¹ Sa jina sara a vosa kevaka e dua sa gadreva a cakaacaka vakai talatala qase sa gadreva a cakacaka vinaka. ² O koya i ei sa kilikili koya ai talatala qase me tawa cala, me dua ga a wajina, me yalomakutu, me yalomatua, me i valavala dodonu, me daulomasoli, me vakatavuvuli vakavuku. ³ Me kakua ni dou unu waini, me kakua ni dauveivala, me kakua ni daujijiva a yau vakasisilia, me yalomalua, me kakua ni dauburiburisi, me kakua ni dau kocokoco. ⁴ Me lewai ira vinaka a ona lewe ni vale, ka me ra talairawarawa ko ira a luvena ka ia ai volavola sa kilikili. ⁵ Ia kevaka e dua a tamata sa sega ni lewai ira rawa a ona lewe-ni-vale, ena raica vakavinaka vakaivei ai soqosoqo lotu ni Kalou? ⁶ Me kakua ni dua a tamata se qai lotu walega, de viavialevu ka burisitakina me vaka a tevoro. ⁷ E dodonu talega me rogorogo vinaka a ona bula vei ira mai tautuba; de na bale ki na meca ena vosavacacatakina kei ai cori ni tevoro. ⁸ Mera yaloqaseqase ko ira talega a tuirara, mera kakua vakaisuri e na vosa, mera kakua ni guta vakalevu a waini, mera kakua ni daugarova ai yau vakasisila. ⁹ Mera taura matua a jina ni vakabauta sa vakatakilai mai ena lewa e loma vinaka. ¹⁰ Ia mera vakatovolei mada ko ira i ei, mera qai yaco mera yalomatua ka lomajina ena meca kecega. ¹¹ Mera yaloqaseqase ko ira talega a yalewa, mera kakua ni daukakase, mera yalomatua ka lomajina ena meca kecega. ¹² Mera dua ga a wajidra ko ira a tuirara, ia mera lewai ira vinaka a luvedra, kei na odra lewe ni vale. ¹³ Ia ko ira era sa valata vakavinaka a cakacaka vakatuirara, era sa rawata kina mera tubu cake, era sa doudou talega, mera kaya a vakabauji Karisito Jisu ¹⁴ A veika i ei au sa vola vei iko, kau sa nanamaki jiko meu lako totolo yani vei iko. ¹⁵ Ia kevaka au sa dede, mo kila ai valavala sa kilikili kei ira a tamata i na vale ni Kalou, oqori ai soqosoqo ni lotu ni Kalou bula. A duru kei na yavu ni vakavuvuli jina. ¹⁶ Ia a ka i ei sa sega ni veibataki ni sa ka levu a ka ni Kalou sa vuni tu i mada. Sa rairai vakatamata a Kalou, sa vakajinajina vei koya a agilosi eso, sa vunautaki ko koya vei ira a veimatanitu, sa vakabauji koya e so a kai vuravura, sa kau cake ki na vanua vakaiukuuku.