¹ Ena dua mataka butobuto,era sa lako mai ko ira ai liuliu levu ni lotu, ko ira a vunivola kei ira a dau bulia a lawa ena vei matenitu vakajiu. Ka ra vesuki Jisu ka kauji koi koya yani kivei Pailato. Ka solia koi koya yani kina. ² Sa tarogi koi koya ko Pailato, " Ko iko a odra tui a kai jiutia?" Sa sauma sara yani koi koya, ko sa kaya jina mai." ³ Ko ira ai liuliu ni lotu sa levu sara a meca era sa biligi Jisu kina. ⁴ Sa tarogi koi koya ko Pailato ka kaya kina, "ena dua a meca ko via kaya? Raica a levu ni meca era sa biligi iko kina ko ira i ei!" ⁵ Ia sa tawa sauma sara ko Jisu ,a taro i Pailato, sa druka sara kina vakalevu ko koya. ⁶ Sa yacova mai i ei a gauna era dau vakayacora kina a dra soqolevu ni lotu, ko Pailato me dau sereka kina edua a kai vesu era sa dau jigitakina. ⁷ Ia eso talega a tamata dau vakacaca era sa vesu tu era sa vesu vata kei na so a dau laba. Ena odra maliwa i ei, edua a tamata dau laba a yacana ko, Baraba. ⁸ Era sa lako mai vei Pailato ko ira a tamata ka ra mai kaya kina. me ko valata me vaka ona i valavala ka sa dau vala oji mai. ⁹ Sa sauma sara ko Pailato vei ira , "kemunu sa vinakata meu sereka yani i ei, a odra tui a kai Jiutia? ¹⁰ E sa kila saraga ko koya ni vuni oda soli koi koya yani,baleta ni ra vuvu takini koi koya jiko. ¹¹ Ia ko ira a vuni vunau era sa kaikaila, ia sara i cake, vei ira a vavakoso me ra kaila vakina ,me sereki ga mai ko Baraba. ¹² Ko Pailato sa tarogi ira tale, ka sa kaya, "A cava kemunu vinakata, meu valata kina odra tui a kai Jiutia?" ¹³ Era sa baci kaila vakina tale, "vakoji koi koya" ¹⁴ Sa tarogi tale ko Pailato, "Edua a meca e valata vei kemunu?" Era sa qai kaila vakina sara ena domolevu, "vakoji koi koya, nu vakoji koi koya kina kauveilatai. ¹⁵ Ko Pailato sa via vakaloma donu takini ira a tamata, oji sa sereki Baraba sara kivei ira. Sa ratou lakivi Jisu tale, sa qai soli koi koya yani, me ra vakoji koi koya kina kauveilatai. ¹⁶ Era sa kauji koi koya a sotia, kina tepeli ni ulu ni odra veiliutaki ka kacivi ira mai a lewe ni mataivalu taucoko me ra mai jiko. ¹⁷ Era sa vakaisulu takini koi koya ena dua ai sulu lokaloka, ka ra talia edua i sala wagadrogadro ka vakai sala takina koi koya kina. ¹⁸ Era sa qai valata kina a vakarokoroko vakavalu vakatui, ka ra kaya ,"Kemuni a odra tui a kai Jiutia" ¹⁹ Sara waro lakina a ona qavokavoka ena dua mataqali yaragi ni valu (kaukamea vakabajina ) oji sara qai vakarokoroko takini koi koya. ²⁰ Ni sa oji a odra vakalialiani koi koya era sa qai luvata laivi a ona i sulu lokaloka ka ra sa vakadaramaka kina a odra i sulu jina, ka ra sa mada takini koi koya sa ra yani ki tuba, me ra vakoji koi koya yani. ²¹ E dua tamata ko Saimoni, a yaca, ia e koi kirici,ka sa lako sobu jiko mai kina ona vanua. ²² Ia ko ira a mata solia sara qai kauji Jisu mai kina vanua ko Kolikoca(a ona i balebale "A vanua ni qavoqavoka"). ²³ Era sa vakaunumi koi koya ena dua a wai gaga sara, ka ra veiwaki takina vata kei na mura, ia sa vuta ni unuma koi koya. ²⁴ Era sa vakoji koi koya kina kauveilatai qai ra wasea a ona i sulu ,me ra dui kila a odra i votavota. ²⁵ Ia sa oji sa qai yaco mai ai katolu ni yaua, ka vakoji koi koya kina. ²⁶ E ra sa qai vola ena uluna i cake a mena , e a biliga koi koya kina , kai a odra tui a kai Jiutia." ²⁷ Vata kei koi koya erau sa vakoji vata kina e rua a dau driva. Edua ena yasana i matau, kadua ena yasa i mawi. ²⁸ A sa vakayacori kina a i Volatabu, ka kaya , sa wili vata kei ira a tamata valavalaca koi koya. ²⁹ Ko ira a tamata era raici koi koya , e ra sa vosa vakalialia, ka ra kuruitakina a uludra, kara kaya , pala a tamata e kaya ni na basuka sobu a vale ni lotu , ka na tara tale ena siga tolu. ³⁰ Ia mo vakabulai iko mada, ka sobu mai ki ra, mai na kauveilatai. ³¹ Era vala talega kina ko ira a vuni vunau kei ira a vunivola. Era sa dredrevaki ni koi koya, ka ra sa kaya talega vakakina, " ko dau vakabulai ira tale a tani, ia e tawa rawa mada ga ni ko vakabulai iko madaga. ³² Mo sobu sobu mai a kauveilatai, ko iko a odra karisito a kai Jiutia. ka keimami kila kina ka vakabauta" Ia edua vei rau a dau driva esa tekivu me vosavosa ca takini koi koya tu ga. ³³ Sa qai yaco mai ai ka ono ni yaua, sa butobuto mai a loma ni vanua taucoko ,me yaco sara yani ai ka ono ni yaua. ³⁴ Ena i kaciwa ni yaua, Ko Jisu esa tagi sara vakadomo i cake,"Ilai Ilai lama Sabakicani?" a kena i balebale, A qou Kalou, A qou Kalou ko sa biuji au ena vuku ni cava. ³⁵ Eso era tu vola kina vanua mai, era sa kaya sara, qore bagi esa kacivi bagi i Ilaijia. ³⁶ Sa kada sara edua ka toma sara e dua a jiki ni vutovuto ena wai gaga sara, ka solia vei koi koya me na unuma. ketena warakini koi koya mai, Ena lako sobu mai ko Ilaijia, me na qai mai kauji koi koya ki cake. ³⁷ Sa qai tagi sara ena domo i levu ko Jisu ka ra sa bale sa ra yani. ³⁸ Sa qou kasei rua ai laji ni vale ni soro, mai na belena mai cake sara ka kauta. ³⁹ Edua a turaga ni valu a odra i liuliu, e qai raica ena matana ni mate tu koi koya ena i mate mate ma ei,"E kaya ga, sa jina sara ga , e luvejina ni kalou koi koya i ei. ⁴⁰ Eso talega a yalewa era tu ga mai vakayawa, ka ra raica tale tuga ma a meca e vala. Ko Meri Makitala , Meri(a odrau na ko Jemesa, ka gone ko Josese kei Salome). ⁴¹ Ko ira kai era dau muri koi koya tuga mai kaleli, E levu sara a yalewa , era lako muri, koi koya sara mai Jerusalemi. ⁴² Sa kayavi sobu mai a siga , ni sa voleka mai a siga vakarau ,ni bera ni yaco mai a siga tabu. ⁴³ Josefa a kai Aramacea edua tamata vakaitutu levu ena matenitu vakajiu, ka sa dau warakina tu mai a matanitu ni Kalou. ka sa bolea ko koya, me lako ki Pailato ena yalotawa rere me laki kerea mai a yago i Jisu. ⁴⁴ Sa kidroa ko Pailato, ni sa mate oji koi koya, sa kaciva sara mai a turaga ni valu a odra i liuliu ka kaya kina a mate i Jisu. ⁴⁵ Ni sa kila ko Pailato ni sa mate oji ko Jisu, sa solia sara a yagona kivei Josefa. ⁴⁶ Ia ko Josefa sa qai laki volia ai sulu lileni matai i lalai,ka tukuca sobu mai kina mai na kauveilatai, sa ologa sara ena lileni, ka vakatori koi koya ena onai bulubulu ,ka sa sivi oji makawa tu. Era sa vakaqiqica mai edua a vatu levu mena onai sogo ni bulubulu. ⁴⁷ Ko Meri makitala kei Meri a na i Josese e raica tu koi koya a vanua eratou buluji Jisu kina.