¹ E sa notu a lomare ni Alou sea ona varau tainia a ona loloma, se a ona tuberi eda no a Yalotabu, ei na ona yalore ei a ona yalololoma. ² Mo dou vayacoria sara a oqu marau, ei na loloma, ei na dua vata, ei na yalovata, ei na ena inai. ³ Dou ua ni veileti se loma ocaoca walega. Mudou yalo rawarawa mo dou are cae sara mai ve edra ari. ⁴ Dou qarauni emudou vare, maqa ni baleti io se a o rawatia, modou qai nanumi edra leqa ga ina a tani. ⁵ Me notu vei emudou a vaasama ei oya ma notu leqa vei Jisu Karisito. ⁶ O oya , a ona i varau sa tautau vata ei oya Alou. Sa maqa ni nanumia me butao, se me vatautauvata taini eya ei na Alou. ⁷ O oya, ma vadravudravua taini ea me dau veiqaravi, qai sucu me e saraga e tila a tamata. ⁸ Sa igavi ni tautau vata ei tila a tamata qa sa yalo rawarawa me soli oya me mate qa me mate sara ina kauvelatai. ⁹ O oya ana sa va alevu tai oya ina Alou. Maqai solia ina a yaca e alevu tilatila mai vei edra a yaca taucoo ga. ¹⁰ Madra qai teiduru ina e na yaca i Jisu a duru taucoo ga mai lomalagi ei vuravura ei na veivanua taucoo. ¹¹ Me vatusa a omudou meme a yaca ni turaga o Jisu Karisito me cecere tilatila ga a Alou o tamada. ¹² Oya ana, a oqu lomani emudou, ei na omudou talai rawarawa niu notu, qa mudou vakaukauwa cae sara niu sa maqa ni notu vata leqa ei emudou, me igavi saraga e na omu bula a rere ei na sautanini. ¹³ O oya saraga a Alou e a caacaa no vei emudou ena ona lewa, modou caacaa ina ona marau. ¹⁴ Mo ua ni vaulubale se veileti ena omu caacaa taucoo. ¹⁵ Mo velee ina a sala mo ua ni itai ina, a levuni Alou e maqa ni beitai mo cala qa mo muria a sala ai ona qai yaco mo rarama qa cina i vuravura ena edra maliwa a dau butao ei na yalo vatani ina taba tamata ai. ¹⁶ Tari matua a vosa ni bula me rawa ni vaibalebale ina a oqu marau tainia a siga i Karisito,i yai au qai ila ni maqa niu rawatia meu ovu no ga ena oqu kaukauwa taucoo qa maqa leqa ga ni oqu caacaa. ¹⁷ Ena qai yaco bea meu sovarai waqe ena i cabocabo ni soro meu cabori, qa maqa ni yavalati ina a vabauta,au maqai sere ga qa marau vata ei emudou. ¹⁸ Ena i tovo ana oio leqa ga mo sere qa marau vata ei au. ¹⁹ Au sa vanuinui ena vuu ni turaga o Jisu niu sa talai Timoci waqe vei emudou ,au sa vananumi emudou waqe meu vananumia a e baleti emudou. ²⁰ E sa maqa ni dua e notu vata ei au me yalovata ei au , me dau nanumi emudou ena loma dina. ²¹ O odra ai e dra dau vaigavia a e baleti edra qa maqa a me baleti Jisu Karisito. ²² Modou sa ilai ni sa vatovolei vatautau vata e tila a gone sa notu vata ei tamana oirua sa dau caacaa vata ena vuuni tuutuu re. ²³ Au sa dau naitia voli ga meu talai oya waqe se cava a e yaco voli vei au. ²⁴ Au dau vararavi no ga vei oya a turaga ni ila sa volea a oqu lesu waqe. ²⁵ Au sa dau nanumia voliga sa dodonu vare vei au meu talai Epatirataito me lesu waqe vei emudou. Ni o oya a weaqu dina ga, o oya oirua sa dau caacaa vata qa sotia ena i valu re qa dau vadi ituutuu ena veisiga ena gauna au dau tu leqa ina. ²⁶ Sa gu meu lao waqe vei emudou au ila ni omudou sa rogo niu a tauvimate. ²⁷ E dina ga ni ma sa tauvimate qasa volea leqa ga ni mate. A Alou sa yalore vei eya,qa maqa ni vei eya ga, qa vei au leqa ga,dena laolao ena qai vaiuri tai a oqu rarawa ina dua leqa a rarawa ²⁸ O oya ana au sa gutia ina meu talai eya waqe mo mudou igavi eya, qa modou marau ina me rawa ni valailai tainia a omudou rarawa. ²⁹ Vacegu Epafirataito ena vuu ni turaga, mo modou roovi edra a tamata medra tautau vata ei eya. ³⁰ Ni ma sa volea ni mate o oya ena vuu ni caacaa i Karisit. E maqa ni talei tainia a ona bula , me mai vaiuria tainia a omudou caacaa vei au.