¹ Ia ko Jisu ni sa vakaojia a ona vakaroji ira a ona i jisaipeli e lewe jinikarua, sa lako tani mai ki kea, ka laki vakatavuvuli ka vunau ena odra veikoro. ² Ia ni sa rogoca ko Joni mai na vale ni veivesu na cakacaka i Karisito, sa qai tala e lewe rua a ona i jisaipeli ³ ka kaya vua," Ko iko beka ko koya ena lako mai, se da waraka e dua tani? ⁴ A sa vosa ko Jisu ka kaya vei rau," Drau laki tukuna vei Joni a veika drau rogoca ka raica. ⁵ Era sa rai a mataboko, ka lako ai lokiloki, sa vakasavasavatakini a vukavuka, ka sa rogo rawa a didivara, sa vakaturi cake tale na mate sara, a sa vunautakini ai tukutuku vinaka vei ira a dravudravua. ⁶ A sa kalougata ko koya ena tawa tarabe ena vukuqu. ⁷ Ia ni rau sa lako tani sa kaya ko Jisu vei ira a lewe vuqa ena vukui Joni," A cava dou a laki veikacu mo dou raica? A gasau li sa vakayavalati ena cagi? ⁸ Ia ka cava dou sa lakova mo dou raica? A tamata li sa vakaisulu ena malumumalumu? Raica ko ira sa vakaisulu enai sulu malumalumu, era sa tiko ena odra vei valu a tui. ⁹ Ia ka cava dou lakova mo dou raica? A parofita li? Io kau sa kaya vei kemudou, e dua sa uasivita a parofita. ¹⁰ Ni sai koya ka volai vaka i ei, Raica kau na tala a oqu i talei me liu ena matamu, ena caramaki ko koya a omu sala e matamu. ¹¹ Kai koya vakaijina vei kemudou, ka sega e dua vei ira ka sucu mai na yalewa me uasiviji Joni na dauveipapitaisotaki, ia ko koya sa lailai sara ena matanitu vakalomalagi sa uasiviji koya. ¹² Ia mai na gauna wei Joni na dauveipapitaisotaki ka yacova a siga i ei, ka rawa a matanitu vakalomalagi ena gugumatua, ia ko ira sa gumatua sara era sa taukena. ¹³ Ni ra sa dauvakatavuvulitakina kecega a parofita kei a vanua ka yacova a siga wei Joni. ¹⁴ Ia kevaka dou sa via vakabauta, sai koya i ei ko Ilaijia, ko koya sa dodonu me lako mai. ¹⁵ O koya sa vakadaligana me rogoca ka me rogoca sara. ¹⁶ Ia ka cava meu vakatautauvatakina ai tabatamata i ei? Sa tautauvata kei ira a gone sa jiko ena rara ni vei voli, ka kaci yani vei ira ka jiko vata kei ira. ¹⁷ Ka kaya keitou a uvu bitu, vei kemudou, ka dou tawa tagiyaso. ¹⁸ Au sa lako mai ko Joni ka ta kana se dauunu, a ra sa kaya, sa jiko vua e dua a jimoni. ¹⁹ Sa lako mai a luve ni Tamata a sa kana ka unu, a ra sa kaya," Raica a tamata daukana ka dauunu waini, a odrai tau a dau kumuni vakacavacava, kei ira ai tamata i valavalaca. Ia sa vakadonuya a vuku ko ira a luvena. ²⁰ Sa qai vakatekivuna ko koya me vunauca a vei koro ka ia kina a vuqa a ona cakacakamana, ia ni ra ka ta veivutuni! ²¹ Ena ca ko iko, Pecisaita! Ke sa vala mai Taia kei Saitoni na veika mana ka vala vei kemudrau. Kei rau sa veivutuni makawa enai sulu taga kei na dravusa. ²² Au sa kaya talega vei kemudrau, ena ca vakalailai ko Taia kei Saitoni ena siga ai lewa, koi kemudrau, drau na ca vakalevu. ²³ Ko iko talega Kapenaumi, ko sa laveti cake ki lomalagi? Ka mo biu sobu tale ki Etesi: ia ka sa vaka mai Sotoma na veika mana ka vala vei iko, ke sa tu ga ka yacova a siga i ei. ²⁴ Kau sa kaya talega vei iko, ena ca vakalailai ko Sotoma ena siga ni lewa, ko iko ko na ca vakalevu. ²⁵ Ena gauna ko ya sa vunautakina ko Jisu, ka kaya," Kau sa vakavinavinaka vei kemuni tamaqu, na Turaga ni lomalagi vei vuravura, ni kemuni sa vuni qu veika oqo vei ira a vuku kina yalomatua, a sa vakatakila ga vei ira a gone lailai. ²⁶ Sai koya ga, Tamaqu ni sa vinaka e matanitu me vaka i ei. ²⁷ Ka solia vei au ko Tamaqu a ka kecega ia ka sega bau ni dua tale e kila a luvena, a Tamana duaduaga se dua tale e kila a tamana, a luvena duaduaga, kei koya sa vinakata a luvena me vakatakilai koya vua. ²⁸ Dou lako mai vei au koi kemudou vakaduaga ka colata ai colacola bibi, ia kau na vakacegui kemudou. ²⁹ Vakataqara vei kemudou a oqu i vua, ka vuli vei au, niu sa yalo malua ka yalomalumalumu: dou na kunea kina a vakacegu ni yalomudou. ³⁰ Ni sa rawarawa a oqui vua, ka mamada a oqui colacola.