e ra yaloca ina meca era boka, ka ra kaya," A cava e vakamaumautakina a ⁵ waliwali ni rawa ni volitaki me rawa mai kina a tolu a drau a pene ka soli vei ira a dravudravua. Ni ra sa vosatakina ⁶ Sa qai kaya ko Jisu," A cava dou sa valaji koya kina? E rairai vinaka a meca e sa valataka. ⁷ Ko ira a dravudravua e ra na jiko vata ga kei kemudou, ia ko yau e sega. ⁸ A yalewa kai ei sa valata a meca e rawa ni valata ka sa lumuta a yagoqu me vakarau bulu. ⁹ E jina au sa kaya, a vanua taucoko ena vunautaki kina a Kosipeli, a meca e valata a yalewa kai ei ena dau kai me jivi tu kina. ¹⁰ Ni sa lako ko jutasa Iskarioti, e dua vei ira a lewe jinikarua, vei ira a bete levu ena ona saga me soli jisu yani. ¹¹ Ni ra sa rogoca e ra sa marau ka yalatakiname ra soli silini kina . Sa qai vakaraica matua a wakolo me soli Jisu kina. ¹² Ni sa cabo oji a lami ni lakosivia ina i matai ni siga ni kana madrai tawa vakaleveni, ra taro a Tisaiplei, Me vakarautaki i vei a magiti ni Lakosivia. ¹³ Sa qai tali rau e rua a ona Tisaipeli ka kaya vei rau," drau lako kina koro, drau na boka e dua e cola saqa wai. ¹⁴ Drau muria kina vale e curu kina, ka drau kaya kina i taukei ni vale," E taroga jiko mai ai Vakavuvuli ina vanua cava me mai kiania a Lakosivia kei ira a ona Tisaipeli?" ¹⁵ E na kaji kemudrau kina i taba vale i cake. Drau varautakina taucoko a meca me vala. ¹⁶ E rau sa lako kina koro ka boka taucoko me vakasaraga e a kai vei rau. ¹⁷ Gauna e sa kayavi kina, sa ra soqoni ko ira a lewe jinikarua kei Jisu. ¹⁸ Ni sa koto no ko Jisu kei ira a lewe jinikarua ena tepeli ni ra sa vakayavi. Sa kaya ko jisu," E dua vei kemunu a kana jiko i ei ena soli au yani. ¹⁹ E ra sa rarawa vakalevu ka kaya yadudua," Tawa ko au?" ²⁰ Sauma ko Jisu," E dua vei kemunu a lewe jinikarua ka tonia sara jiko ga a madrai ina bilo. ²¹ A Luve ni Tamata ena lako ga kina vanua e kaya a vosa ni Kalou, ia a rarawa kina tamata e wakolo mai ni ona soli a Luve ni Tamata. E a vinaka cake me a kakua ga ni sucu mai. ²² Ni ra sa kana jiko, sa taura ko Jisu a madrai, vakalougatatakina, dovia ka solia vei ira ka kaya," Taura i ei. Kai ei a yagoqu. ²³ Sa taura a bilo, vakavinavinaka, solia vei ira ka ra sa unu taucoko. ²⁴ Sa kaya vei ira," Kai ei a qou dra ni veiyalayalaji, a dra e dave e na vukumudou. ²⁵ Au sa kaya vakajina vei kemunu, au na tawa unuma tale a vua ni vaini me yacova a siga au na unuma vou tale kina ina matanitu ni Kalou." ²⁶ E ra sa lako kina ulunivanua ni veiolive ni sa oji a odra laga sere ²⁷ sa kaya ko Jisu vei ira," Dou na bale taucoko, ni sa volai, Au na motuka ai vakatawa, ka ra na veikadayaki vakatani a qele ni sipi.' ²⁸ Ia niu sa vakaturi tale mai, au na mada vei kemudou ki Kaleli. ²⁹ Kaya ko Pita," E ra na bale taucoko, tawa ko au.' ³⁰ Kaya ko Jisu vei Pita," E jina a meca au na kaya vei iko- io ena bogi sara ga nikua- ni sa bera ni tagi vakarua a toa, ko sa na cakitakini au oji vakatolu." ³¹ Ia e qai kaya ko Pita," Kevaka e ona lewa meu mata vata kei iko, au na tawa cakitakini iko." A ra sa yalayala taucoko kina. ³² Ni ra sa yaco ki Kecisemani, sa kaya ko Jisu vei ira a Tisaipeli," Dou wawa." ³³ Sa qai kauji Pita, Jemesa, kei Joni, ka sa tekivu me rarawa ka bibi a yalona. ³⁴ Sa kaya vei ira," Sa rarawa a yaloqu, me vaka kina na mate. Dou masu ka vakatawa." ³⁵ E a cuva sobu ko Jisu ki na qele, ka masuta me lako siviti koya a bilo. " A ³⁶ Apa tamaqu vei kemuni e rawarawa taucoko a meca. Nu kauta laivi a bilo mai vei au. Ia me kakua ni yaco a lomaqu, a lomamu nu ga." ³⁷ Ni sa lesu tale mai e boki ira ni ra moce ga, ka kaya vei Pita," Simoni, komoce talega? E tawa rawa ni ko vakatawa me dua na aua? ³⁸ Vakatawa ka masu me kakua ni rawaji iko a ca. Sa gu a yalo, ia sa malumu a yago. ³⁹ A sa lesu tale ko Jisu ka masu . ⁴⁰ A sa lesu tale mai ko Jisu ka boki ira ni ra sa moce ga; ni se bibi toka ga a matadratou. ⁴¹ A sa lako tale mai a kenai katolu ka kaya vei ratou," Dou sa moce ga ka vakacegu? Sa rauta! Sa yacova mai a gauna me soli yani kina a luve ni Tamata kina ligadra a tamata ca. ⁴² Dou tucake tou lako, raica sa voleka mai a ona ka na soli au yani. ⁴³ Ni sebera ni oti a meca e kaya, sa basika ko Jutasa, vei ira a lewe jinikarua, e ra sa tabili mai a tamata mai vei ira a bete levu, vunivola, kei na qase. ⁴⁴ A ona ka soli Jisu, sa kaya oji vei ira me ra raica ga a ona ena laki reguca me ra vesuka ka kauta vakajikijiki. ⁴⁵ Ni yaco ga yani ko Jutasa, sa vakariri vei Jisu ka kaya," Rappi, ka reguca. ⁴⁶ E ra sa tauri Jisu ka vesuka. ⁴⁷ Ia e dua ka tucake tu, e ucuna mai a ona seleiwau ka taya a daligani ona dau veiqaravi a bete levu. ⁴⁸ Sa qai kaya vei ira ko Jisu," Dou sa lako mai e nai sele kei na moto mo dou vesuki au me vaka a dau driva? ⁴⁹ Au a dau jiko vata ga kei kemunu mai na vale ni soro ka vakatavuvuli. Ia dou a tawa vesuki au. Ia ka i, sa vala me vakataucoko takina ga a vosa ni Kalou. ⁵⁰ Sa qai tusai Jisu tu ga mai ni ra sa kada laivi taucoko a ona i lawalawa. ⁵¹ E dua a cauravou ka muri Jisu yani; e vesu jiko ga i tolona a ona i sulu. Ni ra sa vesuka ⁵² sa biuta a ona i sulu ka kada telefua yani. ⁵³ Sa ra qai kauji Jisu kina bete levu. E ra se soqoni tu kina a bete levu kei na vunivola. ⁵⁴ Ko Pita e muri vakayawayawa sara tu mai na vale ni bete levu. Ina odra maliwa a sotia ka ra tatalavi jiko, ece toka ko Pita. ⁵⁵ Era yasava jiko e dua ai vakajinajina me ra vakamatei jisu kina ia e sega bau e bo. ⁵⁶ E levu e na soli vakadinadina daidai ia a meca era kaya e duidui. ⁵⁷ E so era tucake ka ra kaya a meca era rogoca ni a kaya ko Jisu," ⁵⁸ Au na talarakina sobu a valenisoro ka tara ena liga ka tara cake e dua e tawa tara ena liga. ⁵⁹ Drakai wale ni tawa sota a meca era kaya. ⁶⁰ Sa qai tucake a bete levu ka tarogi Jisu," E dua a meca ko via kaya? A cava era kaya jiko me baleji iko?" ⁶¹ Tawa vosa ko Jisu. Taro tale a bete levu," Ko iko beka a Karisito a luve ni Kalou? ⁶² Kaya ko Jisu, "Koi au jina; dou na boka a Luve ni Tamata ni sa duri jiko ena liga i matau kaukauwa ka na lako ena o ni lomalagi." ⁶³ E dresulaka a ona i sulu a bete levu ka kaya," A cava tale meta yasava kina ai vakadinadina? ⁶⁴ Keta sa rogoca sara ga a meca e kaya. A cava a omudou nanuma?" Era sa kaya taucoko ga me mate. ⁶⁵ E so era kanusiva, pulouna a matana, ka motuka, ka ra kaya," Parofisai!" E ra sa kauji koya a ovisa ka ra sa motuka. ⁶⁶ E dua a goneyalewa dauveiqaravi ena vale ni bete levu e ⁶⁷ boki Pita ni sa tatalavi jiko ka toso voleka yani kina ka kaya," Ko iko talega ko dau jiko vata kei Jisu. ⁶⁸ E cakitakina ko Pita ka kaya," Au tawa kila a meca ko kaya." Sa tu ko Pita ka lako sara ki matamata. ⁶⁹ Sa baci boki koya tale a goneyalewa dauveiqaravi ni tu ina odra maliwa, a tucake tu ka kaya," E dua vei ira qori!" ⁷⁰ Kaya ko Pita ni tawa kilai Jisu.Tawa tuwai, era baci kaya tale a tuvata tu kei Pita," Ko iko jina e dua vei ira baleta ni ko lako mai Kaleli." ⁷¹ Sa qai ruru ka bubului ni tawa kila a tamata era kaya jiko. ⁷² Vakasauri e nanuma lesu ko Pita a vosa i jisu ni sa rogoca ai i karua ni tagi ni toa," Ni sa bera ni tagi vakarua a toa, ko sa na cakitakini au oji vakatolu," e toka sobu ga ka ovo.