¹ Na gauna a nokoto mai ke ena vica na siga mai Kapenaumi, qai rogovaki, o kia e nokoto i were. ² Levu e ru soqoni vata, ia na mata ni were e lailai, o Jisu qai tata vaudru. ³ E valu na tamata a ru lamai vua, a ru meiya nomai e kia na tamata paralase, eru va na tamata e ru lavejia no mai. ⁴ A vu tasi toso rewa vua balejia na oso ni were, a ru qai cavujia na kava ni were me donia o Jisu, qai vatukutuku bale mai na paralase me donia na Turaga. ⁵ Qai tolavia ke na ledru vabaujia qai kwaya o Jisu vua na paralase, ''luvequ lemu valavala ca e vo bokoci''. ⁶ E valu na vunivola a ru tolavia tu a ru tarogia ni ru loma tarotaro. ⁷ '' E rewajia va ca na kaikai igi? o kea e vivaburaburataki! o cei e rewa ni bokocia nai valavala ca na Kalou ga?'' ⁸ Ia o Jisu e vo kilajia rewa na ledru vakasama. qai kwaya vuadru,'' Na cava o vakasamataki nia ke? ⁹ I vei e rewarewa me lai kwai vua na paralase, 'E vo vosoji na lemu i valaval bura' se 'mo 'Tucake qulu lemu i darodaro, o la'? ¹⁰ Io mo kilajia na luve ni Kalou e no vua na kaikai me bokocia na lemu i varau bura e vuravura, e kwa vua na paralase, ¹¹ ''Qai kwaya vua tucake, qulumia na lemu i darodaro la lemu were''. ¹² E tucake qulumia cake la i darodaro, unu i rara ru mata na e cola wara.me ru kurabuitakinia, me ru varokorokotakinia ke na Kalou, a ru kwaya, ''Madu tasi bau dania e kia na kwa kodaki ikwe.'' ¹³ Qai lesu tale i na tobu ni wai, ia o rau na e cola, eru la tale mai vua, me vavulicidru. ¹⁴ Na gauna e vo la ke,qai dania o Livai o luvea o Alifio na tadra no i na vanua ni soqoni vacavacava, qai kwaya vua ''Tekuciko au mai.'' E tucake qai tekucia. ¹⁵ Jisu e kana i na ledru were na Livai qai nidru na soqoni jia na i vacavacava qai nidru na tamata i valavala ca. ¹⁶ O rau na vunivola qei nidru na Farisi, ni ru va dania ni kana vata qeru o Jisu, a ru qai kwaya vuadru la jisaiveli, '' Na cava e kana qai ni dru ke na dau kumuni vacavaca qai ni dru na e cola bura?'' ¹⁷ Ni vo varogo o Jisu qai kwaya vuadru, ''E tasi yaga na vuniwai vuadru e ru cola oka; o rau ga na tauvimate. Qu jikai ni lamai vuadru na cola oka tu, o rau ga na i valavala ca me ru cola.'' ¹⁸ O Joni qai nidru la jisaiveli e ru lolo e valu e ru la mai kwaya vua, ''Na cava e ru lolo ke o Joni qai nidru la jisaveli qai nidu na Farisi, ia na lemu i jisaveli e jikai?'' ¹⁹ O Jisu qai kwaya vuadru, ''E ru na rewa ni lolo o rau na weka ni teigwane? me kodaki ga ni ru si nokoto no na weka ni yalewa, ru na tasi lolo. ²⁰ E na yaco mai na gauna e na qai kau dai, ke na teigwane va yalewa e na siga igi, ru na qai lolo. ²¹ E na tasi rewa ni cula vata na i sulu vou qei nia na i sulu makawa, ena qei vavunia me tabasu rewarewa. ²² E tasi dodonu me tawa na waini voui na tavaya makawa. e na va kwacabote nia na tavaya makawa, me qai tasova na waiwai qai kwara na tavaya me qai maumau. E dodonu, ga me tawa na waini vou i na tavaya vou.'' ²³ Io e na siga ni vacecegu o Jisu e wavoki tu i na vi sila, o rau na leya jisaiveli meru tomitomi no na i vovo ni sila. ²⁴ O rau na Farisi ru qai kwaya vua na turaga o Jisu, ''Tolovia, tasi dodonu na kwa e ru vavea balejia ikwe na siga ni vacecegu?'' ²⁵ Qai kwaya vuadru, ''Mutu tasi wilikia na kwa e vavea o Tevita ni vo leqwa qai matakana, o keya qai nidru na no vata tu. ²⁶ E a qai la i were ni lotu e na gauna e bete no ke o Epaica, e qai kania na madrai dauraici, igi e tabu e tara ga vua na bete , e qai solia e valu vuwadru na lai lawalwa?'' ²⁷ Qai kwaya o Jisu, ''Na siga ni Vacecegu e vai e na vuku ni tamata, e jikai kia na tamata e na vuku ni siga ni vacecegu. ²⁸ O keya igi na Luve ni Tamata e Turaga, e na siga ni vacecegu.''