1
A qai kwa vuwadru na jisaiveli o keya, e dredrei sara me yaco na vivacalai, e na bura sara vuwa, o keya e vaveya na kwa ikwe!
2
E oka vuwa kodaki e vesu ve domo e kiya na vatu qaqi levu, me dai o keya i wasawasa, e bura ni vaburaniya e kiya vuwadru na kwa yalai.
3
Mutu tolaviko mutou oka. Kodaki e cala vuwako o wekamu, vunaucijiya; kodaki evo vivutuni, kuwa ni ocajiya.
4
Kodaki e cala va vitu vuwako e kiya na siga, a saumaki va vitu vuwako, a kwa, a quvo vivutuni; kuwa ni ocajiya.
5
A kwa vuwa na Turaga o rau na i apositolo valevutakiniya na lemadu vabaujiya.
6
A kwa na Turaga, kodaki eno vuwako mutou na vabaujiya e kodaki na wiri ni mosita, mutu na kwa i na lolo ikwe, Mo cavu dai re, mo lai tei sara i wasawasa, e qai talairewarewa sara vuwako mutou.
7
O cei vuwako mutou, e kiya la tamata e buma jiya lai teitei se vakana manumanu, me kwa vuwa, evo la tale mai i nai teitei, mo lai no i ra mo kana?
8
E tasi na kwa vuwa, mo varautakiniya na kwa mequ vaiyavi ke, me vesukiya na lemu wa ni sulu, mo qwaraviko au, mequ kana re mequ somu?
9
E na va okaoka vuwa na tamata i kwe o keya i kwe, e vaveya na kwa e lai kwai vuwa?
10
Aqu numiya se jikai, Me kodaki o mutou, ni mutu vovaveya na kwa e lai kwai vuwako mutou, mutu kwa, madu tamata tawa yaga, madu vaveya ga na kwa e kilikili qaneko madou medu vaveya.
11
Avo la o keya kodaki i Jerusalemi e la no e yaloga i Samaria qeiniya i Kalili.
12
Avo unu e kiya na rara lailai, a sota qaneya e jini na tamata vukavuka, aru no vayawa.
13
aru coco, aru kwa, "I Jisu, na Turaga, lomaniko madou mai."
14
Nivo danidru o keya, a kwa vuwadru, Mutu la mutu vata keko mutou vuwa na bete iru vo la tu, aru vo vasavasavataki.
15
E kiya vuwadru, evo daniya na vivacolai, a lesu tale, a varokorokotaki niya na Kalou e domo levu.
16
A cuva bale ve la, a vamolimoli vuwa; a kwai Samaria o keya
17
A tata o Jisu a kwa, "Eru jikai ni jini aru mai vasavasavataki?
18
Ivai eru ciwa Evo jikai ni laidani tale e kiya me lesu tale mai me varokorokotaki niya na Kalou, e kiya takiya ga na vunilagi ikwe.
19
A kwa vuwa, "Tucake, mo la ga. Avo vacola niko na lemu vabaujiya."
20
Aru vo tarogi o rau na Farisi, ena cava nigica na matanitu ni Kalou, a kwa vuwadru o keya, "Na matanitu ni Kalou e tasi lamai me kodaki e vatakei mai.
21
E tasi lai kwai, daniya ikei' se daniya i keigi' nivo notu mutu yaloga na matanitu ni Kalou."
22
A kwa vuwadru na tisaiveli, e na la mai na siga, mutu na oka jiya ke me mutu tolaviya ke e kiya la siga na luve ni tamata, mutu na tasi tolaviya.
23
E qai lai kwai vuwako mutou, daniya i kei ! se daniya i kei gi! mutu kuwa ni la ke, se mutu tekucidru.
24
E kodaki na livaliva, ni vo mudre mai i na kiya na tavo ni lomalagi, qai mudre tale yaji e kiya e tavo i lomalagi e kodaki tale ga ke na luve ni tamata i na leya siga.
26
Kodaki ni vo yaco la siga o Noa, e kodaki tale ga ke la siga na luve ni tamata.
27
Eru na kana no, eru na somu, eru vi wajini,eru vi musumusu meru vi wajini,me yaco via na siga e vodo ke i waqa o Noa, e qai la mai na wai, a va mate nidru taucoko ga.
28
E tautauvata qaneya la gauna o Loti, eru kana no, eru somu no, eru vivoli, eru teitei, vai were;
29
Na siga a ladai Loti mai Sotoma, a qai la mai loma lagi na quto e mudre qei niya na solifure, a va mate nidru taucoko ga.
30
E kodaki muni ke na siga e rairai mai ke naluve ni tamata.
31
Na siga igi, o keya e no i yataga ni were, e no i yaloga ni were na leya i yau, kuwa ni labale mo lai kau mai, o keya muni e nokoto mai nai teitei, kuwa ni la tale mai.
32
Mutu numiya la yalewa o Loji.
33
O keya yakia e sagaiya me maroroijiya na leya cola, ena valaveleniya o keya yakiya e valaveleniya , ena maroroijiya.
34
A qu vo kwa vuwako mutou, ina bogi igi eru na ruwa i na kiya nai mocemoce. A ladai e kiya, e no dai e kiya.
35
E ruwa na yalewa eru vivuke na qaqi sila. e kau dai e kiya, e no dai e kiya. E ruwa na teigwane eru no i nai teitei, e ladai e kiya, e no e kiya.
37
Aru vo tata, aru kwa vuwa, i vei, Turaga? a kwa vuwadru o keya, e tavo taucoko e no ke na yago, eru na soqo vata ke na ikegi.