¹ N sa oji a veika ka vala jiko sa qai digitaki a lewe vitu sagavulu ka talai ira yarurua mera mada yani vei koya ki na veikoro kei na veijikojiko era vakarau lakova, ² Sa kaya ko Jisu vei ira, "sa levu a vua ni qele sa matua ia sa lailai me ra la'ki tauca mai". ³ Dou lako yani au sa talai kemudou me vaka na sipi ena kedra maliwa na wolifa. ⁴ Kakua ni kauta e dua a taga ni lavo se i vava ka kakua ni kidavakina e dua e wakolo. ⁵ Ni ko curu yani ena dua a vale me ko cavuta a vosa ni veikidavaki i ei, ' Me sobuta a vale i ei a vakacegu ni alou," ⁶ Kevaka e dua a tamata ni Kalou e jiko kina ena lutuki koya a vakacegu ia kevaka e sega ena lesu tale mai vei iko a vakacegu. ⁷ Mo jiko ga ena vale i qoya ko kana ka gunuva a kakana kei na wai e ratou solia vei iko baleta me veiraurau a tamata cakacaka kei na i sau a saumi kina. Kakua ni veilakoyaki mai na dua a vale ki na dua tale. ⁸ Ke ko sa lako yani ki na dua na koro ka ra kidavakini iko kania na kakana era vakarautakina. ⁹ Kaya vei ira , "Ni sa kau mai vakavoleka vei kemudou a Matanitu ni Kalou". ¹⁰ Ke ko yaco yani ki na dua a koro ka ra sega ni ciqomi iko, lako yani ki na ona wakolo kaya," ¹¹ A kuvu ni soso mai na omudou koro ka kabita a yavada eda qusia laivi mai vei kemudou. ¹² Ia mo dou kila, ni ena siga ni lewa ena vinaka cake ko Sotoma mai na koro mai ei." ¹³ Qarauni iko Chorasini! Qarauni iko Peciseta! Kevaka ka vala vei iko a veicakacaka lelevu ka vala mai Taia kai Saiitoni, ke ra sa veivutuni makawa sara, vkaisulu taga ka qili dravusa. ¹⁴ Ena vinaka cake vei kemudrau Taia kei Saitoni ena Siga ni Lewa mai vei kemudou. ¹⁵ Ia ko iko Kapenaumi ko nanuma ni ko na lako cake ki lomalagi? Sega ko na kau sobu ki Eli. ¹⁶ Ko koya sa vakarorogo vei iko sa vakarorogo vei au ia ko koya sa saqaji au sa saqaji koya sa talai au mai. ¹⁷ E ratou sa lesu mai a lewe vitusagavulu ena yalo mamarau ka kaya, "Turaga ko ira mada ga a tevoro vakarorogo vei keitou ena yaca i Jisu ". ¹⁸ Sa kaya vei iratou ko Jisu' " Au a saravi Setani ni lutu mai lomalagi vaka na jibi ni liva. ¹⁹ Raica, au sa solia vei kemudou a lewa me dou butuka a ulu ni gata kei na batibasaga kei na kaukauwa ni meca ka na sega ni dua a leqa meyacovi kemudou. ²⁰ Dou kakua ga ni marautakina ni ra vakarorogo vei kemudou a yalo ia me levu cake a omudou marau ni sa volai a yacamudou ena waiwai koula mai lomalagi. ²¹ Ena gauna vata mai ei sa marau ko Jisu ena vuku ni Yalo Tabu ni a kaya," Au sa vakavinavinaka vei kemunu Tamaqu, Turaga mai lomalagi kei vuravura ni kemunu a maroroya a veika i ei mai vei ira a tamata vuku ka vaktakea vei ira a tawa vuli vakai ira a gone lalai. Io Tamaqu me vaka a ona talei ena omunu i serau.