¹ A sa kacivi ira a lewe jinikarua ko Jisu ka solia vei ira a kaukauwa kei na lewa me ra ulubaleji mira kina a tevoro taucoko ka vakabulai ira a tamata mai na veimataqali baca. ² E talai ira yani mera vunautakina a matanitu ni Kalou ka vakabulai ira a baca. ³ E kaya vei ira ko Jisu, kakua ni kauta e dua a mecaina omudou lako - jitoko, pausi, madrai, silini se veisau ni sulu me kua taucoko. ⁴ A vale ga dou sa curu kina, jiko kina me yacova a omudou lesu . ⁵ A vanua dou tawa ciqomi kina , kureitakina a kuvu mai a yavamudou me i vakajinajina. ⁶ A ra sa qai lako ka curuma yani a veikoro ka vunautakina a Kosipeli kei na veivakabulai. ⁷ E vakarideutakini Eroti a i tukutuku e rogoca baleta a meca e yaca jiko, baleta ni so era kaya ni sa bula tale mai ko Joni mai na mate, ⁸ so tale era kaya ko Ilaijia, ka so tale era kayani rairai dua a parofita mai mada sara sa bula tale mai. ⁹ Sa qai kaya ko Eroti," Au a taya a ulu i Joni. Ko cei tale i ei?" Sa qai saga me kila se ko cei ka ra kaya jiko. ¹⁰ Ni ra sa lesu tale mai ai apositolo, a ra sa mai kaya taucoko vei Jisu a meca era sa valata oji mai. Sa qai kauji ira vata lo ka ra laki Pecani. ¹¹ Ia ni ra sa kila a lewe vuqa era sa muri talega. E kawaitakini ira ko Jisu ka vosa vei ira baleta a matanitu ni Kalou ka vakabulai ira era via bula. ¹² Ni sa voleka ni kala a siga, ratou lakomai a jinikarua vei Jisu ka kaya," Kaya vei ira a putuputu tamata i ei mera lako kina veikoro kei a veiyasana e so mera yasa kakana kei na vanua mera moce kina baleta i ei e vanua lala." Sa qai kaya vei ira ko Jisu," ¹³ Dou solia vei ira e dua a meca me ra kania." A ra sa kaya," E lima walega ai puli madrai kei na rua a ika e jiko - vakavo ke laki voli tale mai eso." E rauta ni lima a udolu a tamata. ¹⁴ Sa qai kaya vei ira a tisepeli mera eceece ya limasagavulu. ¹⁵ Era sa qai valata a tisaipeli ka vakaeceri ira. ¹⁶ Sa qai taura ko Jisu ai puli madrai e lima kei na rua a ika, tacake ki lomalagi, vosa vakalougatakini ira, dovia ka solia vei ira a tisaipeli me ra vota e matadra a lewe levu. ¹⁷ A ra sa macuka e na kana ka vo tale ka rauta e jinikarua a kato. ¹⁸ E a jiko duadua ga ko Jisu me masu ka ratou jiko vata kaya a tisaipeli. E a torogi iratou ko Jisu se cava era kaya a tamata, se ko cei koi koya. ¹⁹ Era sauma," Ko Joni a sau veipapitaisotaki." Eso tale era kaya ko Ilaijia, e so tale e dua a parofita mai mada sa bula tale mai. ²⁰ Ia ko kemudou? Sauma ko Pita," Kemunu a Karisito a luve ni Kalou." ²¹ Sa qai vakaroji iratou ko Jisu me ratou kakua ni kaya tale kina dua. ²² Ka i ei baleta a luve ni tamata ena levu a meca rawarawa e na Lakota curuma. Era na biuji koya a qase kei na bete levu, kei ira a vunivola, ka na vakamatei , ia ena i katolu ni siga ena tucake tale. ²³ Sa qai kaya vei ira ko Jisu," Kevaka e dua vei kemudou e via muri au, me kakua ni muria a yalona me colata ga a ona kauveilatai ina veisiga ka muri au. ²⁴ A ona taucoko e via maroroya a ona bula ena vakkayalia, ia a ona ena vakayalia a ona bula ena vukuqu ena maroroya. ²⁵ A cava ena yaga kina dua a tamata me rawaji vuravura taucoko ka vakayalia a yalona? ²⁶ Ko koya yadua ena maduatakini au kei a qou vosa, ena maduatakini talega a luve ni Tamata kei ira a agilosi yalosavasava. ²⁷ A meca jina au via kaya vei kemudou ni so era tucake tu i ei era na tawa tovolea a mate ni sa bera ni ra boka a matanitu ni Kalou. ²⁸ Ni sa oji e walu a siga mai na siga e ya kaya kina a meca mai ei ko Jisu, sa qai kauji Pita kei Joni kei Jemesa ka ratou cabe kina ulunivanua me masu. ²⁹ Ni sa masu jiko ko Jisu, sa matalia a i rairai ni matana, a ona i sulu sa vulavula me vaka ai rairai ni nuku vulavula. ³⁰ Raica e lewe rua e ratou sa veivosaki vata, ko Mosese kei Ilaijia, ³¹ erau sa lako mai ina i ukuuku ka ratou sa veitalanoatakina a ona sa vakarau biubiu ka na vakataucokotakini mai Jerusalemi. ³² Ia ko Pita kei ira tale a jiko vata kaya era sa bitalaki ena via moce, ia ni ra sa yadra mai era sa boka a ona i serau kei rau a tucake vata kaya tu. ³³ Ni ratou sa vakajikijiki mai vei Jisu, sa kaya ko Pita," Turaga, e maleka a jiko i ei: Me tara i ei a tolu a vale, dua a omu, dua a wei Mosese, ka dua wi Ilaijia. (E tawa kila jiko a meca e kaya.) ³⁴ Ni sa bera ni oji a meca e kaya jiko, sa basika a o ka oloni ratou, a ratou sa rere ni ratou sa curuma a o. ³⁵ Sa qai rogo mai a domo mai na o ka kaya," Kai ei a Luvequ, a ona ka sa jigitaki, rogoci koya." ³⁶ Ni sa rogo oji a domo, sa tu sai koya tu ko Jisu. E ratou sa maroroya a meca taucoko e ratou boka ka ratou tawa wasea kina dua tale. ³⁷ Laki ona siga kadua ni ratou sa lesu mai ina ulunivanua era sa wawa tu a lewe levu. ³⁸ Raica e dua ina odra maliwa sa qai qolou mai ka kaya," Vakavuvuli, au vakamasuji iko me ko mai raica mada a luvequ, baleta ni e dua ga. ³⁹ E dua a yalo e vesuka jiko ka dau kaila vakasauri mai, e dau vakavuna talega me manumanusoni ka savu a drakana. E dredre ni buji koya ka dau vakamavoatekini koya. ⁴⁰ Au a vakamasuji iratou a omu tisaipeli me ratou wakuria laivi, ia e ratou tawa rawata. ⁴¹ Sa qai kaya ko Jisu, " A i taba tamata tawa vakabauta ka sesewa, me vakaevi soji a tuwai ni qou jiko kei kemudou? Kauji luvemu mai. ⁴² Ni sa qai kalawa cake ga mai sa viritakini koya ka bitilakina. Sa qai cudruva a yalovelavela ko Jisu ka bula a gone ka solia lesu vei tamana. ⁴³ Era sa kurabui taucoko ena kaukauwa ni Kalou. Ni ra sa vakatoka mai ei sa kaya vei ira a tisaipeli," ⁴⁴ A vosa i ei me curu sara kina daligamudou: Ena soli yani a Luve ni Tamata kina ligadra a tamata." ⁴⁵ Era tawa kila rawa a i balebale ni vosa e kai baleta ni sa vuni vei ira mera kakua ni kila a ona i balebale, era rere talega ni taroga a i balebale ni vosa. ⁴⁶ Sa qai tubu e dua a veiba se ko cei me levu baleta ⁴⁷ e kila ko Jisu a vakanananu ni lomadra, sa qai vakayavuca e dua a gone lailai i yasana ka kaya," ⁴⁸ A ona taucoko e vinakata a gone i ei e vinakaji au talega, ko ira taucoko era vinakaji au era vinakaji koya sa talai au mai. A ona ka lailai duadua vei kemudou mai ei a ona ka levu. ⁴⁹ Sa qai sauma ko Joni," Vakavuvuli, keitou a boka e dua ni wacara jiko a tevoro ena yacamuni ka keitou lajia baleta ni tawa to kei keitou." ⁵⁰ Dou kakua ni tarova." Sa kaya ko Jisu, a ona e tawa saqaji iko e omu i to." ⁵¹ Ni sa voleka mai a siga me kau cake kina, sa vakanamata me laki Jerusalemi , ⁵² sa tala ki mada e so ki Samaria me ra vakarautakini koya. ⁵³ Era a tawa vinakaji koya baleta ni sa vakanamata me laki Jerusalemi. ⁵⁴ Ia ni rau sa boka a meca mai ko Jemesa kei Joni, e rau sa kaya," Turaga me keitou vakarota a buka mai lomalagi me lutuki ira?" ⁵⁵ Sa qai vuki ko Jisu ka borisi vei ira ⁵⁶ ka ra sa lako ki na dua tale a koro. ⁵⁷ Ia ni ra sa lako tu, sa kaya e dua vei Jisu," Au na muri kemuni ena vanua taucoko ko lakova. ⁵⁸ Sa qai kaya kina ko Jisu,"A fokisi e jiko a ona qara, a manumanu era vakairoro, ia a Luve ni Tamata e sega bau a vanua me no kina a uluna. ⁵⁹ Sa qai kaya tale kina dua," Muri au." Sa qai sauma ka kaya,"Turaga meu laki buluji Tamaqu mada. " Kaya kina ko Jisu," ⁶⁰ Biuta na mate me buluta na nodra mate." Ia ko iko mo laki vunautakina a matanitu ni Kalou. ⁶¹ E dua e kaya," Au na muri Kemuni tUraga, ia meu laki vakamoce mada mai vale." ⁶² Sa qai sauma ko Jisu, " A ona e taura i ligana a i siviyara ka qai rai vuki tale sa tawa yaga."