¹ Ina kajini ni yabaki e tui ke o Tiperiu Sisa, a kovana ke mai Jiutia o Ponitio Pailato, a turaga mai Kalili o Eroti, a turaga mai Ituria qeiniya na vanuwa o Tirakoniti o Filipi na leya tacini, a turaga mai Apilini o Lisani; ² a bete levu o Anasa qeiniya o Kaiafa, aqai lamai na tata ni Kalou vuwa o Joni o luveya o Sakaraia i yaloga ni vikaikai. ³ A la o keya i na vi vanuwa taucoko ga e voleka i na Joritani, a vunau takiniya na ledru vavitaiso e vi vutuni me boko ke na i valavala ca; ⁴ E kodaki e volai i na i vola ni kwa e kwa o Aisea na parofita, e kwa, e domo e kiya e coco i yaloga ni vikaikai, mutu cara jiya la calevu o Jiova vaveya me dodonu na leya calevu; ⁵ E na vayawa i yata na buca taucoko ga, na talaraki na viyataga qeiniya na vanuwa yawa i yata taucoko ga; eva dodonutaki na vanuwa e takelo, ena vaokataki na vanuwa e sukusukura, ⁶ e daniya muni na vunicola mai vuwa na Kalou na tamata taucoko ga. ⁷ A qai kwa o keya vuwadru na lewe levu eru vo lamai me papitaisotaki o keya, o mutou na kwa ni gwata, O cei e vasalataki niko mutou me mutu tuba mai na oca e sibere mai? ⁸ O keya me mutu vuwataki niya na vuwa e kilikili qeiniya na vivutuni, mutu kuwa ni kwa mutu yaloga, lemadu momo o Aparama; qu vo kwa vuwako mutou, e rewarewa vuwa na Kalou me vatubuniya na vi vatu ikwe me nidru o luveya o Aparama. ⁹ Na kiya eno kuwa i na vunikai, e musu dai na kai taucoko ga e tasi vuwatakiniya na vuwa e oka, o vo dai na quto me mudre. ¹⁰ Aru vo tarogiya o rau na lewe levu, aru kwa, Na cava me madu vaveya? ¹¹ A tata o keya, a kwa vuwadru, e kiya e ruwa na leya i curucuru, me soliya vuwa o keya e jikai na leya; me vaveya kodaki muni ke o keya e no vuwa na cawa. ¹² u lamuni mai o rau na dau soqonijiya na i va cavacava meru vavitaiso, a ru ta rogiya, vavuvuli, na cava me madu vaveya? ¹³ A kwa vuwadru o keya, mutu kuwa ni qulumiya me levu na kwa a vo lesi vuwako mutou. ¹⁴ O rau muni na sojiya, aru vo mai tarogiya, a kwa, na cava me madu vaveya? A kwa vuwadru o keya, mutu kuwa ni vaburaniya e kiya, se me mutu bilitakiniya, mutu yalo oka i na kemutu i voli. ¹⁵ Aru vo wawa na tamata, avo numiya o Joni ve ru yalo o rau taucoko na tamata, se na Karisito o keya, se jikai. ¹⁶ A tata o Joni, a kwa, vuwadru taucoko ga, e djina qu vavitaisotaki niko mutou i na wai; avo lamai o keya e levu sara vuwako au, na leya i vava e tasi yaga mequ serekiya; e na vavitaisotaki niko mutou o keya i na Yalo Tabu qei niya na buka waqa. ¹⁷ Evo qulu e lima na leya i sivi ni sila, e va savasavataki niya sara o keya la sila i leya rara, a koroniya vata na leya sila i na leya lololo; e visakiniya e sau i na quto mudre e tasi boko rewa. ¹⁸ E levu tale na kwa e vunau takiniya o keya vuwadru na tamata i na leya i vunau. ¹⁹ O Eroti na turaga, avo vunaicijiya o keya balejiya o Eroti o Erotiasa na leya o Filipi na leya tacini, qeiniya kwa bura taucoko ga e vaveya o Eroti, ²⁰ avo qai vai kuriniya me levu sara avo sogojiya o Joni i were ni vi vesu. ²¹ Aru vo vavitaisotaki no na tamata taucoko, a vavitaiso muni o Jisu, nivo masu no, qai wase ruwa na lomalagi, ²² avo lamai vuwa na Yalo Tabu, e kodaki na ruve; avo rogo e kiya na domo mai lomalagi, e kwa, o iko na lequ i luve ni toko , aqu dau okajiko valevu. ²³ Avo tolu sagavulu na leya yabaki o Jisu, o keya a la lai kwai ni niya o luveya o Josefa, ²⁴ avo tekivu me vavuvuli no e keya o luveya o Ili, ²⁵ O keya o luveya o Mataceia, o keya o luveya o Emosi, o keya o luveya o Neumi, o keya o luveya o Esili, o keya o luveya o Nake, o keya luveya o Maaci, o keya e luveya o Mataceia, o keya e luveya o Semei, o keya e luveya o Josefa, o keya e luveya o Juta. ²⁷ O keya e luveya o Joana, o keya e luveya o Risa, o keya e luveya o Serupepeli, o keya e luveya o Salacieli, o keya e luveya o Niri, ²⁸ o keya e luveya o Meliki, o keya e luveya o Ati, o keya e luveya o Kosami, o keya e luveya o Elimotami, o keya e luveya o Eri, ²⁹ o keya e luveya o Jose, o keya e luveya o Eliesa, o keya e luveya o Jorima, o keya e luveya o Macati, o keya e luveya o Livai. ³⁰ O keya e luveya o Saimoni, o keya e luveya o Jutasa, o keya e luveya o Josefa, o keya e luveya o Jonani, o keya e luveya o Elaiakimi, ³¹ o keya e luveya o Melea, o keya e luveya o Menani, o keya e luveya o Mataca, o keya e luveya o Necani, o keya e luveya o Tevita, o ³² keya e luveya o Jese, o keya e luveya o Opeti, o keya e luveya o Poasi, o keya e luveya o Salimoni, o keya e luveya o Nasoni. ³³ O keya e luveya o Aminatapi, o keya e luveya o Erami, o keya e luveya o Esiromi, o keya e luveya o Feresi, o keya e luveya o Juta, ³⁴ o keya e luveya o Jekope, o keya e luveya o Aisake, o keya e luveya o Eparama, o keya e luveya o Tera, o keya e luveya o Neori, ³⁵ o keya e luveya o Seruke, o keya e luveya o Rekau, o keya e luveya o Peleki, o keya e luveya o Sela. ³⁶ O keya e luveya o Keinana, o keya e luveya o Afakisati, o keya e luveya o Semi, o keya e luveya o Noa, o keya e luveya o Lemeki, ³⁷ o keya e luveya o Mecusela, o keya e luveya o Inoki, o keya e luveya o Jereti, o keya e luveya o Keinana, ³⁸ o keya e luveya o Inosi, o keya e luveya o Seci, o keya e luveya o Atama, o keya e luveya na Kalou.