¹ Ni sa varatainia va matata a Yalo Tabu ni dra na vui tani e so a tamata i na vabauta i na gauna i muri, ni dra na varogo e so a yalo dau vi vacalai ei na odra i va vuvuli a tevoro, ² ina lawai ei na vivaaisini, sa tavuni a odra lewa iloma me tautauvata a kaukamea ataata. ³ E dra na dau tarovia a vawati qa dra vatabua magiti eso sa velee a Alou me dra vidovi qa vavinavinaa ina ei edra sa vabauta qa ila dina. ⁴ A a taucoo e velee a Alou e a re, qa maqa ni dua a e beci ni da sa vavinavinaatainia qa da ania, ⁵ ni sa vasavasavatai i na vosa ni Alou ei na masu. ⁶ Ni o sa vananumi edra a tacimu ina vi a ai ona qai talatala re i Jisu Karisito, sa vatuburi cae e na vosa ni vabauta ei nai vavuvuli dina o oya o sa dau muria. ⁷ Ia mo biutia tani a talanoa vavuravura o oya dra dau gutia a bui ni gone. Ia, mo vavulici io i na bula vaalou. ⁸ Ni sa yaga valailai ga a ogaoga vayago ia a lotu sa yaga ina bula ai ei na bula leqa ga sa bere mai. ⁹ Sa dina a vosa sa yaga me vabauti valevu. ¹⁰ A vuna ana oitou sa vosotia ina a dredre qa caacaa vakaukauwa baleta ni tou vararavi no i na Alou bula, o oya a odai vabula a tamata taucoo ga, vabibi ve edra sa vabauta. ¹¹ Varotia qo vavulicia a a taucoo ai. ¹² Me ua ni dua e beci io ni o sa gonetagane, ia mo yaco mo odra i varau ve edra sa vabauta, ena vosa ei nai valavala, ena loloma ei na lomadina,ei na yalo e savasava. ¹³ Mo gumatua no i na dau wili vola, qa dau vi varoti no ina i vavuvuli me yacovia a oqu lesu leqa waqe. ¹⁴ Ua ni vaawaletainia ai solisoli sa tu ve io, o oya ma soli veio i na parofisai, ei na vitabai ni liga o dra i talata qase. ¹⁵ vavulicia a ataucoo ai, me dra rawai io sara, baleta me dra saravia a tamata taucoo ga a omu tubu cae. ¹⁶ Igavi io vare sara i na i va vuvuli. Dei no ga ina,nio sa velee ai, o na vabulai io ei dra leqa ga o dra rogoi io miau na bula taucoo.