¹ Nivo la tu o keya i la were e kiya na Farisi me lai kana i na kiya na siga ni vavacegu, aru va tolaviya. ² A daniya, avo notu ve tutu e kiya na tamata e tauviya na bukete vatu. ³ A vo tata o Jisu, vuwadru na vu ni vunau qeinidru na Farisi, a kwa, e vivacolai i na siga ni vavacegu se jikai? ⁴ Aru vo galu ga a qulumiya o keya, a vacolaniya a vatalajiya yaji. ⁵ A tata vuwadru, a kwa, "o cei vuwako mutou, kodaki e kiya e lutu ina i keli la asa se la bulumakau, e na tasi drejiya mai vawatoto ni sibere na siga ni vavacegu?" ⁶ Aru vo tasi tata rewa tale vuwa ina kwa ikwe. ⁷ A kwa e kiya na tata vatautauvata vuwadru na sureji, e tolavidru niru djigi takiniya na i nono vaturaga; a kwa vuwadru. ⁸ Evo surejiko e kiya ina kana vata ni vawaji, kuwa ni no i ra i na nono vaturaga, ke lala e oka cake sara vuwako e kiya e kanikiya e surejiya mai. ⁹ A qai lamai o keya a surejiko muru, a kwa vuwako, soliya e jiki ikwe vuwa o ka kwe; o na maduwa ni o na lai no e jiki sara i ra. ¹⁰ O vo sureji, la lai no sara i ra, me kwa vuwako o keya e surejiko, ni vo lamai lequ i tokani, lamai i yata o na qai dokai ke eru mata o rau mutu no vata me mutu kana. ¹¹ O keya yakiya e valevulevu niya, eva malumalumutaki; o keya yakiya e vamalumalumu takiniya ena valevulevu taki. ¹² A kwa tale o keya vuwa a surejiya o vo vaveya na kana ni vasigalevu se na kana vaiyavi, kuwa ni surejiya o rau o wekamu djina, se lemu tutuwa se lemu tacini, se na kwai lemu, se lemu lewe ni rara e vutu ni yau, keru surejiko tale, o qai saumi. ¹³ Vo vai soqo, surejidru na dravudravuwa na lokiloki, na gera, na mataboko. ¹⁴ O na qai kalougata ke, niru vo tasi saumi rewa vuwako, o na qai saumi niru na tucake tale mai na mate o rau na yalo dodonu. ¹⁶ A qai kwa vuwa o keya, e kiya na tamata e vaveya na kana vata levu ni vaiyavi, a surejidru ke na lewe levu. ¹⁷ Nivo vai na kana vaiyavi, avo vatalajidru na leya tamata me kwa vuwadru na sureji, mutu lamai, vo varau tu na kwa taucoko ga. ¹⁸ O rau yakiya eru yalo vata meru kala va drejidru. A kawa vuwa e kiya, Aqu vo voliya e kiya na jiki ni vanuwa, e dodonu mequ lai daniya, qu masu jiko ke. mequ kuwa ni layaji. ¹⁹ A kwa e kiya tale, aqu vo voliya e jini na bulumakau, quvo la mequ vatovoliya qu vamamasu jiko ke, mequ kuwa ni layaji. ²⁰ E kwa e kiya, A qu qai vawaji, o keya quvo tasi layaji ke. ²¹ A qai lamai na tamata igi , a kwa vuwa la turaga na vi kwa ikwe. A qai oca na i taukei ni were, a kwa vuwa na leya tamata. 'La sara i rara, meidru mai na dravudravuwa, qeinidru na lokiloki, o rau na qelo tu o rau na mataboko. ²² A lamai kwa na tamata, o mutou na Turaga, evo vai ga me kodaki na kwa o kwa, evo voga na were. ²³ A kwa na turaga vuwa na tamata, la i na vi calevu, i na vi calevu e viri bai tu, kwa vuwadru meru lamai, me oso na lequ were. ²⁴ Aqu vo kwa vuwako mutou, e jikai e kiya vuwadru na tamata e sureji me tovoliya na lequ vaiyavi. ²⁵ Aru lewe levu sara eru lavata, a vuki o keya a kwa vuwadru. ²⁶ Kodaki e kiya e lamai vuwako au e tasi burajiya o tamaya, qeiniya la nene, qeiniya la yalewa, qeinidru o luveya, qeinidru la tutuwa, qeinidru la tacini, o rau o gwaneya qeiniya na leya cola muni, e tasi rewa me lequ jisaiveli. ²⁷ O keya muni e tasi dagiya na leya kauvelatai me tekuciko au, e tasi rewa me lequ jisaiveli. ²⁹ Bara viritakiniya ga o keya na keya yavu, a qai tasi rewajiya me vadevuniya, aru qai va rivarivaciya o rau taucoko ga na daniya, ³⁰ a kwa, na tamata ikwe vo tekivu me vai were, io e tasi rewajiya me va devuniya. ³¹ O cei na tui, e la tu meru vivala vata e kiya tale na tui, e tasi no re i mata, me vanumiya, evo rewajiya me vivala qaneya e ruwa sagavulu na udolu na leya na meca, eru jini ga na udolu na leya o keya, se jikai? ³² Se, vo yawa sara o keya iqoi, a vatalajiya o keya la mata, me vamamasujiya me ru visorosorovi. ³³ E kodaki ke, o keya yakiya vuwako mutou e tasi deiniya na leya kwa taucoko ga, e tasi rewa me niya na lequ jisaiveli. ³⁴ Na kwa oka na masima' kodaki e vo lavele mai na masima na keya kamikamica, e qai vakamikamicataki tale i na cava? ³⁵ E qai tasi yaga ina i teitei, se ina i korokoro ni ta ni manumanu. evo dai ga i rara. O keya e no e bebe me varogo, me varogo sara.