1
E na gauna igi, a ru vo lewe levu, ni vo jikai na kwa e ru kania.O Jisu e covidru na leya jisaiveli qai kwaya vu wadru,
2
"Qu vo lomanidru na oso tu ikwe balejia e vu oji e bogi tolu e vo jikai na kwa me ru kania.
3
Kodaki qu na kwaya
vuwadru meru lesu tale i na ledru were, eru na malumalumu balejia ni ru tasi kana a ru qai la vayawa sara mai."
4
Leya jisaiveli e ru saumia vua. "I vei na vanua edu rewa ni kau mai ke na kedru madrai i na vanua dravui siga ikwe."
5
E taro gidru,'E vica na i buli madrai e vou vo?"E ru qai kwaya e "vitu."
6
A qai kwaya vuwadru eru tadra bale i na qwele. E qulumia na na i buli madrai, qai va okaoka taki nia, e musukia rua, e solia vuwadru na jisaiveli meru vayagatakinia ni sibere ni ru wase kia vuwadru na ecola taucoko.
7
E nokoto tale no ga e vica na ika yalai e oji na leya vaokaoka taki niya e qai solia vuwadru na leya tisaiveli tale ga.
8
A ru kana a ru bori oka, a ru tomitomia tale e jiki yalai e ru lulutu tu e vitu na sova yalevu.
9
E raujia ni va na udolu na tamata . E qai kwaya vuwadru me ru vo la.
10
A vo vodo sara i na waqa o kia, qai nidru vata na leya jisaiveli a ru la sara i na yasayasa kodaki Talimanuca.
11
A ru vo lamai na Farisi. a ru vo tekivu me ru viocaji qai nia a ru tarogia vua, e kia na i varaitaki e kodaki mai lomalagi meru vatovolia ke.
12
E kacia e yalo e kwaya ,''Na cava eru mata vadania ke kia na i vatakilakila? Io ena tasi kia na i vatakilakila ena soli vuadru na i taba ecola ikwe."
13
A vo biujidru tu, la i vodo tale i na waqa a qai layaji i jiliva
14
Ia o rau na jisaiveli eru numideinia me ru kau madrai i na waqa e jikai tale ni kia na i buli madrai e vo me ru kau i waqa.
15
E a vadre jidru o kia qai kwaya, "Tolavia mutu qarauniko mutou i na ledru vivacalai na Farisi qai nidru na lai lala o Eroti."
16
A ru vitataki vai nidru, a ru qai kwaya, ''e bara vo jikai voko datou na madrai."
17
Ni vo kilajia o Jisu a qai kwaya vuwadru, ''Na cava mutu kwaya no ni vo jikai voko mutou na madrai? Mutu vo tasi kilajia rewa? kaikai no mutu yalo?
18
E vo no mutu mata mutu tasi tolavia rewa? E vo no mutu bebe mutu tasi varogo? mutu tasi vakasamatakinia?
19
Na gauna qu musukia ke e lima na i buli madrai me ru kana ke na lima na udolu e vica na kato a vuqa? A ru qai kwaya vua ''e Jinarua ''
20
"Gauna qu musukia ke na vitu na i buli madrai vuwadru na va na udolu, E vica na kato a vuqa?''
A ru qai kwaya vua, e "vitu"
21
E kwaya, "mutu si tasi kilajia ga?''
22
Gauna a ru lamai ke i Peciseita. O rau ike gi a ru qi mea mai vua e kia na ecola mataboko a ru qai kwa vo Jisu me dereia.
23
O Jisu e qulumia e lima na mataboko, qai mea sara i na i bili ni rara. Qai katasivi jia e mata, oji e qai qusia ve lima, qai tarogia, ''O tolavia e kia na kwa?''
24
E tola cake, qai kwaya, ''Qu tolavia na ecola e kodaki na kai eru viyatoyaki tu."
25
E tabakia tale e mata, oji na ecola igi e dolavia a vo qai tola rewa e mata, a vo tola via va oka na kwa.
26
O Jisu e kwaya vua me la i ledru were, ''Mo kua ni lesu tale i rara.''
27
O Jisu e la qai nidru la jisaiveli i na rara o Sisaria Filipai ni ru la no e tarogidru na jisaiveli, ''Na cava e ru tarogia na ecola o cei o au?''
28
A ru qai saumia a ru qai kwaya, "Jone na Dauvivavitaisotaki. yavalu tale eru kwaya, o 'Ilaija,' yavalu tale eru kwaya 'kia vuwadru na parofita.'''
29
E tarogidru, ''Ia o cei mutu kwaya o cei o Au?''
O Pita qai kwaya vua, ''o iko na karisito.''
30
O Jisu e qai kwaya vuwadru, ''mutu kua sara ni kwaya vua e kia ocei o au''.
31
E tekivu me vavulicidru, ni na Luve ni Tamata ena dodonu me sotavia e levu na kwa, e na tasi la i ciqomi mai vuadru na qase, qai nidru na bete, qai nidru na vunivola, e na vamatei, ia ni devu e tolu na siga ena tucake tale.
32
E kwaya vadodonu o kia. Ia o Pita qai meya vajikijiki qai vunauci jia.
33
Qai vuki o Jisu tola vidru la jisaiveli a qai vunaucia o Pita qai kwaya, ''Ladai qu lobo, setani! o iko o tasi vakasamatakinia na kwa ni Kalou na kwa ga ni ecola.
34
A qai covidru vata na ecola qai nidru na leya jisaiveli qai kwaya vuwadru, kodaki e kia e tekuciko au me kua ni tekucia e yalo, qulumia ga na leya kauvelatai qai tekuciko au.
35
Ia o kia e mamaroi jia na leya cola ena va laveletakinia kodaki e va lavele ni a me balejiko au qai nia na lequ lala ena maroroi na leya cola.
36
Ia e cava na kea yaga vua na ecola kodaki e rewajia o vuravura taucoko, qai valavele nia e yalo?
37
Na cava ena solia na ecola me ka i sau e yalo?
38
O kiya e maduataki ni ko yau qai ni a na lequ tata, i na taba ecola ikwe, na Luve ni Tamata e na maduataki ni a talega ni vo lesu mai e na lagilagi qai nidru na la agilosi yalosavasava."