¹ Sa qai lako mai o Jisu ena ona vanua, sa ra qai muri koi koya mai koira a ona i tisaipeli. ² Sa qai yaco mai a sigatabu,sa lako sara ko koya ki valenisoro, ia sa sipa sara a tamata era sa mai vakarorogo vei koya ka dua ka a odra druka . Era kaya vakaira,e kauta soji mai vei a vakarau ni veivakavuluci i ei,ni duatani sara na vuku ejiko vei koi koya,sa dua cakacaka mana sa levu sa tu ki ligana. ³ Ka tawa luve ga ni matai ko koya, e luvei Meri ga ka taci Jemesa,kei Josese ,ko Jiuta,ko Saimoni?oiratou ga tacina a yalewa eratou tawa jiko vata kei keta era sa veilecayaki kina ena vukuna. ⁴ Sa kaya sara vei ratou ko Jisu, ena vakarokoroko taki a parofita ena vanua tale eso,Ia ena tawa dokai vakadua mai vei ira na wekana jina,se mai vei iratou a ona lewe ni vuvale. ⁵ Sa tawa valata rawa kina edua a cakacaka mana ,sa mai tabaki ira ga e vica a tamta baca ena ligana,sara bula kina ,edua ga a ona i wasewase lailai. ⁶ Esa druka sara vakalevu koi koya ena odra tawa vakabauta, sa mani lako wavoki ena odra dui koro me vala vuli kina . ⁷ Sa kacivi iratou mai e lewe jinikarua me na talai iratou yani, me ratou lakolako le yarua ga ,Ia sa mani solia veiratou e levu a kaukauwa mana mera laki vakadrukai ira a yalovelavela. ⁸ Sa mani kaya sara vakamatua vei ira ko koya,ni dou sa lako dou kakua ni kauta edua a meca i wakolo ena vanua cava ga dou sa lako kina ,ai jitoko walega ,me kua a i kato ni bulasi,se madrai se silini ena omudou taga se me dua a beleti. ⁹ Ia raica ena rawa ni vavalaca, kua ni kauta erua ai curucuru . ¹⁰ Sa kaya tale vei ira ko koya,ena gauna vata ga dou sa curuma kina a katuba ni vale ka dou sa jiko kina, mo dou jiko sara kina vakadua me na yacova sara na gauna dou sa lako laivi mai kina. ¹¹ Ia kevaka eso a koro era tawa tauri kemudou ,a meca i ei me na dou valata, dou taviraki kina laivi a kuvu ni qele mai na qeteqete ni yavamudou. ¹² Era sa mai vunau ena vei korokoro, Mena rawa ni ra vei vutuni a tamata. ¹³ Eratou sa wacara ira e levu sara a tevoro, ka ratou sa tabaki ira a baca ena waliwali, Ia era sa vakabulai taucoko sara. ¹⁴ Sa qai rogoca sara a tui ko Eroti ai talanoa me baleti Jisu,ka sa siqema vakalailai ni dua vanua ka sa rogoca oji kina ai tukutuku.Eso era kaya jiko ni ko Jioni , sa bula tale mai na mate ,koya beka kina ka sa levu sara kina a cakacaka mana e jiko kina vei koi koya. ¹⁵ Ia eso tale era kaya jiko mai ,de ko "Ilaijia beka" Eso tale era kaya tale ni so tale a parofita ,me vakabeka eso a parofita ena vei gauna sa oji. ¹⁶ Ni sa rogoca tale ko Eroti, sa kaya koi koya bagi ga ko Jioni, ka musuka a uluna, ia sa duri tale mai na mate. ¹⁷ Sa qai talai ira eso,me ra laki vesuki Jioni mai ka kauji koi koya ni lomani vale ni veivesu.Ena vukui Erotiasi(ka Filipe a wajina)baleta ni ka mai vakawaji tu kina. ¹⁸ Sa kaya sara ko Jioni vei Eroji, E tawa dodonu sara vakalawa ,mo vakawaji takina tale a wajina a tacimu. ¹⁹ Ko Erotiasa sa caji Jioni bulabula sara ga kina , ka saga sara vakakaukauwa me vakamatei Jioni ,Ia e dredre ni tawa rawata a lomana. ²⁰ Vei Eroti ,edau rerevaki i ni Jioni bulabula ni kila ni tabu saka yani ,sa dau yalo dodonu ka tamata savasava ka sa ona i vakaruru tudei ka levu sara a meca sa dau rogoca me baleji koi koya .Ia sa qai vinaka me mai rogoci koi koya mada. ²¹ Sa mani yaco mai edua a gauna ,mena vala kina a ona siga ni sucu , sa mani valata kina edua magiji vakataimera ,me baleji ira ga na turaga ni valu kei na i liuliu ni vanua ko kaleli. ²² E mani jiko tale ga ena siga ni vala siga ni sucu na luvei Erotiasa.Ena meke ,ka sa marau sara kina ko Eroti,kei ira na ona vulagi dokai.sa kaya sara a tui vei gone yalewa ,mo kaya ga mai vei au ,a cava ga ko vinakata , au na solia vei iko. ²³ Au sa bubului kina ,a ko kerea au na solia vei iko ,seu na wasea rua kina na matanitu. ²⁴ Sa qai curu tale ki tuba ,ka laki kaya vei jinana ,a cava sara mada meu kerea kina Tui.Sa mani kaya sara ko jinana ,lako laki kerea mai na ulu i jioni a dau veipapitaisotaki. ²⁵ vakasauri sara sa kadalesu tale ki vei koi koya a tui ,me qai laki kaya ,au vinakata mo solia mai a ului i Jioni na dau vei vakapapitaisotaki ena dua kuro vakalomana. ²⁶ Sa dua sara a ka ,a ona rarawa takina a ona vosa ni bubului vei ira a ona vulagi dokai. ²⁷ Sa mani talai ira a sotia a tui ka kaya sara vei iratou a sotia me ratou laki kauta sara mai vakatotolo a ului Jioni ,Sa ratou lako sara a sotia ka vakamatei Jioni mai vale ni veivesu. ²⁸ Ka ratou sa kauta sara mai a ului Jioni kivei koi koya a goneyalewa i ei. ²⁹ Ena gauna vata ga mai ,eratou sa laki rogoca talega kina a tisaipeli ,Jioni eratou lako sara mai vakatotolo meratou kauta a yagona ,ka laki buluji koi koya. ³⁰ Sa ratou qai lesu tale a ona Apositolo vei Jisu ka ra laki kaya kina ,a meca taucoko sara,ko dau kaya keitou sa valata . ³¹ Sa kaya sara vei ira ko koya ,"Dou lako laivi mai ,ka dou lako vakajikijiki,dou laki vakacegu mada vakalailai kina dua a vanua lala. Ni levu a tamata ,sara lako mai ka lako yani ,sa dredre kina me ketatou kana. ³² Eratou sa qai vodoka edua waqa ,ka ratou voce vakajikijiki kina dua na vanua lala. ³³ Ia ni ratou sa yaco yani, ka ra lewelevu sara era sa nawaya rawa a odratou i rairai ,ka kilai iratou sara,ka ra kada sara yani ki na vei korokoro. Ia era levu era sa kada ga mai ka siviji iratou. ³⁴ Ia ena gauna eratou sa yaco yani kina ,sa bau sivia jina a tamata ,sa sinai tu kina sa tuburi koi koya edua a tamani loloma vakaitamera. Ni ra sa vakatu edua qeleni sipi ka sega bau tu a ona i vakatawa. ³⁵ Ni sa totolo sara jiko a toso ni gauna ,era lako mai kina a ona tisaipeli ka ra mai kaya kina ,keta jiko i ei ,ena dua vanua yawa ka lala, ia esa totolo sara jiko mai a toso ni gauna. ³⁶ Me ko lako vei ira ,me ra lako sara vakatotolo kina dua na vanua era rawa ni kauta mai kina eso a kedra kakana ,se ra volia mai kina . ³⁷ Ia,sa qai sauma lesu vei ira ko Jisu,Drau solia vei ira eso a kakana me ra mai kania "Era qai kaya ki vei koi koya ,keitou rawa ni lako me laki volia mai eso ai buli madrai ,me rauta vinaka e vuadrau a dola a ona i sau vakasilini.me keitou solia vei ira me ra kania . ³⁸ E kaya vei ira koi koya .E bau vica mada ai buli e jiko qori vei kemudou ?Lako laki raica ni dou sa vakadeitakina,eratou sa kaya "Lima ai puli madrai ka rua a ika. ³⁹ Sa kaya vei ira koi koya me ra ece vakai wasewase e vanua co drokadroka. ⁴⁰ Era sa ece sara ena odrai wasewase,Ia me ra wele duadrau limasagavulu dua i wasewase ⁴¹ .Sa taura cake sara koi koya a puli madrai e lima kei na ika erua ,ka vakacabora ki lomalagi ka masulaka. Ka doviadovia nai puli madrai vei ira a ona i tisaipeli ena matadra na lewelevu ,Eratou sa qa wasea tale na ika erua ena odra duidui wasewase . ⁴² Era sa kana ka ra sa bula levu sara ga. ⁴³ Eratou sa binia vata nai vovo ni lima nai puli madrai kei na ika erua ,sa vo tale e jinikarua a kato. ⁴⁴ E rauta ni lima a udolu (5000) a turaga era kania a lima a i puli madrai. ⁴⁵ Sa kaya sara vei ira a ona tisaipeli ,me ra sa vodo ki waqa . ka mera sa vakadodonu sara yani bajini wai ki pecisanita ,me talaci ira mada koi koya. ⁴⁶ Ena gauna era sa lako oji kina sa qai lako koi koya ki delana me laki masu kina. ⁴⁷ Sa buto jiko mai na vanua ka sa jiko edua a waqa ena loma donu ni wasawasa ,Ia ko koya e jiko duaudua voli ga e vanua . ⁴⁸ Sa raica ko koya ni ra sa voce jiko ,Ia esa dredre sara me ra yaco rawa baleta ni ra sotava edua a draki ca sa yacova mai na kava ni wase ni bogi, ka sa vinakata me lako siviji ira. ⁴⁹ Ena gauna vata ga era raici koi koya ni taubale jiko ena dela ni wai ,era sa kaya sara ga ni dua jimoni sara biuta edua a tagi lagalaga. ⁵⁰ Ni ra kidacala ni ra raici koi koya. sa kaya koi koya ,dou vakacegu,dou yate dei. ⁵¹ Ka sa jiko sara yani ki waqa ko koya ,sa maravu sara va cagi .Ia sa dua jiko ga ka a levu ni odra rere ,kei na domobula. ⁵² Era sa tawa nawaya tale , a meca ka yaco ena lima i puli madrai ni sa rui kaukauwa a lomadra . ⁵³ Ia ni ra sa yaco yani ki bajini ni wai ka dua ,Era sa gole sara kina na qele vakai Kenisareti,era sa kele sara yani ki mata vura. ⁵⁴ Ia ni ratou sa sobu sara yani ki vanua ,era sa qai nawai iratou ,ko ira a tamata. ⁵⁵ Era qai sorova a kada ko ira tale eso na lewe ni koro ,kina veijikojiko tale eso,me ra laki kauji ira mai na baca kei odra i kotokoto,kina vanua sa jiko kina ko koya . ⁵⁶ Ena vanua taucoko sara e lakova yani koi koya ,ena vei korokoro,se na veivanua ko vakatelega ,ia a veimatanitu,era sa dau biuji ira a baca ena vanua ni teitei,me na rawa ni ra mai taura a beleni ona i sulu ,ko ira taucoko ga era a taura rawa a beleni o na i sulu era bula.