¹ Sa oji mai sa qai lako voli e muri ko Jisu ena koro taucoko ga kei na vei koro lalai taucoko, ka vunau, ka kaya jiko na matanitu ni Kalou kei ira vata a lewe jinikarua. ² Kei iratou a marama ka ra tou sa vakabulai oji mai na yalo ni jimoni kei na malumalumu, ko Meri ka dau kai naki ni yalewa ni makitala.Sa kutumi oti mai kina e vitu a jimoni. ³ Ko Joana a waji Kusa a matanivanua i Eroji, kei Susana,kei ira tale era qaravi kea ena i yau. ⁴ Ni ra sa lewe vuqa sara era sa soqoni vata ka ra sa lako mai vei kea mai na veikorokoro ka sa qai kaya vei ira edu a vosa vakatautauvata ko kea (Jisu). ⁵ Sa dua a dau kabukaburaki sa laki kaburaka a ona sore ni sila, ia ni sa kabukaburaki jiko, sa lutu ena tutu ni wakolo a sa buturaki sobu, ara sa mai kania a manumanu vuka. ⁶ A sa lutu eso ki na vatu, a ra tubu cake, ka raqosa tale, ni ra cau vakasuasuataki. ⁷ Kara sa lutu eso ki na loma ni co gadrogadro, a sa tubu cake na co gadrogadro ka vakaruruga. ⁸ A sa lutu eso kina vanua vinaka, a sa tubu cake ka vua ta kina e drau na vuana ni sa kaya oji ko kea na vosa i ei sa qai kaciva kina a kena e vakadaligana me mani rogoca sara. ⁹ A sa tarogi kea ko iratou na tisaipeli a cava beka a i balebale ni vosa vakatautauvata i ei. ¹⁰ A sa kaya ko Jisu, sa soli vei kemudou mo dou kila na vei ka vuni ni matanitu ni Kalou, ia sa odra ga a tani a vosa vakatautauvata, me ra raica ka sega ni kunea, ka rogoca ka ta kila. ¹¹ Ia na vosa vakatautauvata sa vaka i. A sila na Vosa ni Kalou. ¹² Ia ko ira era duri ina tutu ni sala, ka rogoca, a tevoro sa kauta laivi a vosa mai na yalodra de ra vakadinadina ka bula kina. ¹³ Ia ko ira era vaka na vatu sai ira sa rogoca ka vakabautaka na vosa ena reki ka sega bau a kena i wakana: era vakabauta ga vakalailai, ia ena gauna ni dauveretaki era sa bale sara. ¹⁴ Ia a kena sa lutu kina veicogadrogadro sai ira era rogoca laki vakarurugi ena lomaocaoca kei nai yau ieci na marau nibula. Sa cau vua jina. ¹⁵ Ia a kena ena vanua vinaka sa vakai ira sa yalojina ka vinaka, a ra sa rogoca na vosa, ka taura deivaka ka vakavinaka jikoga ¹⁶ E sega bau a tamata e qawaca a icina laki ubia e na rubu, se laki biuta tu ena ruku ni mocemoce, me toka ga ena ona i tutu me ra raica taucoko a kena i rarama ko ira e curu mai. ¹⁷ E sega bau a meca e rawa ni ko vinakatakina me sega ga ni laubo e vakatakei ga mai. ¹⁸ O koya mo dou qai qarauni kemudou ena meca dou rogoca ni sa dua e meca tu ena tamata ena qai soli kina, ia a tamata sa sega ni dua a meca e jio ina, ena qai kau laivi taucoko mai kina a meca nanuma tu ni tu kina. ¹⁹ Sa qai lako mai vei kea ko Jinana kei iratou a tacina e ratou sa cau yaco rawa kina baleta ni ra rui lewe levu. A lewe ni vanua. ²⁰ Era sa kaya vei Jisu ni sa jiko ki tuba ko Jinana kei iratou a tacina. ²¹ Sa qai kaya vei ira ko Jisu, a qou na, ke ratou a taciqu, ko ira era sa rogoca a vosa ni Kalou ka valata. ²² Sa qai dua siga sa vodo ko kea ki na dua a waqa kei ratou a ona tisaipeli, ka kaya vei iratou me ratou laki yasa ka dua ni drano, sa ratou lako sara yani. ²³ Ia ni sa soko jiko, sa moce ko Jisu, a sa lako sobu mai na cava ena drano, a ra luvu jiko ka ra sa voleka ni mate ²⁴ A ra sa lako mai ka vakayadraji jisu, ka kaya," Kemunu a Turaga, Kemuni na Turaga keta sa na mate. Sa qai tucake ko kea ka vunauca a cagi kei a wai boriborisi ka ra sa qai cegu kina. A sa qai maravu sara. ²⁵ A sa kaya vei ira kea, ivei a omudou vakabauta? A ra veikayakina vakai ira, ko cei beka i? Sa vakarokoroko kina a cagi kei na wai? A rau sa talairawarawa Vua- ²⁶ A ra sa utu kina odratou vanua a kai Katara, sa donui Kaleli. ²⁷ Ia ni sa sobu ki vanua ko kea, sa sota kei a dua a tamata mai na koro sa curumi kea vakadede tu eso na tevoro, a sa dau telefua kina ka dau jikojikoga enai bulubulu. ²⁸ Ia ni ra sa raici jisu, sa kaikaila e cake ka cuva vua ka kaya ena domoilevu, A cava a betena vei ketadru i Jisu na Luve ni Kalou cecere sara? Au sa masuti Kemunu moni kakua ni vakararawatakini au. ²⁹ Ni sa kaya oji kina a yalovelavlea me vuka tani mai na tamata, ni sa tarai kea wasoma, a sa vesu jiko ko kea ena senicodo kei na so a vesu me tarai kea tu, A sa kutuma a tevoro ki lekutu. ³⁰ Sa tarogi kea ko Jisu, ka kaya, Ko cei a yacamu? Sa kaya ko kea, ko vavakoso, sa dua a putuputu jimoni ka curumi kea tu. ³¹ Era masuji kea me kakua ni kaya vei ira mera lako yani ki bulu. ³² Sa qai dua a qele ni puaka levu sa kana voli ena ulunivanua a ra sa masuji kea me laivi ira mera curumi ira, a sa laivi ira ko kea. ³³ Era sa aqai lako tani mai vei ira a tamata a jimoni, a ra sa curumi ira a puaka, era sa kada sara a qele ni puaka ena baba ka siro sobu kina baba kara sobu yani kina lomanidranu ka ra sa katalomo sara yani. ³⁴ Ia ko ira era dau vakani ira ni ra sa raica a ka sa vala, era sa tuba ka laki kaya kina koro kei na yasana ki vanua. ³⁵ Era qai lako yani mera raica a meca sa vala, era sa yaco vei Jisu ka boki a tamata kara curumi kea tu a jimoni. Sa qai ece sobu ina yavai jisu ka sa vakasulumi ka manoa taki, a ra sa rere. ³⁶ Ko ira talega era boka, era sa kaya vei ira, A meca sa bula kina ko kena a curuma tu e mada ko ira a jimoni. ³⁷ Sa ra qai kerei kea ko ira kecega a lewe ni yasana, ko Katara me lako laivi vei ira, ni sa yacovi ira a rere levu, a sa vadoka a waqa ko kea ka lesu tale yani. ³⁸ Ia a tamata ka lako tani vei kea a jimoni, sa masauji kea me laivi kea me rau tiko vata kaya, ia sa talai kea tani ko Jisu ka kaya," ³⁹ Mo lesu kina omu vale, ka kaya a levu ni meca sa valata vei iko a Kalou.'' A sa lako ko kea ka kaya ina koro taucoko na levu ni meca sa valata vei kea ko Jisu. ⁴⁰ Ia ni sa lesu tale ko Jisu, era sa vakacegui kea ko ira a tamata ni ra sa wacakini kea ko ira kecega. ⁴¹ Ka raica sa dua a tamata ko jairo na yacana e dua na turaga ni valenilotu sa lako mai ka cuva sobu kina yavai jisu ka vakakerei kea me laki ona vale. ⁴² Ni sa dua bau ga a luvena yalewa, ka yabaki jinikarua, ka sa voleka sara mni marte. Ni sa lako ko kea era sa driji kea a lewe levu ⁴³ Ka dua a yalewa sa turuvidra balavu ka yabaki jinikarua, a sa vakaojia a ona silini kei na so a ka e tu vua ena nanuma mena bula kina sa sega ga. ⁴⁴ Sa wavoki mai dakui jisu ka tara a tutu ni ona i sulu a sa cegu vakasauri kinai davedave ni odra dra. ⁴⁵ A sa kaya ko jisu," KO cei e tari au?" Ni ra sa vakasega taucoko sa kaya ko Pita kei ira era tiko vata kaya," Kemunu a turaga, keimami sa veiosoosoji ka veidrigidrigi, ia ko ni sa taroga ko cei sa tari au. ⁴⁶ A sa kaya ko Jisu, o cwi sa tarai au? nIu sa kila ni sa lako tani vei au na kaukauwa ⁴⁷ Ia ni sa kila na yalewa sa sega ni vuni, sa lakomai ka sauta nini ka cuva sobu vei jisu, ka tukuna e matadra taucoko ga a lewe levu na ka e tarai kea kina kei ona bula cvakasauri kina. ⁴⁸ A sa kaya vei kea ko koya, na luvequ yalewa, mo vakacegu sa vakabulai iko a omu vakabauta. Mo lako ena vakabauta. ⁴⁹ Ni sa vosa jiko ko kea, sa lako mai e dua mai na vale ni TUraga ni valeni lotu ka kaya vei kea sa mate a luvena, kakua ni vakadrakaitakina ai vakavuvuli. ⁵⁰ Ia ni sa rogoca ko Jisu sa vosa vei kea ka kayta, kakua ni tyalolaialia vakajinata aga ena qai vakabulai ga ko kea ⁵¹ Ia ni sa curuki vale ko Jisu sa sega ni vakatara me curu kina e dua tale ko iratou ga ko pita, kei jemesa, kei joni, kei na tama ni goneyalewa kei na jinana. ⁵² Era sa tagi kecega ka tagicaka a sa kaya ko kea, kakua ni tagi, sa sega ni ciba ko kea, sa moce ga. ⁵³ A ra sa dredrevakini kea, ni ra sa kila ni sa mate ko kea. ⁵⁴ A sa vakatalai ira taucoko ki tuba ka taura a ligana ka kaci ka kaya," ko iko gone mo duri cake!" ⁵⁵ A sa lesu tale mai a yalona, a sa duri cake sara. A sa kaya ko kea me solivei kea e dua a kena. ⁵⁶ A rau sa kurabai sara a ona qase, a sa vakarota vei rau ko kea me rau kakua ni kaya vei kea e dua a meca ka vala.