1
E qai unu tale o Jisu i were ni lotu, e nokoto ke e kia na e cola e lima mate.
2
E levu e cola eru va tolavia no va voleka meru dania se ena vacolania na e cola igi ena siga ni vacegu;me rewa niru beitaki nia ke.
3
Qai kwa o Jisu vua na e cola lima mate,''Tucake mai'' tucake e na kedru vimama na tucake tu.
4
E qai taro gidru,''E dodonu me vai na kwa oka se na kwa bura ena siga ni vacegu, me vai na vi vacolai se na vi va matei?''Aru galu tu ga.
5
E tolavidru i na mata ocaoca,qai nia na rarawa ni yalo, ena vuku ni kea kaikai eru yalo,e qai kwa vua na e cola lima mate,''Dodokia mai mu lima!''e qai vacolania e lima me kodaki e lima ea cola oka tu!
6
Aru qai lamai na Farisi,qai nidru na lai lala o Eroti,meru boseia se calevu cava meru va matenia rewa ke.
7
Oji o Jisu, qai nidru na lea jisaiveli, aru qai la matacawa. Ia eru levu e cola aru tekucidru,o rau mai kaleli, qai nidru mai jitia.
8
Mai Jerusalemi talega, mai Etunia, qai nidru mai na Joritani, o rau mai vanua va Taia, qai nia na saitoni eru levu sara, niru vo varogo na levu ni cakacaka oka e vo vavea.
9
E qai kwa vudru la jisaiveli, meru varau takinia e kia na waqa lailai me vodo ke, balejia na levu ni e cola meru kua ni kabijia.
10
E levu eru vo vacolai oji mai vua, Eru mata kabijia meru dereia boto; va bibi o rau na tauvimate.
11
O rau na unuvi yalo cala, Eru tolavia ga eru cuva e mata, Eru kulakula aru qai kwaya, ''O iko na luveni Kalou!''
12
A qai varojidru va kaikai meru kua ni varaitakinia.
13
E qai cabe i na ulunivanua o Jisu, Qai covidru orau e jigitaki nidru, Meru la mai vua.
14
Eru jina rua taucoko na jigitaki, qai lesidru meru no vata, meru vadewatakinia talega na kai tukutuku.
15
Me no talega vuadru na kaikai, meru rovidru ke na nitu.
16
A vo va yacania ke o Saimone
17
O Jemesa o tamaya o Sepete, O Joni la tacini o Jemesa e qai va yaca nidru me o Poanaji kai balebale na luve ni kurukuru;
18
O Adriu, o Filipai, o Pacolomiu, o Maciu, o Tomasi, o Jemesa, o luvedru o Alifio qai nia o Cateo, o Saimoni na gugumatua.
19
O Jiutasa Isikaroti o kea ea qai solia vuadru na kea meca.
20
Ni vo lesu i were, e levu eru lesu tale ma,aru tasi vo kania rewa na kedru.
21
Ia niru varogo o wekaya, Aru qai la mai meru mai dania eru numia ni vo lialia.
22
Ia o rau na vuni vola eru la bale mai Jerusalemi eru kwaya,''Ni nokoto vua o Pielisipupi'' Na ledru turaga na nitu, O keya e varovia no na nitu.''
23
E qai covidru mai o kea, qai tata midru ena tata va tautauvata,'' E rewa vacva vua na nitu, Me rovia na nitu?
24
Ia kodaki e kia na matanitu eru viburaji vai nidru,Na matanitu igi ena tasi tudei rewa.
25
Io, kodaki e kia na vuwere era viburaji vai nidru, ena tasi tudei rewa na vu were igi.
26
Io ke kodaki eru vo vivala vainidru se visei vai nidru eru na tasi tudeirewa ena devu ga.
27
E na tasi kia na tamata e unuvia rewa la were na qwaqwa me kau dei mai lai yaya, vavo me vesukia rewa na qwaqwa e na qai kau dei mai na lai yau.
28
Aqu vo kwaya oji vuakomutou,e rewa ni bokoci dei na ledru i valavala ca na luve ni tamata, qai nia na ledru tata bura taucoko eru tata va burabura takinia ke na Kalou.
29
Ia o kea e tata va buraburataki nia na Yalo Tabu ena jikai vakia ni na bokoci na lai valavala ca; Ia ena no tu ga vua na lea cala me tawa mudu.
30
Eru kwa ni kia na yalo cola e no vua.
31
Aru qai lamai, la nene, lea tacini, aru mai no tu ga i rara, aru qai kwa me la mai vuadru.
32
Eru levu eru no vata qania, aru kwa vua ,''Dania lemu nene qainidru o tacimu eru nokoto i rara, eru vadaniko mai.
33
A qai kwa vuadru, ''O cei na lequ nene,o cei na lequ tacini?''
34
Avo vadanidru o rau eru no wavokijia tu a kwa''Dania na lequ nene, na lequ tacini.
35
O kia ga e tekicia na lewa ni Kalou, i kwe o taciqu, se o gwanequ, se na lequ nene.