¹ Avo voleka na kana madrai e tasi va leveni, e yaca na kana vata ni lako siviya. ² Aru vo numiyaki niya o rau na bete levu qenidru na vunivola eru na vamateniya va cava, niru vo matakucidru na tamata. ³ A qai unu o setani ve yaloga o Jiutasa e yaca tale ga o Isikarioji, e kiya vuwadru na jiniaruwa. ⁴ Avo la yaji, a vitataki qanedru na bete levu qenidru na turaga ni valu, e na soliya vacava o kiya vuwadru. ⁵ Ru vo marau, aru yalataki niya vuwa nai lavo. ⁶ Avo va daniya o kiya, a qai waciya e kiya na gauna e rewarewa me soliya ke vuwadru niru vo no kanikiya na lewe levu. ⁷ A cava na siga ni kana madrai e tasi va leveni, e dodonu me vamate ke na lami ni kana vata ni lako siviya. ⁸ Avo vatala jidru o Pita vata o Joni o kiya, a kwa, muru varautakiniya na cawa ni lako siviya, medu kaniya. ⁹ Aru kwa vuwadru o okajiya me marau varau ke? ¹⁰ A kwa vuwadru o kiya, daniya, ni muru vo unu i rara, mutu na sota vata e kiya na tamata e dagiya e kiya na taqi ni wai, muru tekuciya i na were e unu ke. ¹¹ Muru kwa vuwa na i taukei ni were, e kwa na i vavuvuli vuwako, i vei na jiki ni were, me madu vaveya ke na kana vata ni lako siviya qeinidru na lequ jisaiveli? ¹² E qai vatakeya vuwako muru e kiya na itaba levu i yaloga ni were i yata. E vo vai yaya tu, muru varau ke. ¹³ Aru vo la, aru daniya me kodaki e kwa vuwadru o kiya. Aru vo varau me vo vai na kana vata ni lako siviya. ¹⁴ Evo cava djina na keya yavi, avo no o kiya, qeinidru vata na leya apositolo eru jinikaruwa. ¹⁵ Avo kwa vuwadru o kiya, aqu okajiya valevu me vai re i mata qaneko mutou na kana vata ni lako siviya ikwe, mequ qai mate i bere. ¹⁶ Aqu vo kwa vuwako mutou, aqu na tasi somiya tale na vuwa ni vaini, maluwa me cava re na matanitu ni Kalou. ¹⁷ Avo qulumiya na bilo, a va okaoka, a kwa, qulumiya ikwe, votaiya vuwako mutou. ¹⁸ Ni qu vo kwa vuwako mutou, aqu na tasi somiya tale na vuwa ni vaini, maluwa me cava re na matanitu ni Kalou. ¹⁹ A qulu na madrai, ava okaoka, a doviya a soliya vuwadru, a kwa, ikwe qu yago e vo soli balejiko mutou, mutu vaveya ikwe me mutu va numiko au ke. ²⁰ A kodaki muni ke na bilo ikwe na viyalayalaji vou i na lequ dra e vo sovaraki balejiko mutou. ²¹ Io mo daniya e vo no qaneko au i na teveli e lima o kiya a soli ko yaji. ²² Avo la na luve ni tamata, e kodaki ni vo lesi e bura vuwa na tamata a soliya yaji! ²³ Aru qai vitarogi vainidru, se o cei e vaveya nai varau ikwe. ²⁴ Aru viba muni i mata, o cei vuwadru me cava me oka cake sara. ²⁵ A kwa vuwadru o kiya, eru lewaidru na vi matanitu o rau na kedru tui, o rau eru vavitaliya vuwadru, e lai kwai me dau vai oka ²⁶ Mutu kuwa ni kodaki ke o mutou, o kiya vuwako mutou e levu sara, me kodaki ga na i luve, o kiya e vo turaga, me kodaki o kiya e dau lai qwaravi. ²⁷ O cei vuwadru e oka cake, o keya e no me kana, se o kiya e no me kana re? ia o au, qu vo no qaneko mutou e kodaki e kiya e dauviqwaravi. ²⁸ O mutou ga, mutu dau no vata qeiniko au na lequ vosojiya na vivatovolei. ²⁹ Aqu vo soliya vuwako mutou e kiya na matanitu kodaki a soliya mai vuwako au o Tamaqu, ³⁰ mutu kana mutu somu ina lequ teveli ina lequ matanitu, no tale ga i na nono va turaga me lewaidru na mataqwali i Isireli e jinikaruwa. ³¹ I Saimoni, i Saimoni, daniya, a kereviko mutou o mutou o setani, me vadewa niko mutou me kodaki na wiji. ³² Aqu vo masulaki niko, me kuwa ni malumalumu na lemu vabaujiya; ni o saumaki tale, mo vadeitaki nidru o wekamu. ³³ A kwa vuwa o kiya o mutou na Turaga, aqu vo varau mequ la qaneko mutou ina were ni vivesu, i na mate talega. ³⁴ A kwa o kiya aqu vo kwa vuwako, Pita, sibere ni tagi nikuwa na to, avo cakitaki niya vatolu na lemu kilajiko au. ³⁵ A kwa o kiya vuwadru aqu vatalajiko mutou boto e jikai na lemutu taga i lavo, se na taga cawa, se na i vava, a mutu a dravudravuwa i na kiya na kwa? aru kwa e jikai. ³⁶ A qai kwa o kiya vuwadru, io nikuwa o kiya e no vuwa na i taga i lavo me kau me kodaki talega ke na taga cawa: o kiya e jikai vuwa na i sele, wau, volitakiniya na lemu i sulu mo voliya ke e kiya. ³⁷ Niqu vo kwa vuwako mutou, E dodonu me vai vuwako au na kwa e volai kodaki ikwe, e wili vata o kiya qeinidru na tamata bura; me yaco sara me devu na vikwa vequ lobo. ³⁸ Aru kwa, "Turaga daniya! e ruwa nai selei wau" ikwe. a kwa vuwadru o kiya, vo raujiya. ³⁹ Avo lai rara a layaji, e kodaki ni leya i varau, ina vi ulu ni vanuwa ni violive, aru tekuciya o rau na leya jisaiveli. ⁴⁰ Ni vo cava ina viyasa igi a kwa vuwadru, Mutu masu me kuwa ni rewajiko mutou na meca. ⁴¹ Avo toso dai o kiya mai vuwadru e kodaki na keya vayawa e kodaki e viritaki ke e kiya na vatu, a jikituru a masu, ⁴² a kwa, Tamaqu, kodaki okajiya kaudai vako au na bilo ikwe: me yaco ga lemu lewa. ⁴³ Avo lai dani mai vuwa e kiya na agilosi mai lomalagi, avo mai vakaikaitaki niya. ⁴⁴ Ni vo malumu sara, a masu vagumatuwa sara: na leya marosa e turu kodaki na dra e lutu i na qwele. ⁴⁵ vo tucake tale mai na masu, a cava vuwadru leya jisaiveli, e danidru vo moce e rarawa eru yaloga; a kwa vuadru, ⁴⁶ "Mutu vo moce balejiya na cava? tucake mutu masu, kerewa jiko mutou na vere." ⁴⁷ Ni vo tata no o keya, eru vo notu o rau na lewe levu, a vo simata taki nidru o kiya e voli takiniya o Jiutasa, e kiya vuwadru na jinikaruwa, a toso voleka vuwa o Jisu me kisiviya. ⁴⁸ A kwa vuwa o Jisu, I Jiutasa, o vo soliya yaji na luve ni tamata o vo kisiviya, oi? ⁴⁹ O rau eru no voleka, niru vo daniya na kwa e voleka ni yaco, a ru kwa vuwa, "Na Turaga, e oka madu yavi jidru i na selewau, se jikai?" ⁵⁰ E kiya vuwadru e vo yavi jiya na leya tamata na bete levu, a cebe jiya dai e bebe i matau. ⁵¹ A qai tata o Jisu, a kwa, kuwa re ni kodaki igi a qulumia e bebe, a vaconiya. ⁵² A qai kwa o Jisu vuwa na bete levu, qai nidru na turaga ni valu mai were ni lotu, qai nidru na qase, aru vo lamai vuwa, A mutu yatoviya e kiya e dau driva, ni mutu vo vai sele i wau qai va i wau? ⁵³ Ni qu dau no qaneko mutou i na vi were ni lotu i na visiga, mutu tasi dodo kiya vokoyau mutu lima: vu niya lemutu gauna ikwe, qai niya na kaikai ni gilogilo. ⁵⁴ u qai qulumia, aru tuberia, aru meiya la were na bete levu. A tekuciya vayawa o Pita. ⁵⁵ Ni ru vo vamudre niya na quto i rara i na mata ni were, a ru no vata no, a qai no vata qai nidru o Pita. ⁵⁶ E kiya na vada e tolaviya ni no voleka i na quto, a vadaniya vamaluwa, a kwa o kiya tale ikwe a no qaniya. ⁵⁷ A vo sese jiya o kia, a kwa, yalewa, aqu tasi kilajiya. ⁵⁸ A balavu valailai ga e kiya a daniya tale, a kwa, o iko muni e kiya vuwadru. A kwa o Pita, o iko, e tasi niko au. ⁵⁹ E vo devu e kiya na yauwa, e mai vajinajina makuga sara e kiya, a kwa no, e jina ga ni no qaneya ga o kiya ikwe, kwai Kalili. ⁶⁰ A kwa o Pita, o iko, aqu tasi kilajiya na kwa o kwa, ni tata o kiya, a vo sere sara na to. ⁶¹ A vuki na Turaga, a vatolaviya o Pita. A vo numia o Pita la ya tata na Turaga a kwa vuwa, e sibere ni tagi na to, o na caki taki niko au va tolu. ⁶² A vo la i rara o Pita a vo tagi valevu sara. ⁶³ O rau na tamata aru qulumiya o Jisu, a ru varivariva ciya, aru qoujiya. ⁶⁴ Ni ru vo taboiniya e mata, eru sabi ciya e mata, a ru tarogiya, a kwa, kwa mai, o cei e sabi ciko?'' ⁶⁵ E levu tale na kwa e ru kwa, niru vo tata burabura takiniya. ⁶⁶ Ni vo qwata mai na vanuwa, eru vo soqo vata o rau na ledru qase na tamata qai nidru na bete levu, qai nidru na vunivola, a ru vo meiya i na ledru were ni vilewai, ⁶⁷ a ru tarogiya, O iko na Karisito se jikai? kwa mai vuwako madou madu na tasi vajinajia: ⁶⁸ kodaki qu taro, mutu tasi kwa mai. ⁶⁹ Na gauna mai bere e na no na luve ni tamata i na lima i matau ni Kalou kaikai. ⁷⁰ A ru qai tarogiya taucoko, o iko na Luve ni Kalou se jikai? a kwa vuwadru o kiya, mutu vo kwa jina, o au ga. ⁷¹ A ru qai kwa, e yaga tale va cava me kiya me mai vajinajina? nidu vo varogo ga o datou mai e gusu jina.