¹ O kemutou a lequ viwekani aqu okajiya vequ yaoga tocoko, aqu a masu ga vuwa na lequ Kalou ina vuku ni ledru colo na Isireli meru colo. ² Niqu vo kwaya bolejidru niru yalokatakata vuwa na Kalou, ia eru vo tasi yalo makuga. ³ Niru vo tasi kilajiya na veivadodonutaki evo vuka mai vuwa na Kalou, eru vo vadaniya me kiya ga na ledru vadodonutaki vainidru ga, eru vo tasi rewa keni vamalumalumutaki nidru meru vadonui mai vuwa na Kalou. ⁴ Nivo vayaconiya na karisito na kwa evo na kiji ena tata ni kalou, me vadonui o rau na vabaujiya. ⁵ Nivo kwaya o Mosese na vadodonutaki evo yaco ina vuku ni tata ni Kalou, na ecola eru na vaveya eru na cola oka ke. ⁶ Ia na vivadodonutaki evo yaco ena vabaujiya vo kwa kodaki ikwe, Mosese mo kuwa ni tata vemu yalo, o cei me lacake i lomalagi? ( me lai meya bale mai o karisito): ⁷ O tata kodaki ke, o cei me labale kina lai cilocilo?( me lai vacolaniya na karisito nivo mate tu). ⁸ Io na cava e kwaya? e voleka vuwako na tata, io ve gusu, kei vemu yalo: na tata ni vabaujiya, o kiya madu vo kwa kwe na tata ni Kalou. ⁹ Kodaki ovo vatusaniya vemu gusu o Turaga o Jisu, ka vadjinadjina jiya memu yalo taucoko nivo tucake o kiya tale mai na mate na kalou, o na colo. ¹⁰ Nivo va djinadjina na tamata evo vuni yalo taucoko mevo va donui ke, ia e gusu evo vatusaniya no ga ke na cola. ¹¹ Nivo kwaya nai Vola Tabu, o kiya e vabaujiya o jisu ena tasi vamaduwataki. ¹² Nivo tautauvata na jiu qainiya o kiya e matanitu bura: nivo kiya takiya ga na Turaga o taucoko, o kiya na vatu ni kwa oka taucoko eru masu jiya. ¹³ Nivo colo o rau yakiya eru masujiya yaca o jisu. ¹⁴ Eru qai masu vacava vuwa o rau eru tasi vabaujiya? eru na vabaujiya me vacava eru na tasi rogociya ke? eru na rogociya re vacava kodaki e tasi kiya e kwaya. ¹⁵ Ia eru na kwa vacava, kodaki eru na tasi votaiya? me kodaki na kwa evo volai, evo lagilagi sara ru la eru vo kwaya vai tukutuku oka ni vikwa e oka! ¹⁶ Aru vo tasi vabaujiya taucoko nai tukutuku oka taucoko nivo kwaya o Aisea. "I Jiova, o cei evo vabaujiya na lemadou tukutuku?" ¹⁷ Edu vo kilajiya nivo rewa na ledu vabaujiya eru na varorogo, qainiya na varorogo me leya tata na Karisito. ¹⁸ Ia aqu vo tarogiya, "Eru vo tasi rogociya re?" e djina evo kodaki ke, Evo la na kedru i rorogo ena vuravura taucoko, qeiniya na ledru tata na vanuwa e yaco ke o vuravura. ¹⁹ Ia aqu vo tarogiya, evo jikai re ni kilai o rau na kwai Isireli? evo kwaya mai mata o Mosese, aqu na tokotoko matataki ni ke mutou na vuku ni mutu tasi lequ tamata. Aqu na ocajiko mutou ena matanitu sesewa. ²⁰ Avo bolebole sara o Aisea, qai kwaya, "Aru vo daniko yau o rau eru tasi vadaniko yau. Aqu vo vatakiya vo rau o rau na tasi tolaviko yau." ²¹ Ia avo lai kwai vo rau na Isireli, "Ina veisiga taucoko aqu dodonu niya yaji qu lima vo rau taucoko ma ecola eru dauvaduwaduwa qai dau tasi vabaujiya."