¹ Aru qai soqoni vata vua o rau na Farisi, qenidru na vunivola eru la no mai i Jerusalemi. ² Ni ru tolavia na lea tisaiveli ru yavalu e ru kana ni duka no eru lima, ni ru tasi vuluvulu re, eru vacaucautakinia. ³ Ia o rau na Farisi, qeinidru taucoko na kwai jiutia, eru tasi kana ni ru tasi bau vuluvulu va oka, niru vabaujia na ledru vavuvuli na qase. ⁴ Niru lesu mai na volivoli, ru vuluvulu rewa, sibere nivai na kana, yavalu na vabaujia duidui ru tekucia, na sava bilo ni somu, na bilo ni vavavou, na bilo varasa qania nai nono. ⁵ E ru qai tarogia na Farisi qei nidru na vunivola, balejia na cava eru tasi tekucia noke na i vavuvuli ni ledru qase na tisaiveli, e ru tasi vuluvulu e na gauna ni kana? ⁶ qai kwaya o Jisu vuadru, e vou tukuniko rewa o Aisea na parofita, o mutou na dau ni vakaisini me kodaki e volai; O rau na e cola i kwe eru dau varokoroko taki niko au eru gusu ga. ia eru yalo, e yawa mai vuwako yau. ⁷ E tasi na ledru masu jiko au, niru vavuvulitakinia na vunau ni e colo me vavuvuli. ⁸ Ni mutu vo biujia dei na vanua ni Kalou, mutu vabaujia nai vavuvuli ni ecolo. ⁹ A qai kwaya vuadru o Jisu, E djina sara ni mutu biujia na vunau ni Kalou, ia mutu vabaujia na lemutu vavuvuli. ¹⁰ E vou kwaya o Mosese, varokoroko taki nidru na lemu momo, qania o nene; Ia o kia e tata vaburabura jidru lea momo se la nene, me na va mate dai. ¹¹ Io mutu kwa, ke kia ecola me kwa vua lea momo se nene, Koripani na kea balebale, eru vatabui me lea na Kalou na lequ kwa me yaga vuako. ¹² Mutu qai tarovia me kua ni vavea e kia na kwa me yaga vuwa o tamaya se lea nene. ¹³ Mutu qai vakwa wale takinia ke na i vunau ni Kalou e na vuku ni lemutu i vavuvuli mutu dau vavuvulitaki niya: e levu sara na kwa kodaki ikwe mutu dau vavea. ¹⁴ Ia ni vou covidru na lewe levu o Jisu, e kwa mutu varorogo taucoko mai vuwako yau me mutu kilajia. ¹⁵ E jikai kia na kwa ena taudaku ni ecola, ni na unuvia e vadukaduka takinia rewa, ia na kwa ga e unu yaji vua, iqoi ga na kwa e vadukaduka takinia na ecola. ¹⁶ Kodaki e kia na ecola e no e bebe me varogo oka sara. ¹⁷ Ia ni vo dainidru na lewe levu, e unu i were, aru va tarogia o rau na jiseveli ena vuku ni tata vatautauvata. ¹⁸ Qai kwaya vuadru o Jisu, oi o mutou muni, mutu tasi kilajia rewa na kwa kwe? mutu tasi kilajia na kwa taucoko i rara e unuvia na ecola, e tasi vadukaduka niya rewa. ¹⁹ Ni tasi unuvia djina e yaloga, e kete ga, ena qai la dei i nai darodaro ni sau, a vou vai ke me savasava na cawa taucoko. ²⁰ E qai kwa o Jisu, na kw e unu yaji e yaloga ni ecolo iqoi na vadukadukania na ecolo. ²¹ Ni vou unu ina yalo ni ecolo na numiya bura, na dau yalewa,na daudara,na dau laba. ²² Na dau butako, na daukocokoco, na tovo bura, na dauveivakaisini, na dau garogaro, na mata bara,na tata ni vaburabura, na viavialevu, na lialia: ²³ Na kwa bura taucoko ikwe e unu yaji du yaloga, e na qai vadukaduka nia na cola ni tamata. ²⁴ E qai deidei mai i kei gi me la i na vanuwa va Taiya kei Saitoni e a unu i na keya na were e tasi okajiya me kiya e kilajia, ia e tasi cilo rewa. ²⁵ E kia na lewa, e kiya o luveya lewa, e qai unuviya e kiya na yalo cala, a vou varogo na kai tukutuku qai la mai voi Jisu, mai cuva e la. ²⁶ Na lewa mai na kanikia na matanitu, na lewa ni Sairo Fimisia e masujia me rovia dei na nitu mai vuwa o luveya. ²⁷ Qai kwaya o Jisu ''Meru bori re nai luve, ni tasi dodonu me kau na kedru nai luve, me soli vuwadru na tui. ²⁸ E qai kwa na lewa ''Io e djina turaga, ia o rau na tui i ruku ni teveli eru kania na vovo ni kedru nai luve. ²⁹ E qai kwaya vua o Jisu,'' E na vuku ga ni kwaya, mo la ga vou ladei mai vuwa o luvemu lewa na yalocala. ³⁰ Ni vou yaco i leya were, e daniya ni vou ladei na nitu, a vou daro no i nai mocemoce o luveya. ³¹ Qai lesu dei mai i na vanua o Taia, qai nia o Saitoni, me la i na vanua va Tikapoli i na wai mai kalili. ³² Aru qai me ia mai vuwa e kia na duduvara qai kaka, a ru kereviya me tabakiya e lima. ³³ A me ia dai vajikijiki mai vuadru na lewe levu, e qai dodokia yaji e jiji ni lima ve bebe ruarua na ecola igi, qai katasivi e lima qai dereia e ma. ³⁴ Qai tola cake i loma lagi, vutugu, e kwa vua, '' Efaca'' , na kea i balebale, mo rogo rewa. ³⁵ E qai rogo rewa e bebe ruarua, e qai serekia muni e wa ni yame rewa ni tata va oka tale. ³⁶ A qai varojidru o Jisu, me ru kuwa ni kwa vua e kia tale na ecolo; Ia ni varojidru valevu vuadru, eru qai dau kwa ga valevu. ³⁷ E ru kurabui valevu sara aru kwa e vavea va oka na kwa taucoko; e vavedru na duduvara meru rogo rewa, qai nidru muni na galu meru tata rewa.