³ Sa vunautakina e levu a ulutaga vei ira ko Jisu ena vosa vakaibalebale. ⁴ Sa lako mai e dua a Dauteitei ka sa kaburakina e levu a sore ni tei ena baji ni wakolo. Era sa lako mai a manumanu vuka ka kania. ⁵ Eso tale e sore ni tei e e lutu ena dela ni vatu ka sa mamare ga a qele e tau kina. Sa totolo ga a ona tubu ena qele mamare ia ni sa cila mai a siga sa malai ni sa segabau a wakana. ⁶ Eso tale a sore ni tei e lutu ena qele e tu kina a veiwa vakavotona. Sa totolo a odra tubu cake sa totolo talega a veiwa vakavotona ka sa ubi ira. Eso tale a sore ni kacu e lutu ena qele vinaka ka sa tubu mai kina a kacu vinaka eso e tauya dua a drau, eso e vakaonosagavulu ka so e tale e vakatolusagavulu. O koya sa rogoca ia me mani rogoca sara. ²⁰ A sore ni tei ka lutu ena qele veivatu mai ei a turaga ka rogoca a vosa ni Kalou ciqoma ena reki ia e segabau a wakana, ²¹ e tubu cake mai vakalailai ia ni tubu mai a veivakatovolei kei na veivakarerei e totolo a ona malai mai. ³³ Sa tukuna tale vei iratou ko Jisu e dua tale a vosa vakatautauvata. " A mataniitu vakalomalagi sa vaka a isi ka vakayagatakina e dua a marama me vakatubutaki kina e tolu a bilo falawa me yacova ni sa tubu vinaka.