1
A vo qai lesu tale i rara, a ru qai tekucia mai na lea jisaiveli.
2
Io ni vo yaco mai na siga ni vacegu, a qai vavulicidru i were ni lotu, levu na tamata a ru varogo io a ru mataku, e ru qai kwaya se i vei na vanua a ru kau mai ke na i vavuvuli igi.
3
Tasi mai ikwe na matai, o luveya o Meri vata e gwanea o Juti, Josese, vata qai nia o Saimoni, e ru tasi no ikei o gwanedru e vo beitaki mai vo Jisu.
4
A qai kwa o Jisu vuadru, na parovita e ru na varokorokotaki i na vi vanua, ia i na ledru vanua ga ena jikai, se vuwadru o wekadru se i na ledru were.
5
E tasi vavea mai keigi e kia na cakacakamana, e tabakidru ga na tauvimate e lima e ru vacolai mai ve na ledru tauvimate.
6
E kurabui o kia, na ledru tasi vabaujia, ia vo la ga i na yavalu na rara yalai me lai vavulici ke.
7
A qai covidru mai na lewe jinarua, qai tekivu me vatalajidru ya rua.A qai solia vuadru na kaikai meru rewa jidru ke na nitu.
8
A qai kwa vuadru me ru kua ni kau e kia na i yaya i calevu, ia na ledru i toko ga.
9
Io meru uku na i vava vabeleji, ia meru kua ga ni uku nai sulu e vataga.
10
A qai kwaya vuadru na gauna mutu unu ke i na kia na were, mutu nokoto ga vakia yacovia na gauna mutu unu tale mai ke i rara.
11
Kodaki e tasi kia e ciqomiko mutou, mutu kuretakinia dei na kavu ni qwele mai mutu la me i varaitaki vuadru. ''A qu kwa oji vuako mutou ena si bura valailai o Sotoma qai nia o Komora e na siga ni lewa, ena bura sara valevu na rara.
12
E ru la i rara a ru vunautakinia ve na tamata me ru veivutuni.
13
E levu na tamata, e ru lai rovi dai mai ve na nitu, a ru walidru ena waiwai a ru vo vacolai tale ga mai na ledru tauvimate.
14
A varogo o Eroti na tui ni vo sekia na i rorogo ni yaca [Jisu], a kwa bara vo tucake tale mai na mate o Joni na daunivivavitaisotaki, ikwe na vu ni keya yaco no na cakacakamana.
15
Yavalu na tamata a ru kwa, o kia o Ilaijia, io , yavalu e ru kwa, o kia e kia vuadru na parovita.
16
Io ni varogo o Eroti, a qai kwa, o Joni ga ikwe o kia ikwe a qu musukia e ulu, a vo qai tucake tale mai na mate.
17
Ni vo simata o Eroti me vesukia o Joni i were ni vivesu balejia ni vo lai lea tale o Erotiasa na la yalewa o Filipi leya tacini.
18
E kwa o Joni vo Eroti, ''e tasi dodonu me muru viwajini vata qai nia na la yalewa lemu tacini.
19
A vo burajia o Erotiasa a vo oka jia me vamatenia, ia, a qai tasi rewa,
20
Ni vo matakucia o Joni o Eroti ni vo kilajia ni ja tamata yalododonu qai yalo savasava, a qai mamaroijia. Ia ni vo varogo vua ni levu na kwa e vo vavea, a vo oka jia ke me varoroga vua.
21
Ia ni vo yaco mai e kia na siga me vo yaga vua, ia na la siga ni sucu o Eroti, a qai vavea o kia na magiji me kedru na Turaga ni vanua, Turaga ni valu qai nidru na qase ni Kaleli.
22
Ia ni vo unu na lewa lailai lai luve o Erotiasa qai wesi, a vo marautakinia o Eroti vata qai nidru na kana vata no, a qai kwa na Tui vua na lewa lailai,''Mo kerevia vuako au e kia na kwa o oka jia, a qu na solia vuako.''
23
E tata ni yalayala vua ''Na kwa o na kerevia vuako au, A qu na solia kodaki e wase rua na lequ matanitu.''
24
E la i rara na lewa lailai e qai tarogia na lea nene, na cava mequ na kerevia vua?'' a qai kwa mai vua la nene,'' E ulu o Joni na Daunivivavitaisotaki.''
25
A vo vawatoto tale vua na Tui me kwa vua ''A qu oka jia mo solia mai e ulu o Joni na daunivivavitaisotaki ena kia na dare.''
26
A vo rarawa sara valevu na Tui, ia ena vuku ni lea tata ni yalayala a vo vavea oji vata qai ni dru na tadra vata tu, a vo tasi mani saratakinia vua.
27
Ia na Tui e qai vatalajia na lea sojia i vatawa, a qai kwaya me la me musukia mai e ulu e na were ni vivesu.
28
A qai kaumai e ulu e na kia na dari, e solia vua na yalewa lailai, o kia a qai solia vua la nene.
29
Na gauna e ru varogo ke na leya jisaiveli, e ru qai lamai kau e yago me ru lai bulujia.
30
Na apositolo a ru lesu tale i vo Jisu, a ru qai kwa vua na kwa eru vavea vata qai nia na kwa e ru vo vulicia.
31
A qai kwaya vuadru o Jisu, ''Mutu ladei mai na vanua dravuisiga, mutu dania e kia na vanua lala me mutu vacegu ke valailai,'' Ni vo levu no na layaji vata o rau na lamai, a vo tasi levu na gauna eru gwalala ke me ru kana.
32
Eru vo vodo i na waqa e ru vajikijiki dei ve kia na vanua lala.
33
Io, o rau na e cola wara e ru vo tolavia ni ru vo layaji e levu eru qai kilajidru, e ru wavu i vanua a ru sivi jidru.
34
A qai lamai o Jisu, qai tolavidru e ru vo lesu sara, a qai lomanidru ni ru kodaki na sivi e jikai na kedru ivatawa, a vo tekivu me vavulicidru ve levu nea kwa.
35
Ni vo lutu no na yavi, a ru la mai la jisaiveli a ru kwaya vua;''Ikwe na vanua lala ia a vo bere na kwa taucoko.
36
Mo kwa vuadru me ru volia na kedru madrai ni vo jikai na kwa me ru kania.
37
A saumia mai a qai kwa;''Mutu solia vuadru e yavalu na cawa me ru kania''a ru qai kwa vua e ru rewa ni la i volia na madrai e na kia na pene e ruanadrau qai solia vuadru me ru kania.
38
A qai kwa vuadru,''E vica na i buli madrai e vo no tu vuakomotou ,mutu la i tolavia ,na gauna a ru tolavia ke a ru qai kwa,''E lima na i buli madrai vata qai nia e rua na ika.
39
A qai kwa o kia me ru tadra bale i na kia na i soqosoqo ve na mau drokadroka.
40
E ru tadra bale va yadrau se va yalimasagavulu.
41
A qai qulumia na lima na i buli na madrai vata e rua na ika qai tolacake i lomalagi,vacaboria qai solia vuadru na leya jisaiveli me ru vayaconia ve ru mata.A qai wasekia vuadru taucoko.
42
A ru kana taucoko yacovia na ledru bori.
43
A ru tonia cake na jikijiki ni madraivata na ika qai nia na vovo ni ika na jisaiveli, eru tawania rewa e jinarua na kato.
44
E raujia ni lima na udolu na tamata e ru kania na madrai.
45
Vasauri, qai vavodonidru na leya jisaiveli i na waqa me ru la simata vua i Pecisieta me rewa ni valesu nidru tale ke na e cola e ru si vo tu.
46
Na gauna e ru vo la ke, e qai lqacake i vatelaga me masu.
47
Ni vo bogi mai, vo nokoto na waqa i na wasawasa, a vo no takia no ga i vanua.
48
A vo qai tolavidru ni ru vo wale na voce ni vo cagi bura ni vo va na bogia qai taubale mai yataga ni ruwai me sivijidru.
49
Ia, na gauna eru vo tolavia ke ni vo taubale mai yataga ni ruwai aru qai numia ga ni kia na yalo aru qai mataku.
50
Na gauna eru tolavia ke eru mataku a qai tata mai vuadru o kia qai kwa ''Mutu vacegu no o au ga ikwe, mutu kua ni mataku.
51
A qai unu o kia i yaloga ni waqa, a vo qai malumu na cagi,a karacidru valevu qai kurabui.
52
E ru tasi vakasamatakinia no na buli madrai ni vo kekai e ru yaloga.
53
Na gauna e ru vo takoso mai ke e ru vo yaco sara mai i na ledru vanua na kwai Kenisareti e ru vo tala i matacawa.
54
Na gauna e ru vo vila ke i matacawa, na tamata e ru matavakilakilajia sara
55
E ru vo wavu i vikaikai e na vanua taucoko,
e vo tekivu me ru meidru mai na tauvimate i na ledru i mocemoce i na vanua e ru varogo ni no ke.
56
Na gauna e unu yaji ke i rara, me la ve na vi rara yalai se na vi rara yalevu, ru vadaro nidru na tauvimate i na vanua ni vivoli.E ru kerevia vua me ru na dereia na lea tutu ni sulu me ru rewa ni vacolai ke,e ru levu e ru dereia na lea tutu ni sulu a ru qai mai vacolai.