¹ A qai toro voleka mai vuwa o rau taucoko ga na soqonijiya na i vacavacava qainidru na tamata varau bura, meru varogojiya. ² Aru tata vagudrugudru o rau na Farisi qeinudru na vu ni vola, "a kwa o keya ikwe evi lasamaki qeinidru na tamata bura." ³ A kwa vuwadru o keya na tata vatautauvata ikwe, a kwa, ⁴ "O cei vuwako mutou na tamata, e kiya na drau na leya i sivi, kodaki eva lavele niya e kiya vuwadru, e tasi na dainiya tu na ciwasaga vulu ka ciwa i na mau, a la i vadaniya mai o keya e lavele, me daniya re? ⁵ Nivo daniya, a dagiya ve domo,a marau. ⁶ Avo cava i la were, a covidru vata o rau o wekaya qeinidru na lewe ni rara, a kwa vuwadru, du marau vata, nivo laidani na lequ sivi a lavele. ⁷ Aqu kwa vuwako mutou, e levu na marau mai lomalagi ina vuku ni tamata varau bura e kiya ga e qai vivutuni, e lailai ga eru vuku na tamata yalo dodonu eru ciwasaga vulu ka ciwa, evo tasi yaga vuwadru na vivutuni. ⁸ O cei na lewa e jini na leya jiki ni siliva, kodaki eva lavele niya e kiya e jiki, ena jikai ni mudre ciya la sina, se taviraki niya na were, e vadaniya vamakuga, me daniya re? ⁹ Nivo daniya, a covidru vata o rau o wekaya qeinidru na lewe ni rara, a kwa, du marau vata, niqu vo daniya e jiki qu valavele niya. ¹⁰ Aqu vo kwa devu vuwako mutou, e tubu valevu na marau eru mata na agilosi ni kalou, e vuku na tamata i varau bura e kiya ga e qai vivutuni. ¹² a kwa vuwa o tamaya o keya e luve vuwadru, 'I Tamaqu, soliya mai vuwako au na i votavota ni yau o votaiya me lequ.' A votaiya vuwadru na i yau. ¹⁴ Evo vadevuniya taucoko, a qai lamai e kiya na dausiga levu i na vanuwa igi, qai dravudravuwa o keya. ¹⁵ A la i nokoto no ve kiya na i taukei ni vanuwa igi, a vatalajiya ina leya i teitei me va kananidru na leya vore. ¹⁶ A okajiya e taba eru dau kaniya na vore, me bori ke e kete; e tasi kiya e a kaniya. ¹⁷ Evo va kilajiya e yalo, a kwa, eru levu na leya tamata o tamaqu, e soli na ledru cakacaka, eru bori i na madrai evo tu, o au quvo mate ina mata kana. ¹⁸ Aqu na ia, qu na la vo tamaqu, qu na kwa vuwa o tamaqu, qu i varau bura i lomalagi, vuwako tale ga. ¹⁹ E tasi yaga ke mequ niya o luvemu lesiko au me kodaki e kiya na lemu tamata e soli la cakacaka. ²⁰ A ia, a la vo tamaya asi vayawa sara, avo daniya mai o tamaya, avo lomaniya, a wavu, a okoviya, a kisiviya. ²¹ A kwa o luveya vuwa, I tamaqu, aqu vo jiya varau bura i lomalagi vuwako tale ga, evo tasi yaga ke mequ luvemu tale. ²² A kwa o tamaya vuwadru na leya tamata, mutu kau mai na i sulu oka sara, mutu vai sulujiya ke; va uku niya vuwa e kiya na mama ve lima, na i vava ve la. ²³ Mutu kau mai e kiya na bulumakau e uro, vamateniya, medu kana, du marau! ²⁴ Evo mate o luvequ ikwe a qai cola tale. A lavele, a qai laidani tale, vo tekivu meru marau. ²⁵ A nokoto ina i teitei o luveya o luveya o keya e qase vuwadru; a lamai me toro valekeyaji i were, a o varogo na bitu ni vatagi qeiniya na wesi. A ²⁶ coviya e kiya, vuwadru na tamata, a tarogiya kai balebale na kwa igi. ²⁷ A kwa vuwa o keya, a vamateniya o tamamu na luve ni bulumakau evo uro, balejiya niru vo vidani tale avo cola oka. ²⁸ Avo oca o keya, a duwa na unu, a qai lamai ke i rara o tamaya, a vamamasujiya. ²⁹ A qai tata o keya, a kwa vuwa o tamaya, daniya, e levu na yabaki qu qwaraviko ke, qu tasi yalo dredrei ina kwa o kwa; o tasi qai soliya vuwako au e kiya na luveni me, me madu marau vata ke o rau o wekaqu, ³⁰ evo lamai o luvemu ikwe, o keya a vadevu niya na lemu i yau vuwadru na lewa dau teigwane, ovo vamateniya na luve ni bulumakau uro. ³¹ "A kwa vuwa o keya, 'I luvequ, daru vo no vata vakiya, na kwa taucoko ga e no vuwako au e lemu. ³² Io e dodonu medu reki ka marau, nivo mate na lemu tacini ikwe, a qai cola tale; a lavele, a qai laidani tale mai."