¹ Kakua ni vunauca vakaukauwa a qase, ia mo vakarota vakamalua ga me vaka a tamamu i vei ira a cauravou, me vaka vei ira a tacimu. ² Vei ira a yalewa qase, me vaka ina a jinamu, vei ira a goneyalewa me vaka vei ira a ganemu, me vaka ena yalosavasava sara. ³ Vakaraici ira a yada era sa yada jina. ⁴ Ia kevaka sa dua a yada sa vakaluveni se so a makabuna, mera vakavulici mada mera valata ai valavala dodonu mai odratou, mera sauma vinaka a odra loloma a odra qase: ni sa vinaka i ei vua na Kalou. ⁵ Ia a yada jina ko koya sa sega bau a wekana, sa vakararavi jiko vua a Kalou, sa dau valata jiko a veimasulaki kei na kerekere ena bogi kei na siga. ⁶ Ia ko koya sa guta a marau, sa mate ga ni se bula lako. ⁷ Ia mo dau vakarota a veika i ei mera tawa cala kina. ⁸ Ia kevaka dua sa sega ni vakaraici ira vinaka a wekana, ka vakalevu sara ko ira a lewe ni ona vale, sa cakitakina a vakabauta, ka uasivi cake ina ca, ka uasivi sobu ko koya sa tawa lotu. ⁹ Me kakua ni jigitakina e dua a yada sa sega ni onosagavulu a ona yabaki, ka vakawaji ga vakadua. ¹⁰ Me rogo ina vuku ni valavala vinaka: Kevaka sa qaravi ira a gone, kevaka sa vuya a yavadra era sa lotu, kevaka sa dau vukei ira era sa vakararawataki, kevaka sa dau gugumatua ina cakacaka vinaka taucoko. ¹¹ Ia ko ira a yada gone ka tamata bula, mo vakasuka: ni ra na garogaro ga, ka sega ni nanumi Karisito, era na vinakata mera vakawaji tale. ¹² Era na burisitakina baleta ni ra sa biuta a meca era sa vakabouta i mada. ¹³ Ara sa yaco talega mera vucesa, ka dau veilakoyaki kina veivale; a ra sa sega ni vucesa walega , a ra sa dautalanoa wale talega , a ra sa dauvakav vuca, ka dau kaya a veika sa sega ni kilikili. ¹⁴ Ko koya i ei au sa vinakatakina mera vakawaji ko ira a yada era tamata bula, mera vakasucu gone, mera lewa a vale, ka me ra kakua ni valata e dua a meca me vosa vakaca kina a mcea. ¹⁵ Ni ra sa lesu tale e so mera muri Setani. ¹⁶ Kevaka e dua a yalewa vakabauta sa jiko vua e so a ona yada, me vukei ira ko koya, ka me kua ni vakabibitakina ai soqosoqo lewe ni lotu: me vukei ira kina ko ira era sa yada jina. ¹⁷ Ko ira a qase era sa lewa vinaka, mera dokai vakalevu, ia ka vakalevu sara ko ira era sa dauvunautakina a vosa kei nai vakavuvuli. ¹⁸ Ni sai koya ai Vola Tabu,"Mo kakua ni vauca a gusu ni pulumakau ni sa butuseraka jiko a sila" ka sa dodonu me "soli vua a tamata daucakacaka a kena i sau." ¹⁹ Kakua ni vakabauta e dua sa beitakina a qase kevaka e tawa jiko e lewe rua se lewe tolu mera i vakajinajina. ²⁰ Vakadodonutakini ira era sai valavalaca e matadra a tamata kecega, mera rere kina ko ira a tani. ²¹ Au sa vakarota ena mata ni Kalou kei na mata ni Turaga ko Karisito Jisu, kei na matadra a agilsoi digitaki, mo muria a veika i ei ka kakua ni vinakata e dua ka cata e dua, mo kakua ni valata e dua a meca ina veijigijigi walega. ²² Kakua ni tabaka vakasauri e dua ena ligamu; mo kakua ni kauwai kina odra valavala ca a tamata tani: maroroi iko mo savasava jiko. ²³ Kakua ni unu waidroka jikoga, ia mo unuma vakalailai a waini ina vuku ni ketemu, kei na tauvimate ko dau tauvikini iko vakalevu. ²⁴ A odra i valavala ca a tamata e so sa vakavotui mai sa lako i mada vei ira mera burisitakina: ia a odra i valavala ca a tamata e so e na muri ira mai. ²⁵ Sa vaka kina ai volavola vinaka sa votu ga mai me kilai, ia vei ira sa sega bau vei ira, ena tawa vunitakini rawa.