1
A qai vunau tale i baji ni baravi, e levu aru qai lamai vua qai vodo i waqa o Jisu;O rau na e cola wara eru tadra tu ga mai matacawa.
2
Qai vavulicidrui i na levu na kwa ena tata vatautauvata qai kwaya.
3
Mutu varogo, na dau teitei e la me lai teia na lea wiri ni i tei.
4
Na gauna avo kabukaburaki ke, e valu e lutu i calevu, aru la mai na manumanu vuka aru cavujia.
5
E Yavalu e lutu i na qwele e no vata tu na vatu, e tasi levu ke na qwele, e tubu cake ga mai e qai mate tale.
6
Ni cabe mai na siga,qai malai, ni jikai e waka,qai mate tale.
7
E valu na vanua e levu ke na kai sorisori, a tubu cake na kai soroisori,qai tasi levu ke e vua.
8
E valu e lutu i na qwele oka e levu e vua e solia mai e yavalu e tolu sagavulu, e yavalu e ono sagavulu e yavalu e kia na drau sara.
9
Qai kwaya tale o kia e no e bebe, me varogo oka.
10
Na gauna eru no takia ke o Jisu, o rau na volekajia qa nidru na lea tisaiveli eru tarogia vua e kia na tata vatautauvata.
11
Qai kwaya vuadru o mutou,E soli vuako mutou me mutu kilajia na matanitu valomalagi. O rau e soli vuadru na tata vatautauvata.
12
Na gauna eru na tolavia ke, io eru na tasi dania na gauna eru na va rogo ke , eru na tasi vakilajia, ia na gauna eru na visau ke na Kalou ena vosojidru.
13
Qai kwaya vuadru mutu tasi kilajia na tata vatautauvata i ikwe. mutu na qai kilajia vacava na tata vatautauvata e wara.
14
Na e cola e dau tei ia na lai tei, igi na cola e dau teia na tata ni Kalou.
15
Ikwe o rau na lutu i baji ni calevu, igi na vanua e kaburaki ke na tata ni Kalou, qai la mai na nitu e kau dei na tata vo teivaki vuadru.
16
Ikwe na tata ni Kalou e lutu i na vanua vivatu,niru varogo eru marau takinia.
17
E tasi va waka iru yalo; Ia e valekaleka boto,a vo la vele tale. Na gauna ni vi temaki se vivatovolei; E na vuku ni tata eru na tarabe.
18
E valu e kaburaki i na wa sovisovi, eru varogo na tata.
19
Na lomaocaoca ni vuravura I kwe, qai nia nai yau dauvivacalai, qai nia na vi kwa tale e wara, e tubu cake e va turukujia na tata, e va vunia me tasi vua va levu.
20
O rau aru tei ina qwele oka, o rau eru varogo na tata ru ciqomia, aru vua e tolusaga vulu e tolu saga vulu e drau sara.
21
E kwaya o Jisu '' E bara dodonu mo kau mai na sina me biu i na ruku ni kato, se e ruku nai mocemoce? Ni o kau mai mo biujia ga i na kea i tutu.
22
E na tasi kia na kwa e cilo mena tasi lai tolavi mai qai nia na kwa e tasi kilai ena kilai mai.
23
O kia e no e bebe me varogo; Me varorogo sara.
24
E kwaya vuadru ''Dau qaraunia na kwa o varogo nai varau mutu varautakinia ena varautaki talega vuako mutou, ena qai soli talega valevu vuwako mutou.
25
Ia o kia e no vua na kwa e na soli valevu vua, ia ena kau dei talega mai vua, o keya e jikai vuwa.
26
Na matanitu ni Kalou e kodaki e kia na tamata e kaburaki nia i tei i na qwele.
27
E moce vei bogi, mata mai i veiqwata a vo tubu tu na lea sore. Ia e tasi kilajia re se tubu vacava.
28
Na qwele e vua vainia ga, matai na buroro taravia na sola,qai bere e vua e makuga ena sola.
29
Na gauna e vou makuga ke nai tei, e va unu nia mai na sele takelo balejia ni vo makawa.
30
Kwaya na turaga'' E na qai vatautauvataki vacava na matanitu ni kalou se na kwa vaibalebale cava e rewa nidu vatautauvatataki nia ke.
31
E na kodaki na wiri ni mosita na gauna e tei ke e kwa lailai sara.
32
Qai kwadre qai tubu cake me kodaki e kia na vua ni kau levu a ru qai lamai na manumanu vuka a ru mai vai were ke.
33
E levu na tata vatautauvata e kwaya vuadru meru rewa ni kilajia kai balebale.
34
E tasi tata wale no boto vuadru e tata noga na tata vatautauvata e qai vatakia ga na kai balebale vuadru na leya jisaiveli ni ru vou no vainidru.
35
Na siga e taravia na keya yavi e, qai kwaya vuadru ''medu la i jiliva ni wai i gi''
36
A ru vou danidru tu va ecolo wara a ru qei meya i na kia na waqa lailai i jiliva, ni wai e kia, e levu na waqa yalai a ru lavata qa nedru.
37
E a qai tubu mai e kia na cagi levu qaibvodo na wai i yaloga ni waqa voleka ni dromu ke.
38
Ia o Jisu a moce no i dreke, a ru va yadrajia a ru qai kwaya vua vavuvuli o na wele no ga, ni du vou voleka ni mate.''
39
Qai tucake vunaujia na cagi, qai kwa ''mo tu vakia'' a vou cega na cagi, a vou maravu na wasawasa.
40
Qai kwa vuadru'' Na cava mutu mataku cia ? e vou jikai na lemutu vabaujia?
41
Vou levu na ledru mataku, a ru vo vitataki vai nidru'' o cei ikwe me varorogo nia na cagi qai nia na wasawasa''