¹ O oya ari omudou a weaqu au sa dau lomana, sa dau gu ve emudou a yaloqu; omudou sa dau va-vuna a oqu marau, ei na oqu valagilagi; o oya ai mo dou qai tudei ina ve oya a Turaga, omudou a weaqu. ² Au sa dau masulai Uotia, qau sa masulai Senitiki leqa ga me dru dau lomavata ina Turaga. Io Au sa masuti io leqa ga, a oqu i toani dina mo vuei odru a lewa rua ai. ³ O odru dau ca'acaa vata ei au ena dau vaadewatai ai tu'utu'u re ei Kelemedi leqa ga, vata ei edra leqa ga a oqu i toani esa no tu leqa a odra yaca nai vola ni bula. ⁴ Mo dou qai rei no vi oya Turaga au sa aya leqa mo dou rei. ⁵ Me ilai no a omudou yalomalumalumu ve odra a tamata ni sa volea mai a Turaga. ⁶ Mo dou qai ua sara ni va'acauoca ena via tauco'o ga, me va tailai ve oya a Alou ,a omudou lomaocaoca ina masu ei na vatae-ere. ⁷ Ia a vacegu ni Alou sa uasivia a vi a tauco'o ga e ilai rawa, o oya ena vataudeitainia a omudou yalo ei na omudou va'a sama ena vu'u i Jisu Karisito. ⁸ Meu tinia ve emudou a weaqau , mai na ve a tauco'o ga e dina, ei na ve a tauco'o ga e va-turagatai, mai na ve a tauco'o ga e savasava ei na a tauco'o ga e dau lomani, ei na ve a tauco'o ga e rogorogo re;ia e va'a e dua a merogorogo re se me doa'i mo dou qai nanumia a ve a tauco'o ai . ⁹ Mo dou qai va'ananumia a vi a tauco'oo omudou sa va'atavulici ina. Mo dou qai va'abautia qa rogo, ena qai no tu vata ei emudou a Alou dau veiva'acegui. ¹⁰ Au sa qai marautainia va'alevu ve oya Turaga ni sa qai tubu ca'e ni ua a omudou nanumi au, ni sa qai oti a via omudou ¹¹ a dau nanumia tu mai mada ve au .Au maqa ni aya baleta niu dravudravua,niu sa va'a tavulici meu vacegu no ena vi a tauco'o ga e yaco vi au. ¹² Au sa ila leqa ga va'adravudravuatai qau sa ila leqa a veivavutuniyautai. Ena vi yasana tauco'o ga au va'atavulici ina meu drotu meu mata ana leqa ga,meu vutuniyau meu dravudravua leqa ga. ¹³ Au sa rawatia a vi a tauco'o ga ena vu'ui Jisu karisito o oya sa vakaukauwa tai au. ¹⁴ eso a via niu sa va'ararawatai. ¹⁵ Mo dou qai ila leqa ga a ai Filipai ni sa teivu me vunautai ai tu'utu'u re ena oqu lesu tani mai Masitonia. ¹⁶ Ia ma maqa leqa ni dua soqosoqo lotu ma vuei au niu sa solia se tauria omudou ece sara ga. Omudou a vuei au va'adua mai Cesalonaika ma qai va'arua ena oqu a dravudravua tu ina. ¹⁷ Ia au sa maqa ni retia ai solisoli;ia au sa gutia ga a vua me uasivi cae ena vu'umudou. ¹⁸ Ia sa tu vi au a tauco'o ga, au sa vutuniyau au sa va'asinaiti; niu sa rawata mai vei Epafirotaito a vi a mai vei emudou a ve a boire , ai madrali sa dau reti va'alevu , ia sa a taleitai ve oya a Alou. ¹⁹ Ia a oqu Alou ena solia a vi a tauco'o e rautia a omudou dravudravua me va'a a ona i yau levu ena vu'ui Karisito Jisu. ²⁰ Me ia va'aro'oro'o ve oya Alou qa tawamudu. Emeni. ²¹ Au sa loloma waqe ve odra tauco'o ga sa lotu, edra sa no tu vata ei Karisito Jisu. E dra sa loloma leqa ga waqe o odra vi weani era no tu vata no ei au. ²² E dra sa loloma leqa ga waqe o odra lewe ni lotu vata ei odra leqa ga a lewe ni vuvale oi sisa. ²³ Me omudou tauco'o a loloma ni oda Turaga oJisu Karisito Emeni.