¹ Paula ei Timoci, ai talatala i Jisu Karisito ve edra ai Filipai, vata ei edra tauco'o soqosoqo lotu. ² Me omudou a vacegu ei na loloma mai ve ea a Alou a Tamana eina luvena o Jisu Karisito. ³ Au vavinavinaatainia a Alou ena vi gauna au dau nanumi emiau ina, ⁴ ina oqu masu au dau masulaini emiau tuga, ⁵ ena yalo marau me baleta odaru veitoani ina kosipeli me teivu mai na matai ni gauna me yacovia ai. ⁶ Au sa vadinadinatainia ena vi a tauco'o ai,o oya vayadua sa ca'ava a ca'aca'a re ena tomania qa vacavaria me yacova a siga i Jisu Karisito. ⁷ Esa dodonu vei au meu nanumi emiau tauco'o baleta ni miau sa notu i lomaqu. Ni sa notu vi au a omiau loloma mai ve emiau tauco'o ga sa vesu tu ni miau dau tu tainia qa vadinatia ai tu'utu'u re ni kosipeli. ⁸ Sa oqu vadinadina a Alou, niu sa soli emiau tauco'o ena vu'u i Jisu Karisito. ⁹ Sa oqu masu a omiau loloma me tubu ca'e valevu ena vi are tauco'o ga ¹⁰ mo dou va are tainia a vei a sa are sara me da yalo re me da ua ni cala me yacova a siga i Karisito, ¹¹ me miau va sinaiti ena vua ni valavala dodonu sa tubu mai ena vu'u i Jisu Karisito me laveti qa varo'oro'ota'i ina Alou. ¹² Au sa gutia mo dou ila,a ve weani, ni sa tubu ca'e ai tu'utu'u re e na vu'u ni vi a sa yaco vei au. ¹³ Sa varaitai, a odra vesui a lotu va Karisito sa qai cila mai e dua rarama ena loma ni bai ni vale ni tui. ¹⁴ Sa levu a vi weani edra sa notu vata ei na turaga baleta niu sa vesu tu, sa tu ve eda a kaukauwa ei na maqa ni rere ni dra vosatainia a vosa ni Alou. ¹⁵ E dina ni so edra vunautai Karisito io edra sa dau vuvu qa dau veileti,qa so leqa vei edra sa dau loma re. ¹⁶ Sa vunautai a loloma, me dra ila a oqu mai biutu ei meu maroroya a tu'utu'u re. ¹⁷ E so edra sa loloma ni dra sa ila a oqu vesu tu meu sa serei,qau lesi meu vadewatainia ai tu'utu'u re i Karisito. ¹⁸ Sa qai cava? Ena vei gaunisala re se gauni sala ca au na marautainia no ga a Karisito. ¹⁹ niu sa ila niu sana bula ena kaukauwa ni omudou masu ei na Yalo tabu i Jisu Karisito. niu sa ila ni sa na bula i na kaukauwa ni omu dou masu ei na vei vue ni Yalo tabu i Jisu Karisito. ²⁰ A vi a au sa dau rarawatainia se vanuinuitainia meu na ua sara ni maduatainia e dua a meu tu doudou me tauvata i mada qa yacova a gauna ai me va levulevui ga a Karisito ena vu ni yaloqu se bula se mate. ²¹ Meu bula qau mate leqa ga ena vu'u i Karisito. ²² Eu sa bula ena vei a vayago,ena i balebale a vuavuai.au maqa ni ila? se i vei meu digitainia. ²³ Niu sa lomalomarua tainia ruarua. niu gutia meu lao qau notu vata ei Karisito,o ea e are sara va levu vei au. ²⁴ Io sa yaga ca'e ve emudou sa notu ga va yago. ²⁵ Ni sa vadinadina tania ai,io sa notu vata ei emudou tauco'o,mudou tubu ca'e ina ena marau ni vabauta. ²⁶ Ni sa yaco mai vei eda o Jisu Karisito me da valevulevui oya sara valevu. ²⁷ Mo bula va i varau i nai tovo e vei rauti ei na kosipeli i Karisito,meu na rogoci e miau ina se lao waqe qa igavi emiau seu notu tani,ni mi au sa dei,lomavata me tubu a vabauta ni tu'utu'u re. ²⁸ Dou uwa ni ro'ova se rerevainia a o mudou meca ,I yai ai vatailaila ni vi vacalai ve edra,io ina omu bula-i ai saraga mai vei eya Alou. ²⁹ Ni sa soli ve eda ena vu'u i Karisito maqa ni vei edra sa vabauti eya ve edra leqa ga sa vosotia a ca ena vu'u na, ³⁰ ni mi au sa veivala miau sa igavia i mada vei au, qa mudou rogoca ni sa yaco vei au ni uwa.